ЯҢАЛЫКЛАР

Татарстан Республикасы буенча Роспотребнадзор Идарәсенең (Татарстан) территориаль бүлеге тарафыннан 2025 елның 4 августыннан 15 августына кадәр Әлмәт, Лениногорск, Сарман, Мөслим районнарында балалар товарларының һәм мәктәп кирәк-яракларының сыйфаты һәм куркынычсызлыгы мәсьәләләре буенча түбәндәге адрес буенча тематик консультацияләү оештырылачак: Татарстан Республикасы, Әлмәт шәһәре, Грибоедов урамы, 10, кабул итү бүлмәсе телефоны 88553226514.

Татарстан Республикасы Рәисе Указы белән Миргаяз Миргасыйм улы Рамазанов " Татарстан Автономияле Совет Социалистик Республикасы төзелүгә 100 ел" медале белән бүләкләнде.

Татарстан Республикасы дәүләт бүләген Миргаяз Миргасыйм улына Татарстан Республикасында Суд департаменты идарәсе башлыгы Җәүдәт Миргаҗәм улы Салихов һәм Сарман муниципаль районы Башлыгы Фәрит Мөнәвир улы Хөснуллин тапшырдылар. Юбиляр шулай ук район Башлыгының Рәхмәт хаты белән бүләкләнде.

Хөрмәтле Миргаяз Миргасимович! Сезне юбилей белән котлыйбыз һәм нык сәламәтлек, бетмәс-төкәнмәс энергия, оптимизм һәм иминлек телибез! Һәр көн сезгә шатлык китерсен, ә яныгызда һәрвакыт туганнарыгыз һәм якыннарыгыз булсын!

Бүген Сарман муниципаль районы Башлыгы Фәрит Мөнәвир улы Хөснуллин, Татарстан Республикасында Суд департаменты идарәсе начальнигы Җәүдәт Миргаҗәм улы Салихов, район авыл хуҗалыгы һәм азык-төлек идарәсе начальнигы Николай Иванович Сахуриев, басу-кырларда булып, урып-җыю кампаниясенең чираттагы бишкөнлек җиңүчеләрен бүләкләделәр, тырыш хезмәтләре өчен рәхмәт әйтеп, акчалата сертификатлар тапшырдылар.

Беренче төркемдә, ягъни чит ил техникасында хезмәт куючылар арасында беренчелекне “Нөркәй” агрофирмасыннан Нәсим Гыйльманов алды. Икенче-өченче урыннарны “Җәлил”дән Айнур Харисов белән Ленар Якупов бүлештеләр. 

Икенче төркем – ургычлары 9 метрлы комбайнда эшләүчеләр арасында җиңү “Сарман” агрофирмасыннан Айзат Фәсхетдиновка елмайды. Аның хезмәттәше Ринат Сәгъдәтов икенче булды. “Җәлил”дән Айдар Талипов өченче урын өчен бүләк алды. Ә аның хезмәттәше Илфар Закиров өченче төркемдә, ягъни кыскарак – 7-7,5 метр чапкычлы комбайннар арасында җиңү яулады. “Нөркәй”дән Булат Сафин белән “Сарман” агрофирмасыннан Динар Гыйльфанов икенче-өченче булдылар.

Десантчыларны бәйрәм белән Сарман муниципаль районы Башлыгы Фәрит Мөнәвир улы Хөснуллин исеменнән Башкарма комитет җитәкчесе Фәндәс Әнәс улы Вәлиев котлады, Рәхмәт хатлары, истәлекле бүләкләр тапшырды. Котлауларга хәрби комиссариатның бүлек начальнигы урынбасары Камил Нәҗип улы Миңнугулов та кушылды.

Һәлак булган десантчылар истәлегенә игълан ителгән бер минут тынлыктан соң мемориалга чәчәкләр һәм веноклар салу оештырылды.

Чара Татарстан Республикасы Рәисе Рөстәм Нургали улы Миңнеханов инициативасы белән «Татарстанда җәй» проекты кысаларында узды.

Габдрахман авылы бүген бер гасырлык юбилеен билгеләп үтә! Йөз ел – ул дата гына түгел, ул бай тарих, берничә буын хезмәте һәм туган җиргә бетмәс-төкәнмәс мәхәббәт билгесе.

Тантаналы чарада Сарман муниципаль районы Башлыгы Фәрит Мөнәвир улы Хөснуллин, Татарстан Республикасында Суд департаменты идарәсе җитәкчесе Җәүдәт Миргаҗәм улы Салихов, «Җәлилнефть» нефть-газ чыгару идарәсе ветераны Рәис Асылгәрәй улы Әхмәтшин катнашты. Мөхтәрәм кунаклар авыл үсешенә өлеш керткән гаиләләргә Рәхмәт хатлары һәм истәлекле бүләкләр тапшырдылар.

Тантана халык күңел ачулары белән дәвам итте.

