ЯҢАЛЫКЛАР

Бүген Җәлил поселогында Сигезенче чакырылыш Россия Федерациясе Федераль Җыены Дәүләт Думасына депутатлар сайлау башланды.

Иртәнге сәгать 8дән барлык участок комиссияләре үз эшләрен башлады.

Тавыш бирү 17 сентябрьдән 19 сентябрьгә кадәр дәвам итәчәк.

                                         Җэлил поселогы башкарма комитеты

Татарстан Республикасы Дәүләт Советы депутаты Геннадий Глушков Сарман районына эш визиты белән барды. Аны район башлыгы Фәрит Хөснуллин озатып йөрде. Эш сәфәре кысаларында Геннадий Николаевич район сайлау комиссияләрендә булды, участокларда эш оештыру, Россия Федерациясе Федераль Җыены Дәүләт Думасы депутатларын сайлауда тавыш бирүнең барышы белән танышты. Районның территориаль сайлау комиссиясе әгъзалары белән очрашты.

Билгеле булганча, 17-19 сентябрьдә сигезенче чакырылыш Россия Федерациясе Федераль Собраниесе Дәүләт Думасына депутатлар сайлау булачак. Шул уңайдан бүген районда иртәнге 8дән сайлау участоклары эшли башлады. Барлык сайлау участокларында да саклык һәм куркынычсызлык чаралары саклана. Участок сайлау комиссияләре әгъзалары сайлаучыларны территориаль бүлек буенча теркиләр.

15 сентябрь көнне муниципаль хезмәткәр Газизуллина Р.Р. 7-8 сыйныф укучылары өчен электрон тәмәкенең зыяны турында профилактик әңгәмә үткәрде.

Бүген, 16нче сентябрь көнне, 7нче сыйныф җитәкчесе Гарипова М.М. гимназиянең актлар залында 2-7нче сыйныф укучылары белән җәмәгать урыннарында һәм өйдә куркынычсыз тәртип турында әңгәмә үткәрде. Ул балаларга таныш булмаган кешеләр белән аралашканда нинди кагыйдәләрне үтәргә кирәклеген тагын бер кат искә төшерде. Ул аз яктыртылган урамнарда йөрергә кирәкми, дип искә төшерде. Тормыш яки сәламәтлеккә куркыныч туса, шунда ук өлкәннәргә ярдәм итәргә яки качарга кирәк.

Россия Федераль салым хезмәтенең Татарстан Республикасы буенча 11 нче номерлы районара инспекциясе Татарстан Республикасы территориясендә Россия Федераль салым хезмәтенең базарларда намуссыз тәртипне булдырмау буенча тармак проектын гамәлгә ашыру дәвам итә, дип хәбәр итә. Проектның максаты-контроль – касса техникасын кулланып теркәлә торган керемне арттыру (алга таба-ККТ), һәм шуның нәтиҗәсе буларак, ваклап сату базарларының яшерен әйләнешен киметү хисабына бюджет керемнәрен арттыру һәм бизнесны алып баруның тигез, конкурент шартларын булдыру.

Сәламәтлек -зур байлык

15нче сентябрь көнне Җәлил поселогы мәдәният йортында Татарстан Республикасына багышланган күргәзмә узды. "Җәлил гимназиясе"нең 5-7нче сыйныф укучылары күргәзмәдә булдылар һәм Идел буе Болгары чорыннан алып безнең көннәргә кадәр Татарстан тарихы турында күп кенә файдалы мәгълүмат алдылар. Күргәзмә бик кызыклы һәм файдалы булды.

Бүген район Советының утырышлар залында район сайлау комиссияләре әгъзалары белән киңәшмә узды.

Икенче ел инде  Татарстан Республикасы  Президентының  “Наш двор- добрые соседи” (“Безнең ишек алды - яхшы күршеләр”) кысаларында урамнарда бәйрәм чаралары үткәрелеп килә.  Без дә бу чаралардан читтә калмадык.

          Шушы көннәрдә эссе җәйләр үтеп, көзләргә кергәндә, табигатькә зарланулар, эсседән башны кая тыгарга белмәгән чагында  әйткән “сүзләребезне” ишеттеме, көтеп алынган янгырларга салкынын да кушып “кирәгебезне бирә” башлады Хак Тәгалә.

         Без,  9 сентябрь   көнне  бу проект кысаларында, яңа гына төзекләндерелгән 30 лет Победы урамының  3,  Ленин урамының 14 һәм 16 йортларының ишек алдына концерт белән чыгарга планлаштырган идек. Батыр безнең “Ак калфак” һәм “Родники” кызлары. Яңгыр, салкын дип тормадык, матур киемнәребезне кидек тә, бөтен кешене шаккаттырып, ишек алдында концерт куеп кердек. Халык безне  балконнарыннан да, тәрәзәләрен ачып  та тыңлады. Үткән-сүткән фотога төшереп, видеога төшереп мәш килде. Аларга кызык та булгандыр инде, баян өстенә зонтик тотып, төркем-төркем “әбиләр” җырлап торсын әле. Кайда күрелгәне бар  мондый хикмәтнең?! Ә безгә кызык. Кызганнан кыза барып, дөнья җыр җырлап аттык. Соңыннан кайнар чәй эчеп, җылындык, үзебезнең  “батырлыгыбыздан” рәхәтләнеп көлештек.        

Әнисә Минһаҗева, Жэлил поселогы ветераннар советы председателе.