Муниципаль районнар Сарман муниципаль районы

Сарман районы МВД бүлеге начальнигы Шамгунов Р.Ш. белән очрашу

2016 елның 4 феврале, пәнҗешәмбе

4нче февральдә Җәлил администрациясендә Сарман районы МВД бүлеге начальнигы полиция подполковнигы Рәфкат Шамил улы Шамгунов белән очрашу узды. Гражданнарны кабул итү “Җәлил шәһәр тибындагы поселок” муниципаль берәмлеге башлыгы Бадиков Ленар Мирсаиф улы белән берлектә үткәреле. Кайбер сорауларны ачыклау өчен, Җәлил полиция бүлеге начальнигы Гарипов Салават Яхин улы да чакырылды. Җитәкчеләр һәр килгән граждан белән әңгәмә уздырды һәм аларны борчыган сорауларның чишү юлларын ачыклады. Мондый чара һәр айның беренче пәнҗешәмбесендә 14.00дән 17.00гә кадәр Җәлил администрациясендә үткәреләчәк.

БАРЛЫК ЯҢАЛЫКЛАРНЫ УКУ

СОҢГЫ ЯҢАЛЫКЛАР

апрель, 2026 ел

Яна Имән авыл җирлегендә ике айлык кысаларында эш башланды

Җәлил 5 нче "Әкият" балалар бакчасында "Карга боткасы" бәйрэме узды

Бүген бакчабызда татар халкының борынгыдан килгән йола - бәйрәме "Карга боткасы" гөрләп узды. Борынгы заманнарда кешеләр язны каргалар канатында алып килә дип уйлаганнар. Шуңа күрә кар эри башлап, беренче каргалар күренә башлагач та кешеләр “Карга боткасы” бәйрәмен уздырганнар. Безнең балалар да нәкъ шулай эшләделәр. Татар халкының җырлы - биюле уеннарын уйнап, санамышларын әйтеп, әби белән бабайның боткасы пешкәнен көттеләр. “Кем карга боткасыннан авыз итә, шул ел буе авырмый”, дигән борынгыдан калган әйтемгә ышанып, бәйрәмдә катнашучылар тәмле боткадан авыз иттеләр.

"Яз килә!" күңел ачу чарасы"

3 апрель көнне Илексаз авыл җирлегендә " Яз килә!"Чараның максаты авыл кешеләренең һәм балаларның вессенный каникулларда коллектив ялын оештыру иде. Балалар уеннарда, мастер - классларда, викториналарда катнаштылар.Бәйрәм кунаклары Убырлы Карчык, Кыш Бабай, Клоунесса,Яз чибәре кебек әкият персонажлары булды. Ахырда барысы да тәмле ботка һәм коймак белән сыйландылар. Чараны Илексаз мәдәният йорты директоры Зарипова Г. М. үткәрде.

Җәлил бистәсенең 6 нчы санлы "Теремкәй" балалар бакчасында кошлар көнен билгеләп үттеләр

Җәлил бистәсенең 6 нчы санлы "Теремкәй" балалар бакчасында кошлар көнен билгеләп үттеләр. Бәйрәм вакытында балаларга канатлы дуслар турында әңгәмә үткәрделәр, кошлар турында кайгыртуның мөһимлеге һәм аларның табигатьтәге роле турында сөйләделәр. Шуннан соң балалар урамга чыктылар, анда тантаналы рәвештә агачларга сыерчык ояларын беркеттеләр. Кошлар өчен бу уңайлы йортларны балалар әти-әниләре белән бергә үз куллары белән ясаганнар. Бәйрәм җылы һәм дустанә атмосферада узды. Мондый очрашулар яхшылыкка, җаваплылыкка һәм әйләнә-тирә дөньяга сакчыл мөнәсәбәткә өйрәтә.

ЯҢАЛЫКЛАРГА ЯЗЫЛУ