ЯҢАЛЫКЛАР
Башлангыч мәктәп укучылары өчен Олы Нөркәй урта мәктәбенең тәрбия буенча директор киңәшчесе Әхәтова Л.Ф. «А дан Я га кадәр» дигән чара оештырды.
Хөрмәтле финанс өлкәсе хезмәткәрләре! Һөнәри бәйрәмегез - финансистлар көне белән чын күңелдән котлыйм!
Бүген финанслар белән идарә итү - стандарт булмаган карарлар, яңа проблемаларга оператив җавап, планлаштыруга дөрес якын килүне таләп итә торган процесс. Сез алып барган эш участогының никадәр җаваплы һәм җитди булуын, монда финансистларга хас профессионализм, намуслылык, объективлык сыйфатларының нинди мөһим роль уйнавын без барыбыз да аңлыйбыз.
Районның финансиситларына һәм хезмәт ветераннарына намуслы хезмәтләре өчен рәхмәт сүзләрен җиткерәм.
Сезгә чын күңелдән ныклы сәламәтлек, бәхет, иминлек, киләчәктә дә һөнәри эшчәнлектә уңышлар телим.
Хөрмәтле нефтьчеләр, тармак ветераннары! Сезне һөнәри бәйрәмегез - Нефть һәм газ сәнәгате хезмәткәрләре көне белән котлыйм.
Нефтьчеләр көне - кыю һәм көчле рухлы кешеләр бәйрәме. Бу югары квалификация, эчке дисциплина һәм чыдамлык таләп итә торган һөнәр. Нефть һәм газ чыгару Сарман районының икътисадый һәм социаль тотрыклылыгының нигезе булды һәм булып кала бирә, анда яшәүчеләрнең тормыш-көнкүреш гаранты булып тора.
Бу бәйрәм көнендә район тормышының барлык тармакларына күпьеллык ярдәм күрсәткәнегез, хәйриячелек традицияләрен саклаганыгыз һәм дәвам иткәнегез өчен ихлас күңелдән рәхмәт сүзләрен кабул итегез. Чын күңелдән сезгә гаиләләрегездә иминлек, ныклы сәламәтлек һәм һөнәри уңышлар телим.
«БЕРДӘМ РОССИЯ» партиясенең иҗтимагый кабул итү бүлмәсендә Россия Федерациясе Дәүләт Думасы депутаты Азат Фердинанд улы Ягафаров һәм Сарман муниципаль районы Башлыгы, «БЕРДӘМ РОССИЯ» партиясенең җирле бүлекчәсе секретаре Фәрит Мөнәвир улы Хөснуллин Россия Федерациясе Дәүләт Думасында «БЕРДӘМ РОССИЯ» фракцияләре Татарстан Республикасы Дәүләт Советына һәм Татарстан Республикасы Сарман муниципаль районының вәкиллекле органына Сарман муниципаль районының социаль-икътисадый һәм мәдәни үсеше мәсьәләләре буенча үзара хезмәттәшлеге турындагы килешүгә кул куйдылар.
Эшлекле сәфәр барышында Россия Федерациясе Дәүләт Думасы депутаты Азат Фердинанд улы Ягафаров «БЕРДӘМ РОССИЯ» партиясенең иҗтимагый кабул итү бүлмәсендә «Ватанны саклаучылар» фондының район социаль координаторы Ләлә Насыйбуллина, төбәк хезмәттәшлегенә һәм үсешенә ярдәм итү Татарстан фонды филиалы директоры Илдус Мәүләвиев, авыл җирлекләре башлыклары, Сарман муниципаль районы Башкарма комитеты вәкилләре катнашында түгәрәк өстәл уздырды. Кергән мөрәҗәгатьләр депутат тарафыннан эшкә кабул ителде. Алар буенча тиешле инстанцияләргә депутат запрослары җибәреләчәк һәм мөмкин булган барлык ярдәм күрсәтеләчәк.
Сарман районына эшлекле визиты белән Россия Федерациясе Дәүләт Думасы депутаты Азат Фердинанд улы Ягафаров килде. Сәфәр барышында аны Сарман муниципаль районы Башлыгы «БЕРДӘМ РОССИЯ» партиясенең җирле бүлекчәсе секретаре Фәрит Мөнәвир улы Хөснуллин озата йөрде.
Намуссыз эш бирүчеләрне ачыклау өчен «соры хезмәт базары» юнәлеше буенча «Халык контроле»ТР Дәүләт Мәгълүмат Системасына тиешле мөрәҗәгать бирү юлы белән формаль булмаган эш белән тәэмин итү, рәсми булмаган хезмәт хакы түләү фактлары турында хәбәр итү мөмкинлеге оештырылган.
Бүген безнең балалар бакчасына "Алинә" курчак театры килде! Тамаша " Ромашка, Василек һәм Чудо-Юдо "дип атала иде. Балалар матур костюмнарга, артистларның яңгыравык тавышларына шаккатып карап тордылар. Һәр бала үзен тылсымның бер өлеше итеп хис итте. Курчаклар шулкадәр табигый хәрәкәтләнделәр ки, алар тамашачыларның күз алдында ук җанланып киткәндәй булдылар. Бу чара сабыйларыбыз өчен чын бәйрәмгә әверелде, аларга бик күп уңай хис-кичерешләр бүләк итте һәм озак вакытлар матур тәэсирләр калдыргандыр дип ышанып калабыз.
Балалар бакчасында күңелле көннәр. Балалар бакчасы - бер гаилә. Бергә булыйк - син һәм мин - Эшләргә күңелле Һәм барысына да өйрәнергә. Балаларның күп вакытын балалар бакчасында үткәрәләр. Аны балалар өчен икенче йорт дип юкка гына атамыйлар. Балалар бакчасында балаларга бик яхшы, көн саен бик күп яңа һәм кызыклы нәрсәләр беләләр. Сагышланырга туры килми! Балалар төрле эшчәнлек төрләрендә: уен, конструацияләү, рәсем ясауда үзләрен күрсәтәләр. Матур әдәбият уку, сәламәтләндерү чаралары. Балалар уеннарда уйнарга бик яраталар, бу сөйләм үсешендә ярдәм итә. Музыкаль дәресләрдә алар өчен яңа җырлар өйрәнәләр. Һәр көн балалар бакчасында тәэсирләр, уеннар, аралашу, кызыклы эшләр, иҗат белән шөгыльләнү. Балалар бакчасында көннәр бик күңелле һәм кызык уза!