ЯҢАЛЫКЛАР
1 май көнне Җәлил бистәсенең 6 нчы санлы "Теремкәй" балалар бакчасы коллективы беренче май митингына чыкты. Барыгызны да Яз һәм Хезмәт бәйрәме белән котлыйбыз!
2022 нче елның 1 нче маенда "Җәлил гимназия"се коллективы бердәм рәвештә Беренче Май митингына чыкты. Һава торышы салкын булуга карамастан, кәеф бәйрәмчә иде. Гимназия укучылары Яз һәм Хезмәт бәйрәмендә ел саен үткәрелә торган җиңел атлетика эстафетасында беренче урынны яуладылар. Бәйрәм белән котлыйбыз!
"Язгы игелек атнасы" Бөтенроссия акциясе кысаларында "Җәлил гимназия"се укучылары Җәлил бистәсе волонтерлары белән берлектә сукбай хайваннарга хәйрия ярдәме күрсәттеләр. Терлекләргә азык, пеленкалар, медикаментлар җыйдык. Битараф калмаганнарга зур рәхмәтебезне белдерәбез!
Хөрмәтле райондашлар!
Сезне 1 Май – Яз һәм Хезмәт бәйрәме белән чын күңелемнән тәбрик итәм.
Аерым бер үзенчәлекле һәм шатлыклы хис белән сугарылган бу бәйрәмне төрле буын вәкилләре күтәренке күңел белән каршы алалар. Чөнки ул һәр аерым кешенең, һәр гаиләнең һәм, нәтиҗәдә, Сарман районыбыз, туган республикабыз, илебез иминлегенең нигезе булган теләктәшлек, дуслык һәм бердәмлек төшенчәләрен тагын да ныгытучы, хезмәт кешесенә ихтирам хисен чагылдыручы тарихи символга әверелде.
Хөрмәтле райондашлар, сезгә районыбызны үстерүгә-ныгытуга керткән лаеклы өлешегез, фидакарь хезмәтегез өчен олы рәхмәтемне җиткерәм. 1 Май бәйрәме көнендә күтәренке кәеф, эшегездә уңышлар, ныклы сәламәтлек, ил-көнебезгә тынычлык һәм иминлек телим.
Бүген районда язгы кыр эшләрендә катнашучы механизаторлар арасында беренче бишкөнлек ярышларында җиңүчеләрне бүләкләделәр.
Мәдәният йорты мәйданында Җәлил авыл хуҗалыгы ярминкәсе узды. 1 нче "Каенлык" балалар бакчасы коллективы ярминкәдә актив катнашты.
2022 елның 1 маенда 06 сәгатьтән 18 сәгатькә кадәр.
2022 елның 1 маенда көндез Татарстан Республикасы территориясендә урыны белән төньяк-көнбатыштан исүче җилнең тизлеге секундына 15-17 метрга җитәргә мөмкин.
30 апрель көнне Яңа микрорайонда, "Сандугач" балалар бакчасы янында чыршы утыртылды.
Агачлар утырту Бөек Ватан сугышында һәлак булганнар истәлегенә багышланган иде. Акциядә район башлыгы Фәрит Хөснуллин, җитәкче урынбасары Индира Сәхипова, авыл җирлеге башкарма комитеты җитәкчесе Николай Сахуриев, «Бердәм РОССИЯ» партиясенең Сарман җирле бүлекчәсе башкарма секретаре Айназ Сафина, ветераннар Советы Рәисе Асылъяр Харисов һәм яшь армиячеләр катнашты.
Әйтергә кирәк, Сарман районында 7910 һәлак булган һәм 4732 Бөек Ватан сугышы вакытында хәбәрсез югалган кеше исәпләнә.
30 нчы апрель көнне Җәлил бистәсенең Мәдәният сарае мәйданында авыл хуҗалыгы ярминкәсе узды. Бу ярминкәдә 6 нчы санлы "Теремкәй" балалар бакчасы коллективы актив катнашты.
Александровка авыл җирлеге "Хәтер бакчасы"акциясенә кушылды