ЯҢАЛЫКЛАР

Җиңү көне-1941-1945 еллардагы Бөек Ватан сугышында Кызыл армиянең һәм Совет халкының нацист Германиясен Җиңү бәйрәме. Балалар Бөек Ватан сугышыннан кайтмаганнарны белсеннәр һәм хәтерләсеннәр өчен, бу җиңүнең нинди авырлык белән бирелүен белсеннәр өчен, ел саен безнең бакчада бу көнгә багышланган тематик чара уза.

Бүген балалар сугыш турында җырлар җырладылар, кызлар биеделәр, хәрби тематикага уеннар уйнадылар.

Бөек Җиңүгә өлеш кертүчеләргә рәхмәт, без хәтерлибез, хөрмәт итәбез һәм горурланабыз…

Җиңү көне алдыннан Җиңү волонтерлары бистәдә яшәүче сугыш һәм тыл ветераннарына район Башлыгы бүләкләрен тапшыруда катнаштылар.

http://rosdrevo.ru/russian-tree-of-the-year/# сайтында «Россиянең ел агачы – 2022» бәйгесе буенча тавыш бирү башланды. Татарстан Республикасыннан Себер чыршысы (Picea obovata Ledeb.) катнаша, ул төбәк әһәмиятендәге комплекслы профильле «Озын Алан» дәүләт табигать тыюлыгы территориясендә үсә. Бу агач 2012 елда «Агач – тере табигать һәйкәле» бөтенроссия дәрәҗәсенә ия булган иде инде. Чыршының яше – 135 ел, ә биеклеге – 30 метрдан артык.

9 Май бәйрәме - Бөек Җиңү бәйрәме. 1941 елда бөтен ил Ватанын яклап чыкты һәм тыныч күк астында яшәү хокукын саклап кала алды. Җиңү көнендә безнең һәрберебез үз тарихыбыз өчен горурлык хисләре кичерә. Тәрбиячеләр тәрбияләнүчеләргә тарихыбызның мөһим мизгелләре турында сөйләделәр, Җиңү көне нәрсә ул, ни өчен без аңа изге карыйбыз, бу күз яшьләре белән шатлыклы бәйрәм, нигә безгә аны онытырга ярамый, дип аңлаттылар. Сәхнә балалар бакчасында Җиңү көнен бәйрәм итү тантанасы узды:   балалар сугыш турында шигырьләр сөйләделәр; җиңү бәйрәме, тынычлык, солдат турында җырлар җырладылар.

Җәлил беренче мәктәбе укучылары Бөек Ватан сугышында Җиңүнең 77 еллыгына багышланган "Хәтер бакчасы" акциясендә катнаштылар. Мәктәп янына балалар халкыбызның бөек батырлыгы истәлегенә карлыган үсентеләре утырттылар

Җәлил 1 нче санлы мәктәбе волонтерлары Бөек Ватан сугышы ветеранының тол хатыны Мартьянова Полина Поликарповнага бардылар һәм якынлашып килүче Җиңү көне белән котладылар. 

5нче май көнне "Җәлил гимназиясе"ндә Җиңү көне алдыннан хәрби-патриотик җырлар конкурсы булып узды. Конкурс хәрби дан турында иң яхшы җыр үрнәкләрен ачыклау һәм популярлаштыруга, ватанпәрвәрлек һәм Ватанга мәхәббәт хисен тәрбияләүгә, мәктәп укучыларында музыкаль күзаллауны киңәйтүгә юнәлдерелгән. Җиңүчеләр грамоталар белән бүләкләнәчәк.

Бүген районда "танылган дин белгече, мәгърифәтче, җәмәгать эшлеклесе Мурат Рәмзи: тарих һәм хәзерге заман"халыкара фәнни-гамәли конференциясе башланды.

Конференция эшендә Бөтендөнья татар конгрессы Башкарма комитеты, ТР мөселманнары Диния нәзарәте, Тарих институты вәкилләре катнаша.Ш. Мәрҗани исемендәге Тарих институты, Россия ислам институты, татар эшкуарларына ярдәм итү Бөтендөнья ассоциациясе, "Татар туган якны өйрәнүчеләр җәмгыяте" региональ иҗтимагый оешмасы, "Ак калфак" татар хатын-кызларының республика иҗтимагый оешмасы, "тере агач" гаилә һәм гаилә кыйммәтләрен үстерү һәм ныгыту фонды, ТР татар морзалары мәҗлесе, якташлар җәмгыяте.

Кунакларны район башлыгы Фәрит Хөснуллин озатып йөрде.

     5 май көнне ветераннар клубында  Бөек Җиңүгә багышланган тантана узды. Ветераннарны Җәлил поселогы башлыгы Каримов Рәфикъ Әзһәм улы һәм нефтьче ветераннарның җитәкчесе Харисов Рафаил Әзәл улы котладылар.

        Бөек Ватан сугышы илебез тарихына, һәр гаиләнең, һәр кешенең язмышына үзенең аянычлы эзен салган.  Күп югалтулар кичергән халкыбыз өчен  Җиңү бәйрәме тынычлык, өмет  һәм якты киләчәккә ышаныч символы булып тора. Бүгенге көндә,  без- ветераннар шушы буынның җанлы шаһитлары. Бу җиңүгә безнең әтиләребез, бабаларыбыз үзләренең өлешләрен кертү генә түгел, гомерләрен дә биргәннәр. Шуның өчен бу бәйрәм бик кадерле безгә.

          Бөек Җиңүнең 77 еллыгы уңаеннан, ветераннар клубында “Җәлилнефть” идарәсенең профсоюзы ярдәме белән   шахмат, шашка, бильярд  уеннары буенча турнир узды. Безнең өлкән буын әле бүген дә сынатмый. Ир-атлар, хатын-кызлар командалары 3 көн дәвамында көч сынаштылар.  Җиңүчеләр билгеләдек, призлар тапшырдык.

Ветераннарга  “Ак калфак” һәм “Родники” ансамбльләре  үзләренең җырларын бүләк иттеләр.

                                                   Әнисә Минһаҗева, Жэлил поселогы ветераннар советы председателе.