ЯҢАЛЫКЛАР

Юбилярны туган көне белән Сарман муниципаль районы Башлыгы Фәрит Мөнәвир улы Хөснуллин, Сарман районының авыл хуҗалыгы һәм азык-төлек идарәсе җитәкчесе Николай Иванович Сахуриев котладылар, лаеклы бүләкләр тапшырдылар: агросәнәгать комплексы системасында намуслы хезмәтләре өчен Татарстан Республикасы Авыл хуҗалыгы һәм азык-төлек министрлыгының Мактау грамотасы, Сарман муниципаль районы Советының Мактау грамотасы, шулай ук истәлекле бүләк тапшырдылар.

Буген хөрмәтле Хуснуллин Рашит Гиббазовичның 90 яшь юбилее тантаналы рәвештә билгеләп үтелде.  
Бу мөһим вакыйга хөрмәтенә Рашит Гиббазовичка Сарман муниципаль районы башлыгы Хөснуллин Фәрит Мөнәвир улы исеменнән рәхмәт хаты һәм истәлекле бүләк тапшырылды. Юбилярны котлау өчен кайнар теләкләр белән «Җәлил шәһәр тибындагы поселогы» муниципаль берәмлеге башлыгы Каримов Р.Ә. мөрәҗәгать итте.

 
Без дә Рашит Гиббазовичка багышланган котлауларга чын күңелдән кушылабыз! Аның һәр көне сәламәтлек, йөрәк җылылыгы һәм шатлык белән тулы булсын!

Азалак авылында гомер итүче Габдрафикова Бибиәсфия Асылмардан кызына 90 яшь тулды. Олы юбилее белән белән Азалак авыл җирлеге башлыгы И.Г.Габдулгазизов тәбрикләде, изге теләкләрен җиткереп, район Башлыгы Фәрит Хөснуллинның котлау хатын hәм истәлек бүләген тапшырды. Юбилярга ныклы саулык, кадер-хөрмәт теләде. 

Буралы Чишмә авылында якташларыбызның очрашуы шушы бәрәкәтле җирдә туып-үскән кешеләрнең йөрәкләрен берләштереп, илебезнең төрле почмакларына таратып җибәргән күңел бәйрәменә әверелде. Чарада Сарман муниципаль районы Башлыгы Фәрит Мөнәвир улы Хөснуллин катнашты, ул мондый вакыйгаларның традицияләрне саклау һәм буыннар арасындагы элемтәләрне ныгыту өчен әһәмиятен ассызыклады.

Татарстанның Уралдагы вәкиле, Татарстанның атказанган артисты Хәйдәр Гыйльфанов, Татарстанның халык артистлары Рөстәм Закиров, Равил Галиев, Татарстанның атказанган артисткасы Гөлдания Хәйруллина, шулай ук популяр артистлар Алмаз Ишморатов, Гайфулла Абзалов һәм башкалар бәйрәмнең мәртәбәле кунаклары булдылар. Аларның булуы вакыйгага үзенчәлекле төсмер бирде һәм барлык җыелучылар өчен якты бүләк булды. Чарада шулай ук батырлык һәм ныклык үрнәге булган якташыбыз - махсус хәрби операциядә катнашучы Ранил Раушанович Гайнанов та катнашты.

Концерт программасы жанрларның төрлелеге һәм башкару осталыгының югары дәрәҗәсе белән сөендерде. Халык җырлары, дәртле биюләр яңгырады.

Якташларыбызның очрашуы-ул бәйрәм һәм туган авылыбыз тарихын искә алу, ата-бабаларыбызны искә алу мөмкинлеге. Бу рухи элемтәләрне ныгыту, мәдәни мирасны саклау һәм аны киләсе буыннарга тапшыру.

Очрашу Татарстан Республикасы Рәисе Рөстәм Нургали улы Миңнеханов ярдәме белән "Татарстанда җәй" проекты кысаларында узды.

Ветерана труда, труженика тыла Нафису Набиулловну с днем рождения поздравил Глава Сармановского муниципального района Фарит Мунавирович Хуснуллин, вручил благодарственный адрес, цветы и памятные подарки.

«Чын күңелдән олуг бәйрәмегез белән котлыйм!

Сезнең гомер безнең өчен үзе бер тарих, үзе бер могҗиза.

Шушы мөхтәрәм яшегездә дә һаман да тормышчан, шат күңелле булып гомер кичерүегезгә ихластан сокланабыз.

Үткән тормыш юлыгыз да, бүгенге матур яшәешегез дә зур ихтирамга лаек һәм һәркем өчен үрнәк. Сугыш авырлыкларын үз җилкәгездә кичергән, сугыштан соң илне торгызуда армый-талмый хезмәт куйган буын вәкиле буларак Сездә ныклы ихтыяр көче сакланган. Бүгенге матур тормыштан канәгать булып, һәр туган иртәнең кадерен белеп яшисез.

