ЯҢАЛЫКЛАР
Ихсанова Хәлидә Мөнәвир кызы һәм Рәхимова Елена Фәрит кызы җитәкчелегендәге "Җәлил гимназиясе" ЭКОКОМАНДАСЫ ТР Экология һәм табигый ресурслар министрлыгы үткәргән 2024 нче елгы экологик республика конкурсында III дәрәҗә җиңүче булды. Алар телескоп алу өчен сертификат белән бүләкләнгәннәр. Җиңүчеләрне Түбән Заречье пляжында бүләкләделәр, анда «Экология» милли проекты кысаларында «Милли җыештыру үзенчәлекләре» Бөтенроссия өмәсе узды. Быел «Эковесна» конкурсы инде тугызынчы ел рәттән үткәрелә. Быел конкурска 1202 гариза килгән, бу соңгы еллардагы рекорд булып тора.
Районыбыз Башлыгы Фәрит Хөснуллин барлык дин кардәшләрне Корбан Гаете белән тәбрикләде.
Хөрмәтле сәламәтлек саклау хезмәткәрләре һәм ветераннары!
Сезне һөнәри бәйрәмегез – Медицина хезмәткәре көне белән котлыйм!
Сез үз тормышыгызны иң затлы һөнәр белән бәйләдегез. Сезнең профессиональлегегез, сайланган эшкә тугрылыгыгыз, батырлыгыгыз һәм шәфкатьлелегегез, иң катлаулы ситуацияләрдә карар кабул итү һәм эш итү осталыгыгыз өчен чын күңелдән рәхмәтемне белдерәм.
Сезгә чын күңелдән нык сәламәтлек, иминлек һәм бәхет, авыр һәм кирәкле хезмәтегездә уңышлар, сезгә һәм якыннарыгызга тынычлык, игелек һәм иминлек телим.
Хөрмәтле райондашлар, мөселман кардәшләр!
Чын йөрәктән изге бәйрәм – Корбан гаете белән тәбрик итәм.
Төрле милләт һәм дин вәкилләре дус-тату яшәгән республикабызда, шулай ук районыбызда Корбан гаете – иң ямьле бәйрәмнәрнең берсе. Безнең үзара хөрмәт хисләре саклап, ярдәмләшеп яшәвебез – киләчәктә туган җиребезнең тотрыклы үсешенең нигезе.
Көтеп алынган бу көнне дин кардәшләребез мәчетләрдә бәйрәм намазларын укыйлар, догалар кылалар, Аллаһ ризалыгы өчен корбан чалу йоласын башкаралар. Һәркем киләчәк көннәргә өмет һәм ышаныч, гаиләләребезгә иминлек һәм бәрәкәт насыйп итүен сорый. Районыбызда да елдан-ел дингә килүчеләр, мәчетләр төзүдә-төзекләндерүдә катнашучылар, корбаннар чалып, якыннарын һәм мохтаҗларны шатландыручылар арта бара.
Хөрмәтле райондашлар! Корбан гаете күңелләребезне изгелеккә юнәлтсен, тирә-якка мәрхәмәт белән карарга ярдәм итсен, һәммәбезгә дәрт-дәрман өстәсен, барлык күркәм эш-гамәлләребездә уңышлар китерсен, шатлык-куанычлар һәм җан тынычлыгы насыйп итсен. Исәнлек-саулык, бәхет һәм иминлек телим.
Күпмилләтле төбәгебезнең бай мәдәнияте үсеп килүче буынны тәрбияләү һәм аларга белем бирү өчен зур мөмкинлекләр бирә. Һәр халыкның үз традицияләре, бәйрәмнәре, уеннары бар. Безнең республикада әһәмиятле һәм зур бәйрәмнәрнең берсе - Сабантуй.
Шундый бәйрәм бүген балалар өчен Җәлил поселогы мәйданында да узды.
Бәйрәмнең максаты булып, балаларны мәдәни кыйммәтләрне танырга, аларны спортка җәлеп итәргә, традицион рухи-әхлакый кыйммәтләрне сакларга өйрәтү торды.
Бәйрәм белән балаларны «Җәлил шәһәр тибындагы поселогы» муниципаль берәмлеге башлыгы Кәримов Р.А. котлады, аларга баш өстендә аяз күкләр һәм бәхетле балачак теләде.
Кунаклар милли уеннарда осталыкларын күрсәттеләр.
Мәдәният йорты, Җәлил сәнгать һәм балалар музыка мәктәбе бәйрәм концерты оештырдылар, ә китапханә һәм “Батыр” спорт комплексы хезмәткәрләре милли һәм спорт уеннары, төрле конкурслар оештырдылар. Берәү дә бүләксез калмады!
Илексаз төп гомуми белем бирү мәктәбе, Петровка-Завод урта гомуми белем бирү мәктәбе каршыларында оештырылган лагерьларга йөрүче балалар өчен яңа мультфильмнар җыентыгы күрсәтелде.
Ел саен Сарман муниципаль районы Советы һәм Башкарма комитеты профсоюзы әгъзалары өмәләрдә актив катнашалар. Өмәләр әйләнә - тирә мохитне чиста тотарга, кешеләрнең үз территорияләре өчен җаваплылыгын формалаштырырга гына түгел, ә хезмәттәшләре белән вакыт үткәрүнең яхшы ысулы. Шулай ук балалар өчен яхшы үрнәк булырга мөмкин.
Сарман муниципаль районы башлыгы Фәрит Мөнәвир улы Хөснуллин капиталь ремонт объектларын карап чыкты, эш барышы белән танышты, подряд оешмалары вәкилләре белән очрашты.
12 нче июньдә Без Россия көнен-Россия Федерациясенең милли дәүләт бәйрәмен билгеләп үтәбез. Ул 1994 нче елда оештырылган һәм тарихи вакыйга белән бәйле: 1990 нчы елның 12 нче июнендә Россия Федерациясе Югары Советы Дәүләт суверенитеты турында Декларация кабул иткән. Шул вакыттан бирле Россия көне илнең бердәмлеге, суверенитеты һәм бәйсезлеге символы булып тора. Бу бәйрәм бөтен халык тарафыннан билгеләп үтелә - шәһәрләрдә һәм авылларда, гаиләдә һәм дуслар арасында, Россия тарихына һәм мәдәниятенә горурлык һәм хөрмәт белән. Шуңа бәйле рәвештә, "Җәлил гимназиясе" укучылары Россия көненә багышланган "Россия Объективта" фото-күргәзмәсендә катнашалар.
Июнь аенда Германиядә Совет гаскәрләре төркеме көне билгеләп үтелә. Аларда хезмәт итүчеләр Сарман районында да шактый күп. Шул уңайдан район үзәгендә үткән тантанада якташларыбызны район башлыгы Фәрит Хөснуллин котлады. Ул төркем вәкилләренә бүләкләр, Рәхмәт хатлары тапшырды. Хәрбиләр район үзәге буенча автоузыш та оештырдылар.