Муниципаль районнар Сарман муниципаль районы

Артур тагын беренче

2015 елның 24 феврале, сишәмбе

21 февраль көнне Чаллы картодромында "Кыш-2015" кышкы картинг буенча шәһәр Кубогының өченче соңгы этабы узды. Гомуми зачетта чемпион исеменә көрәшергә картодромда Татарстан, Ульяновск, Сыктывкар, Ижевск һәм Пермь ярышчылары җыелды.

Картодромда җанатарлар күп килгән иде. Өченче этапның оештыручысы булып «КАМАЗ-Мастер» командасы чыкты.

Шуны әйтергә кирәк, шимбә ярышының нәтиҗәләре икенче этапныкыннан нык аерылмады. «Микро» классында тугыз яшьлек Сарман егете Артур Загиров тагын үзененең төп конкурентларын Алабугадан Данила Морковкинны һәм Азнакайдан Әмир Динмөхәммәтовны узды. Шулай итеп, гомуми зачетта Артур үзенең классында чемпион булды.

Җиңүчеләр кыйммәтле бүләкләр белән бүләкләнде.

Оценить материал и/или оставить мнение

http://www.chelnyltd.ru сайтынан тәрҗемә ителгән

БАРЛЫК ЯҢАЛЫКЛАРНЫ УКУ

СОҢГЫ ЯҢАЛЫКЛАР

апрель, 2026 ел

Яна Имән авыл җирлегендә ике айлык кысаларында эш башланды

Җәлил 5 нче «Әкият" балалар бакчасында "Карга боткасы" бәйрэме узды

Бүген бакчабызда татар халкының борынгыдан килгән йола - бәйрәме "Карга боткасы" гөрләп узды. Борынгы заманнарда кешеләр язны каргалар канатында алып килә дип уйлаганнар. Шуңа күрә кар эри башлап, беренче каргалар күренә башлагач та кешеләр “Карга боткасы” бәйрәмен уздырганнар. Безнең балалар да нәкъ шулай эшләделәр. Татар халкының җырлы - биюле уеннарын уйнап, санамышларын әйтеп, әби белән бабайның боткасы пешкәнен көттеләр. “Кем карга боткасыннан авыз итә, шул ел буе авырмый”, дигән борынгыдан калган әйтемгә ышанып, бәйрәмдә катнашучылар тәмле боткадан авыз иттеләр.

Җәлил бистәсенең 6 нчы санлы "Теремкәй" балалар бакчасында кошлар көнен билгеләп үттеләр

Җәлил бистәсенең 6 нчы санлы "Теремкәй" балалар бакчасында кошлар көнен билгеләп үттеләр. Бәйрәм вакытында балаларга канатлы дуслар турында әңгәмә үткәрделәр, кошлар турында кайгыртуның мөһимлеге һәм аларның табигатьтәге роле турында сөйләделәр. Шуннан соң балалар урамга чыктылар, анда тантаналы рәвештә агачларга сыерчык ояларын беркеттеләр. Кошлар өчен бу уңайлы йортларны балалар әти-әниләре белән бергә үз куллары белән ясаганнар. Бәйрәм җылы һәм дустанә атмосферада узды. Мондый очрашулар яхшылыкка, җаваплылыкка һәм әйләнә-тирә дөньяга сакчыл мөнәсәбәткә өйрәтә.

апрель, 2026 ел

2026 елның 3 апреленә һава торышы

Алмашынучан болыт. Төнлә күбесенчә явым-төшемсез. Көндез кыска вакытлы яңгыр, яшенле яңгыр булырга мөмкин. Төнлә һәм иртән урыны белән томан. Җил көньяк-көнчыгыштан, көнчыгыштан 4-9 м/с, көндез урыны белән җилнең тизлеге 14 м/с ка кадәр җитә. Төнлә һаваның минималь температурасы +2..+7˚. Көндез максималь температура +15..+19˚.

ЯҢАЛЫКЛАРГА ЯЗЫЛУ