ЯҢАЛЫКЛАР

 Бүген Кәүҗияк мәктәбендә Космонавтика көненә багышланган ачык класс сәгате үткәрелде.

Тәрбиячеләр 2 нче урта мәктәпнең "Беренче хәрәкәт" активистлары белән берлектә космосның серле дөньясы турында бик күп кызыклы нәрсәләр сөйләделәр.

12 апрель, Космонавтика көнендә, МБГББУ “А.Тимергалин исемендәге Иске Минзәләбаш төп гомуми белем бирү мәктәбе»ндә әлеге мөһим вакыйгага багышланган чаралар узды. Барлык сыйныф укучылары класс сәгатьләрендә катнаштылар, анда укытучылар илебез космонавтикасының казанышлары, кешенең космоска беренче очышы һәм бу көннең бөтен ил өчен әһәмияте турында сөйләделәр.

Укучыларга космик тикшеренүләр атмосферасына тирәнрәк чумарга һәм космонавтларның тормышы һәм эше турында күбрәк белергә мөмкинлек биргән тематик видеороликлар карауга аерым игътибар бирелде. Мондый чаралар фән һәм техникага кызыксыну тәрбияләргә ярдәм итә, шулай ук илебез тарихына һәм казанышларына хөрмәт уята.

Космонавтика көне мәктәп тормышында якты вакыйгага әверелде, укучыларда онытылмас тәэсирләр һәм космосның серле дөньясы турында күбрәк белү теләге калдырды.

Хөрмәтле якташлар! Сезне Космонавтика көне белән котлыйм.

Россия тарихына алтын хәрефләр белән 1961 елның 12 апрелендә язылган, ул вакытта Юрий Гагарин космоска беренче очыш ясап, планетаның беренче космонавты булган.

Без бу фәнни-техник казанышның илебездә меңләгән ватандашлар хезмәте ярдәмендә башкарылуы белән горурланабыз. Һәр ел саен бу көнне без күренекле галимнәр, конструкторлар, сынаучылар исемнәренә бай булган Ватан космонавтикасының данлы тарихына сокланабыз.

Җыелган тәҗрибә, зур фәнни-техник потенциал, инновацион фикерләү бүген дә алдагыларның искиткеч традицияләрен дәвам итәргә мөмкинлек бирә. Хәзерге вакытта космик технологияләр икътисадның төрле тармакларында һәм көндәлек тормышта кулланыла.

Бу бәйрәм көнендә барыгызга да тыныч күк, билгеләнгән планнарны тормышка ашыруны телим.

"Профессионалитет" федераль проекты кысаларында бүген "Зиннәт Хәсәнов исемендәге Иске Кәшер урта мәктәбе"ндә Сарман аграр көллияте студентлары белән очрашу узды

Бүген Зур Нөркәй балалар бакчасыында космонавтика көнен билгеләп үттек.

Санитар-экологик икеайлык һәм «ЭКОяз - 2025» республика конкурсы кысаларында безнең мәктәптә «Батарея тапшыр – табигатьне сакла» акциясе уза!  Укучылар барысы да акциядә актив катнаштылар. Һәркем  батареялар алып килеп  әйләнә-тирә мохитне саклауга  өлеш кертергэ тырышты. Акциянең беренче көннәреннән үк инде 5 килограммнан артык батарея җыелган. Бу бик мөһим эш, чөнки бер батарея 20 квадрат метрга кадәр туфракны пычратырга сәләтле, ә  батареяларны жыеп тапшыру табигатькә тискәре йогынтыны булдырмаска ярдәм итә.

МБГББУ "Җәлил гимназиясе" ндә хокук бозуларны кисәтүгә багышланган гомуммәктәп линейкасы узды. Укучылар алдында гимназия директоры Г.Н.Булатова чыгыш ясады. Кибермошенниклык һәм дропперлык мәсьәләләренә аерым игътибар бирелде.

Галимова Рәшидә Галимулла кызына бүген 95 яшь тулды. Бүгенге көндә Әлмәт авылында гомер итүче Балтач районы Шода авылы кызы 1956 елда Габделбарый исемле егеткә кияүгә чыга, һәм гаилә Сарман районында төпләнеп кала. Килен авылда сыер савучы булып эшли, ә гаилә башлыгы терлекчелектә хезмәт куя. 2 ул һәм 3 кыз тәрбияләп үстерәләр алар. Рәшидә апа бүгенге көндә авылда улы Сәүбән белән яши. Ветеранга социаль хезмәткәр беркеткәннәр. Үз эшен ихластан, яратып башкаручы Резедә Хәйбрахманова аны бик нык тәрбияли. Юбилее көнендә Рәшидә апаны үз йортына кунакка чакырып хөрмәтләде. Юбилярны олуг бәйрәме белән район Башлыгы урынбасары Гүзәл Гәрәева тәбрикләде, изге теләкләр белән, Рәсәй Президенты Владимир Путинның Котлау хатын, район Башлыгы Фәрит Хөснуллин исеменнән истәлек бүләге тапшырды. “Шәфкать” халыкка социаль хезмәт күрсәтү үзәге директоры урынбасары Ләйсән Вагыйзова, үзәк белгече Айгөл Хәйруллина, Әлмәт авыл җирлеге башлыгы Данияр Газизов, авыл ветераннар советы рәисе Хәмит Рамазанов та юбилярга сихәт гомер, киләчәктә дә кадер-хөрмәт теләделәр.