Азалак авыл җирлеге Азалак, Юлтимер авылларында милли бәйрәм-Сабантуй узды. Бәйрәм белән Азалак авыл җирлеге башлыгы И. Г. Габделгазизов, Сарман муниципаль районындагы «Шәфкать» халыкка социаль хезмәт күрсәтү үзәге директоры Мөхлисуллина Л. З., тәбрикләде. Бәйрәмдә юбилярларны, авылның актив кешеләрен, яңа туган сабыйларның әти-әниләрен бүләкләнделәр. Бәйрәм милли спорт төрләре, уеннар һәм җырлар белән узды.

7 нче июнь көнне  Мортыш-Баш авылында милли бәйрәм Сабантуй узды.Килгән кунаклар һәм авылдашлар алдында котлау сүзе белән Илексаз авыл җирлеге депутаты Ризатдинов Гәббәс Гәйнетдин улы чыгыш ясады. Бәйрәмдә катнашучылар милли спорт төрләрендә, уеннарда катнаштылар. Көрәштә җингән  батырга махсус бүләк - тәкә тапшырылды. Бәйрәмне авыл егете Лотфуллин Салават һәм Ләйлә Дабихуллина алып бардылар.

Бүген, 8 июнь көнне, 11 нче сыйныфны тәмамлаучылар математикадан мәҗбүри БДИ тапшыралар

Азалак авылында гомер итүче Фатихова Рәкыйга Шәехсолтан кызына 90 яшь тулды. Олы юбилее белән Сарман муниципаль районы Башлыгы Ф.М. Хөснуллин исеменнән аны Азалак авыл җирлеге башлыгы И. Г. Габделгазизов тәбрикләде. Рәкыйга Шәехсолтан кызына тирән ихтирам һәм рәхмәт йөзеннән район Башлыгы Фәрит Хөснуллинның рәхмәт хатын һәм истәлекле бүләк тапшырылды. Юбилярга чын күңелдән нык сәламәтлек, күңел җылысы, кадер-хөрмәт һәм озын гомер телибез.