Әлеге чара «Татарстанда җәй» проекты кысаларында Татарстан Республикасы Рәисе Рөстәм Нургали улы Миңнеханов ярдәме белән узды.

Хөрмәтле десантчы сугышчылар һәм ВДВ ветераннары! Сезне чын күңелдән Һава-десант гаскәрләре көне белән котлыйм! Десантчы сугышчылар һәрвакыт батырлык, ныклык һәм Ватанга тугрылык үрнәге булдылар. Иң катлаулы шартларда, теләсә нинди хәрби бурычларны үтәгәндә сез күп тапкырлар үзегезнең Россия армиясе элитасы, безнең Ватаныбызның горурлыгы һәм ышанычлы калканы дип аталу хокукыгызны расладыгыз. Сезгә чын күңелдән тыныч күк йөзе, нык сәламәтлек, ышанычлы тыл, бәхет, иминлек һәм Ватан даны өчен яңа уңышлар телим!

«Курше фест» һәм «Татарстанда җәй» проектлары кысаларында Сарман авылында Ленин урамы, 53 йорт ишегалды бәйрәме узды. 

Чарада Сарман муниципаль районы Башлыгы Фәрит Мөнәвир улы Хөснуллин, Татарстан Республикасында Суд департаменты идарәсе башлыгы Җәүдәт Миргаҗәм улы Салихов катнашты һәм проект активистларына Рөстәм Нургали улы Миңнеханов исеменнән рәхмәт сүзләрен җиткерделәр.

Программада мастер-класслар, спорт ярышлары, иҗади чыгышлар булды, район ишегалларында мондый чаралар күркәм традициягә әверелде.

Фәрит Мөнәвирович һәм Җәүдәт Миргаҗәмович чараны оештыруда катнашкан һәркемгә рәхмәт белдерделәр.

Сарман авылында капиталь ремонттан соң «ТАТМЕДИА» АҖ филиалы бинасы - Сарман мәгълүмат-редакция үзәге ачылды.

Тантаналы ачылышта Сарман муниципаль районы Башлыгы Фәрит Мөнәвир улы Хөснуллин Татарстан Республикасы Рәисе Рөстәм Нургали улы Миңнехановка бинаны яңартуда ярдәм иткәне өчен рәхмәт белдерде. Шулай ук типография бинасында Бөек Ватан сугышы һәм туган якны өйрәнү музее урнашкан.

Ачылышта мәртәбәле кунаклар арасында Татарстан Республикасында Суд департаменты идарәсе башлыгы Җәүдәт Миргаҗәм улы Салихов, «ТАТМЕДИА» Республика матбугат һәм массакүләм коммуникацияләр агентлыгы җитәкчесе Айдар Сәетгәрәй улы Сәлимгәрәев, «ТАТМЕДИА» АҖ генераль директоры Шамил Мөхәммәт улы Садыйков бар иде. Алар сарманлыларны әлеге истәлекле вакыйга белән котладылар.

30 июль коне Җәлил бистәсенең Әхмәдиев урамындагы 14,16 йортларның ишегалды территориясендә «Ишегалды бәйрәме» Валентина Сабитова оештырган бәйрәм чарасы уздырылды. Бәйрәмгә бик күп балалар, яшьләр, өлкән буын кешеләре җыелды. Халык өчен концерт программасы, мастер-класслар, балалар уеннары әзерләнгән.

Татарстан Республикасында яшь белгечләрнең иҗади потенциалын ачу максатларында ел саен Татарстан Республикасы Рәисе Рөстәм Миңнеханов ярдәме белән Татарстан Республикасында эшләүче яшьләрнең «Наше время – Безнең заман»ачык республика телевизион иҗат фестивале үткәрелә.

⁣Фестивальдә җитештерү тармаклары, социаль өлкә, сервис һәм хезмәт күрсәтү тармаклары хезмәткәрләре катнаша ала. Фестивальдә катнашучыларга карата таләпләр һәм аны оештыру турындагы нигезләмәләр Татарстан Республикасы Министрлар Кабинетының 09.06.2016 № 386 «Татарстан Республикасында эшләүче яшьләр иҗатының ел саен үткәрелә торган «безнең вакыт - безнең заман»ачык республика телевизион фестивален үткәрү турында " карары белән билгеләнгән.

Фестивальнең зона турлары, финалы һәм гала-концерты быелның октябрь-ноябрь айларында Яр Чаллы, Әлмәт, Яшел Үзән һәм Казан шәһәрләрендә узачак.

Фестивальдә катнашу өчен 2025 елның 6 октябренә кадәр Фестиваль сайтында гариза бирергә кирәк. www.bzzm.ru.

Фестиваль турында барлык кирәкле мәгълүмат Татарстан Республикасы сәнәгать һәм сәүдә министрлыгының рәсми сайтында урнаштырылган https://mpt.tatarstan.ru/ezhegodniy-otkritiy-respublikanskiy-televizionniy.htm.