ЯҢАЛЫКЛАР
Кәүҗияк төп гомуми белем бирү мәктәбе укучылары өчен “Чүлмәкче әкияте” дип исемләнгән интерактив чара үткәрелде. Шөгыль барышында кызыл балчыктан рәхәтләнеп төрле хайваннар, кәрзиннәр ясадылар һәм үзләрен чүлмәк ясау эшенең чын осталары итеп хис иттеләр. Иң мөһиме, бу һөнәр турында бик күп яңалыклар белделәр.
Саклау-Баш урта гомуми белем бирү мәктәбе укучылары өчен Донецк Халык Республикасы, Луганск Халык Республикасы, Запорожье өлкәсе һәм Херсон өлкәсе Россия Федерациясе белән берләшкән көнгә багышланган "Минем тарихым: ДНР-Россия" дип аталган әңгәмә-лекция үткәрелде.
Түбән Табын интернат мәктәбе укучылары "Путешествие в прошлое" проектының өченче этабында катнаштылар. "Мы художники" интерактив чарасы барышында укучылар Альтамир гарәбәләренә виртуаль сәяхәт кылдылар, күмер белән рәсем ясау техникасы белән таныштылар.
Әлеге чара турында тулырак мүгълүмат белән түбәндәге сылтамалар буенча танышырга мөмкин:
Иске Минзәлзбаш төп гомуми белем бирү мәктәбенең коррекцион сыйныф укучылары "Путешествие в прошлое" проектының өченче этабында катнаштылар. "Мы художники" интерактив чарасы барышында укучылар Альтамир гарәбәләренә виртуаль сәяхәт кылдылар, күмер белән рәсем ясау техникасы белән таныштылар.
Әлеге чара турында тулырак мүгълүмат белән түбәндәге сылтамалар буенча танышырга мөмкин:
https://vk.com/wall267984985_1838
Сарман гимназиясенең 4 А сыйныфы укучылары "Археология" дип исемләнгән интерактив чарада катнашып үткәннәргә виртуаль сәяхәт кылдылар.
Чара турында тулырак мәгълүмат белән түбәндәге сылтамалар буенча танышырга була:
https://vk.com/wall267984985_1833.
“Путешествие в прошлое” проектының өченче этабын тормышка ашырырга керештек. Аның кысаларында “Без рәссамнар” дип исемләнгән интерактив чарада Теләнче-Тамак интернат-мәктәбе укучылары катнашты. Балалар Альтамир гарәбәсе буенча виртуаль сәяхәт ясадылар, аның гөмбәзендә һәм диварларында борынгылар ясаган рәсемнәр белән таныштылар. Һәм әлбәттә үзләре кулларына күмер алып, күргәннәрен рәсемгә төшерделәр.
Очрашу һәрвакыттагыча позитив эмоцияләр белән үтте.
Борынгы әби –бабаларыбыздан сакланып калган әйберләрнең кайсысын гына кулга алсак та, аннан җан җылысы бөркелеп тора. Никадәр төгәл, матур итеп эшләнгәненә шаккатасың. Һәрнәрсәгә саклык белән караганнар, чөнки бөтенесенә дә күп көч, ә иң мөһиме күп вакыт сарыф ителгән, шуңа күрә дә әйберләрнең күбесендә тамгалар күрергә мөмкин, алай-болай күршенеке белән алышмаска.
Әйтергә кирәк борынгылар бөтен нәрсәне төптән уйлап, һәр әйбергә тирән мәгънә салып эшләгәннәр. Һәм беренче карашка матурлык өчен тагылган чулпыларның да, чигү бизәкләренең дә яшерен мәгънәләре бар икән.
Тарих битләрен Сарайлы гомуми белем бирү мәктәбе яны лагерена йөрүче балалар белән барладык.
Петровка заводы гомуми белем бирү мәктәбе яны лагерена йөрүче укучылар музей тарафыннан үткәрелүче "Уеннард сакланган тарих" дип исемләнгән интерактив программасында катнаштылар. Безнең чараларыбыз балаларның ялын оештыру гына түгел, ә һәр катнашучы өчен кызыклы һәм аңлаешлы форматта тарихи мәгълүматны үз эченә алган күләмле эш.
Эх, кайчандыр без дә май аеның соңгы көннәрен санап, уку тәмамланганын, ямьле җәй көннәрен көтеп ала идек. Үзебез исә, каникулның беренче көненнән янәдән мәктәпкә, лагерҗга җыела идек. “Күптән” курешмәгән сыйныфташларың белән сагынышып күрешәсең, чабасың, уйныйсың, әрәмәлеккә походка, кинотеатрга һәм башка күп җирләргә барасың...
Менә шундый рәхәт, җылы хәтирәләргә күмә мәктәп яны лагереннан килгән балалар. Ә алар өчен һәрвакыттагыча бездә кызыклы программалар әзер. Тарихны алар өчен кызыклы, мөһим итеп күрсәтү өчен ниләр генә ясамыйбыз, ниләр генә эшләмибез. Бу юлы да, “кыргый атларга” кадәр кайтарттык. Чөнки элек-электән татарларның милли бәйрәмнәрендә төп рольне атлар башкарган. Ат арканлау, ат чабышлары, атта чабып барганда җәядән ук ату һәм башкалар.
Әле ярый вакыт машинабыз бар, фантазиянең чиге юк! Утырдык та, киттек балалар белән тарих битләрен барлап.
Машинаның төтеннәре җилләп,күзне ачсак,ни күрик!!! Тирә - юньдә атлар пошкыра,ярминкә гөрли, халык җыелган!!! Бүгенге көндә онытылган, ләкин ерак үткәннәрдә татарларның олы бәйрәмнәренең берсе булган - "Җыен" бәйрәменең нәкъ кызганнан кызып барган мизгеленә килеп төштек!
Чулпылар, чигүле алъяпкычлар, калфак, яулыклар, читекләр... Бүгенге көндә боларның барсын да сәхнәдә, йә күргәзмәләрдә генә күрергә мөмкин. Менә шулай сокланып карап торасың да, уйланып китәсең... Нинди матур булган бит халкыбызның милли киемнәре, бизәнү әйберләре, кабатланмас чигү бизәкләре.
Борынгы әби –бабаларыбыздан сакланып калган әйберләрнең кайсысын гына кулга алсак та, аннан җан җылысы бөркелеп тора. Никадәр төгәл, матур итеп эшләнгәненә шаккатасың. Һәрнәрсәгә саклык белән караганнар, чөнки бөтенесенә дә күп көч, ә иң мөһиме күп вакыт сарыф ителгән, шуңа күрә дә әйберләрнең күбесендә тамгалар күрергә мөмкин, алай-болай күршенеке белән алышмаска.
Әйтергә кирәк борынгылар бөтен нәрсәне төптән уйлап, һәр әйбергә тирән мәгънә салып эшләгәннәр. Һәм беренче карашка матурлык өчен тагылган чулпыларның да, чигү бизәкләренең дә яшерен мәгънәләре бар икән.
Әлеге серләрне без Янурыс балалар бакчасыннан килгән кечкенә кунакларыбыз белән бергәләп чиштек.