ЯҢАЛЫКЛАР

02.03.2026 ел Сарман муниципаль районының балигъ булмаганнар эшләре һәм аларның хокукларын яклау комиссиясенең Татарстан Республикасы Сарман районы прокуроры катнашында узган киңәйтелгән утырышында Административ хокук бозулар турындагы эшләр каралды. 2025 ел йомгаклары буенча Балигъ булмаганнарның җинаятьчелегенең торышы турында, хокук бозулар кылу сәбәпләрен һәм шартларын анализлау, укучыларның хокук бозуларын профилактикалау чараларын күрү нигезендә, юл хәрәкәте кагыйдәләре инспекторы, мәгариф бүлеге башлыгы, «Сарман аграр көллияте» ДАҺБУ директорының тәрбия эше буенча урынбасары чыгыш ясады. Комиссия әгъзалары балигъ булмаганнарда суицид билгеләре һәм аутоагрессив тәртип ачыкланган очракта ата-аналарның (законлы вәкилләрнең) гамәлләре алгоритмын өйрәнде.

Кормаш  авылында яшәүче Динмөхәмәтов Шамгун Динмөхәмәт  улына 95 яшь тулды. Аны юбилее белән Сарман муниципаль районы башлыгы урынбасары Гараева Г.Р. котлады. Котлауларга Шәрләрәмә авыл җирлеге башлыгы Хуҗина Н.Н.да кушылды.

"Сарман муниципаль районы администрациясе хәбәр итә: «Челтәр компаниясе» АҖ филиалы - «Көньяк-Көнчыгыш электр челтәрләре» Сарман районында урнашкан киләсе хуҗасыз күчемле мөлкәт объектына милек хокукын рәсмиләштерү буенча эш алып бара.: Милекчеләр яисә милекчеләр турында белешмәләре булган затлар игълан ителгән очракта, «Челтәр компаниясе» АҖ филиалы- «Көньяк-Көнчыгыш электр челтәрләре» нә түбәндәге адрес буенча мөрәҗәгать итүне сорый: 422980, Татарстан Республикасы, Чистай районы, Чистай шәһәре, К.Маркс урамы, зд. 131, тел.8(8553) 30-36-05. Мөрәҗәгать итү вакыты әлеге хәбәр басылып чыкканнан соң 30 көн тәшкил итә".

 Җәлил бистәсендә яшәүче тыл ветераны  Вәлиев Мирдегали Сәет улы туган көнен билгеләп үтте. Бу язгы көндә “Җәлил бистәсе” муниципаль берәмлеге башлыгы Рәфикъ Әзһәм улы Кәримов, Мирдегали Сәет улын җылы сүзләр белән котлады. Аерым игътибар Россия Федерациясе Президенты Владимир Путиннан котлау открыткасы һәм Татарстан Республикасы Президенты Рөстәм Миңнехановның истәлекле бүләк белән бергә тапшырылган азык-төлек пакеты тапшырылды. Мирдегали Сәет улы адресына котлауларга чын күңелдән кушылабыз! Аның һәр көне нык сәламәтлек, күңел җылысы һәм шатлык белән тулып торсын, ә тормышы якыннары яратуында дәвам итсен.

Май чабу бәйрәме - иң күңелле халык бәйрәме. Балалар бакчасында Май чабу бәйрәмен үткәрү-балаларга үз халкының мәдәнияте һәм гореф-гадәтләре турында сөйләүнең, үз тарихыңа мәхәббәт һәм хөрмәт тәрбияләүнең менә дигән ысулы ул. Балалар Май чабу атнасын һәрвакыт түземсезлек белән көтәләр, чөнки бу уеннар, әйлән-бәйлән уйнаулар һәм, әлбәттә инде, гадәттән тыш тәмле коймаклар!

Инде традиция буенча, февраль аенда һәм март башында, һәр төркемдә "тәрәзә төбендәге бакча" бизәлеше башлана. Һәм, әлбәттә, иң беренче үсемлек суган була. Балалар суганчыларны кызыксынып карадылар, аларның төзелеше һәм утырту этаплары белән таныштылар. Суган утырту - тәҗрибә дә һәм беренче яшел витаминнар. Беренче яшеллек балаларның күз алдында өлгергәч, моннан да күңеллерәк нәрсә юк. Ә үсемлекнең үсүен күзәтү процессы кызыксынучанлык һәм күзәтүчәнлек үсешенә ярдәм итә. Балаларда үстерелә торган үсемлекләрнең матурлыгына соклану һәм үз хезмәт нәтиҗәләре белән горурлану сәләте туа.

    Балалар өчен суган утырту процессы кызыклы иде, ә хәзер барысы да түземсезлек белән нәтиҗәне көтәчәк!☘️🧅

Ногманов Фәрит Рәсим улы 1987 елның 3 маенда Татарстан Республикасының Сарман районы Сарман авылында туа.

1994 елда Сарман гимназиясенә укырга керә, 2002 елда 9 нчы сыйныфны тәмамлый. 2002 елда Сарман һөнәри-техник училищесына укырга керә, 2005 елда уку йортын «тракторчы-машинист»белгечлеге буенча тәмамлый.

2005-2006 елларда Свердловск өлкәсенең Елай шәһәрендә срочная хезмәт үтә, кече сержант исеме. Мобилизация алдыннан соңгы эш урыны-Чаллы шәһәренең «ТЭМПО» заводы.

2022 елның 27 октябрендә мобилизацияләнгән. 2023 елның 20 ноябрендә рядовой Ногманов Фәрит Рәсим улы Донецк Халык Республикасы, Луганск Халык Республикасы һәм Украина территорияләрендә махсус хәрби операция бурычларын үтәгәндә һәлак булган. Геройның якыннарын югалту ачысын

Сарман районы Башлыгы Фәрит Мөнәвир улы Хөснуллин уртаклашты, Татарстан Республикасы Рәисе Рөстәм Нургали улы Миңнехановның кайгысын уртаклашу сүзләрен җиткерде. Аның сүзләренә Сарман һәм Мөслим районнары буенча хәрби комиссар Дашгын Гасанов, сугышчыларның якыннары да кушылды. Аның истәлегенә бер минут тынлык игълан ителде.

01 март көнне авылыбызның бер  күркәм гаиләсендә -Степанов Григорий Павлович белән Зинаида Филаредовнаның матур бәйрәме – зөбәрҗәт туйлары булды. Авыл җирлеге башлыгы Юрий Григорьевич Антонов аларны бәйрәм белән котлады һәм ихлас теләкләрен җиткерде. Ләке мәдәният йорты җитәкчесе Римма Валентиновна юбилярларны тәбрикләп, аларга сәламәтлек, бәхетле озын гомер теләде.

МББУ "Сарман урта гомуми белем бирү мәктәбендә" уку атнасы традицион линейкадан старт алды. Флагны тантаналы күтәрү һәм гимннар башкару укучыларны һәм укытучыларны уртак омтылышта берләштерде.

"Җәлил гимназиясе"ндә А.Л. Шәйхетдинова җитәкчелегендәге укучылар СВО өчен маскировка челтәрләре үрәләр. "Помощь рядом" волонтерлык хәрәкәте әгъзасы Гарайшина Суфия Газимҗан кызы берничә көн дәвамында үрү буенча мастер-класслар күрсәтте. 8 нче Б сыйныфында укучыларның ата-аналары эшләрен дәвам итү өчен кирәкле материал сатып алганнар.