Район үсешенә керткән шәхси өлешегез, күпьеллык намуслы хезмәтегез өчен зур рәхмәт Сезгә.

Затлы бәйрәмегез белән котлап, Сезгә исәнлек-саулык, күңел көрлеге, якыннарыгыз, туганнарыгызның күңел җылысын һәм игътибарын тоеп яшәвегезне телим», - передал слова поздравления Фарит Мунавирович.

Ветеранны Сарман муниципаль районы Башлыгы Фәрит Мөнәвир улы Хөснуллин котлады, Рәхмәт хаты, чәчәкләр һәм истәлекле бүләкләр тапшырды. Котлауларга Район социаль яклау бүлеге начальнигы Лилия Мирзаһит кызы Гыйльметдинова, «Шәфкать» үзәге директоры Ландыш Зөфәр кызы Мөхлисуллина, Башкарма комитетның мәгариф бүлеге начальнигы Гөлназ Тәлгать кызы Исмәгыйлева, Сарман авыл җирлеге башкарма комитеты җитәкчесе Лилия Ивановна Шәрипова, район ветераннар Советы Рәисе Асыляр Мөнәвир улы Харисов, туганнары һәм якыннары кушылды.

9 августта Җәлил поселогында «Мәдәни мохит» проекты кысаларында шимбә программасы узды. М.Җәлил исемендәге бульварда һәм мәдәният сарае янындагы мәйданда поселок халкы һәм кунаклары җылы атмосферада бергә вакыт үткәрү өчен җыелды.

 Кичәне Ижевсктан гитара астында популяр композицияләр башкарган «Лев и папа» музыкаль дуэты ачып җибәрде. Аларның чыгышы тамашачыларга яхшы кәеф бүләк итте һәм бәйрәм рухы тудырды. Иң кечкенә кунаклар өчен оештыручылар мавыктыргыч анимацион программа әзерләнде.

Чара кысаларында шулай ук ишегалларын төзекләндерүдә актив катнашучыларны да билгеләп үттеләр. Аларга Рөстәм Миңнеханов исеменнән Рәхмәт хатлары тапшырылды.

 «Татнефть» ГАҖ тарафыннан гамәлгә ашырыла торган «Мәдәни мохит» проекты җәлилчеләрне якты вакыйгалар белән сөендерүен дәвам итә, кешеләрне берләштерә һәм җирле талантларга ярдәм итә.

Районыбызның хөрмәтле төзелеш тармагы хезмәткәрләре һәм ветераннары! Сезне чын күңелдән Төзүчеләр көне белән котлыйм.

Төзүчеләр тырышлыгы белән районыбызда яшәү өчен лаеклы шартлар тудырыла, туган төбәгебез төзекләнә, матурлана. Районыбызның инфраструктурасы үсә һәм ныгый. Сезнең хезмәт һәркемнең күз алдында. Киләчәктә дә төзүче һөнәре хөрмәтле һәм кирәкле, ә хезмәтегез нәтиҗәләре озак еллар районыбыз горурлыгы булыр, киләчәк буыннарга хезмәт итәр, дип ышанам.

Бәйрәм белән котлап, барлык төзелеш тармагы хезмәткәрләре һәм ветераннарына олы рәхмәтемне җиткерәм, ныклы сәламәтлек, уңышлар, иминлек телим.

Хөрмәтле спортчылар һәм тренерлар, физик культура, спорт хезмәткәрләре, ветераннар, сәламәт яшәү рәвеше алып баручы райондашлар!

Сезне чын күңелдән Физкультурачы көне белән котлыйм.

Спорт ул сәламәтлек нигезе. Районыбызда физкультура һәм спорт белән шөгыльләнү өчен без барлык шартларны тудырырга тырышабыз. Бүгенге көндә районда 138 спорт корылмасы эшли. Даими рәвештә физкультура һәм спорт белән шөгыльләнүчеләр арасында укучы балалар, яшьләр генә тугел, өлкән буын кешеләре дә шактый.

Спортчыларыбыз актив яшәү рәвеше алып баралар. Район данын яклап, төрле бәйгеләрдә югары нәтиҗәләргә ирешәләр.

Хөрмәтле райондашлар! Физкультура һәм спорт өлкәсен үстерүгә, чемпионнар тәрбияләүгә, сәламәт яшәү рәвешен пропагандалауга өлеш кертүчеләргә, спортта уңышлар яулаган һәркемгә, спорт ветераннарынна рәхмәтемне җиткерәм. Сезгә ныклы сәламәтлек, имин тормыш, уңышлы стартлар һәм зур җиңүләр телим!