ЯҢАЛЫКЛАР
Бүген Татарстан Республикасы Дәүләт Советы каршындагы мәйданда Татарстан Республикасы Муниципаль берәмлекләре арасында республика смотр-конкурсында җиңүчеләрне бүләкләү тантанасы булды. Тантанада Сарман муниципаль районы Башлыгы Фәрит Мөнәвир улы Хөснуллин җитәкчелегендәге район делегациясе катнашты. Татарстан Республикасы Рәисе Рөстәм Нургали улы Миңнеханов конкурста җиңгән Александровка авыл җирлеге башлыгы Ирек Фатыйх улы Вафинга һәм Азалак авыл җирлеге башлыгы Илгизәр Габделкайм улы Габделгазизовка җиңел автомобиль ачкычлары тапшырды. Конкурста җиңүчеләрне котлыйбыз, туган районыбыз хакына эшләрендә уңышлар һәм бетмәс-төкәнмәс энергия телибез!
Кичә Татарстан Республикасында мәктәпкәчә мәгариф учреждениеләре педагоглары арасында «Россиянең Ел тәрбиячесе - 2026» республика һөнәри конкурсының муниципаль этабы тәмамланды. Конкурс районның педагогик җәмәгатьчелеге өчен әһәмиятле вакыйгага әверелде һәм төрле балалар бакчаларыннан иң талантлы катнашучыларны җыйды. Конкурс сынаулары барышында педагоглар үзләренең һөнәри осталыкларын, укуга креатив якын килүләрен һәм балаларга ихлас мәхәббәтләрен күрсәттеләр. Безнең балалар бакчасын «туган телле төркем тәрбиячесе» номинациясендә татар теле тәрбиячесе Айгөл Фаил кызы Рәхмәтова тәкъдим итте. Ул конкурсның барлык этапларын лаеклы узды һәм җиңүче булды. Айгөл Фаил кызы Сезгә катнашуыгыз өчен рәхмәт белдерәбез һәм киләчәктә дә һөнәри эшчәнлегегездә уңышлар һәм конкурсның зона этабында уңышлар телибез!
Әкиятне сәхнәләштерү кире бәйләнеш аша үткәрелеп, балалар куян кебек сикерделәр, төлке кебек "койрыкларын" әйләнеп, йөрешеләр, Миша-аю кебек атладылар һәм Әтәч кебек кычкырып кыкрдылар. Төлкәне өйдән куар өчен – бергәләп шакылдадылар һәм тапылдадылар, спектакльне ахырында шатланып биеделәр һәм җырладылар. Әлеге хикәяләр үсә торган буынны тәрбияләү өчен бик мөһим. Аларда төп геройларның вәгазьле хикәяләре сөйләнелә, ул геройлар чын дустылар тапкан, дуслык исеменә батырлыклар кылган. Әлеге әкиятле хикәяләр ярдәмендә балалар дуслык һәм дуслар турында күп кызыклы нәрсәләр беләләр.
Бүген рәсми теркәлүләрне генә түгел, ә мәхәббәт, ышаныч һәм ныклы гаилә бәйләнешләре тантанасын да символлаштырган һөнәри бәйрәм-ЗАГС Көне. Актлар китабында язылган һәр язма - яңа тарихның башы, язмышлар, хыяллар һәм өметләр бергә кушылган тарих. Бу көнне без гаилә кыйммәтләренең, үзара аңлашуның һәм бер-беребезгә ярдәм итүнең мөһимлеген билгеләп үтәбез. Бары тик мәхәббәт һәм хөрмәткә нигезләнгән ныклы гаиләләр генә төзелсен. Барыгызга да бәхет, сәламәтлек һәм өйләрегездә гармония телим. Һәр яңа көн шатлык һәм илһам китерсен.
17 декабрь көнне Сарман авылында Илмир Мөнир улы Гайфуллин истәлегенә багышланган бадминтон буенча ярышлар узды. МББУ «Җәлил гимназиясе» командасы ярышларда актив катнашты. Ярышлар төрле яшь төркемнәрендә узды. 2014-2015 нче елгы кызлар арасында 3 нче урынны Маторина Кира алды. Котлыйбыз!
Намус абый 95 яшьлек юбилеен билгеләп үтә, шулай ук хатыны Нәкыя апа белән бергә 70 ел бергә гомер итәләр. Юбилярларны Сарман муниципаль районы башлыгы Фәрит Мөнәвир улы Хөснуллин котлады, намус Афзалетдин улына Россия Федерациясе Президенты Владимир Владимирович Путинның открыткасын, Рәхмәт хаты тапшырды. Иске Минзәләбаш җирлеге башлыгы Айдар Наил улы Габдрахманов, Сарман районының социаль яклау бүлеге җитәкчесе, «Шәфкать» үзәге директоры Ландыш Зөфәр кызы Мөхлисуллина, туганнары һәм якыннары җылы теләкләр белән котладылар.
Бүген "Кояшкай" балалар бакчасында "Ел тәрбиячесе — 2026" Бөтенроссия һөнәри конкурсының муниципаль этабы җиңүчеләрен һәм лауреатларын бүләкләү тантанасы булды.
Болытлы.
Юеш кар, кар һәм салкын рәвешендә аз гына явым-төшемнәр.
Урыны белән бозлавык, төнлә һәм иртән томан.
Җил көньяктан, көньяк-көнбатыштан 6-11 м/с, көндез урыны белән тизлеге 15 м/с ка кадәр җитә.
Төнлә һаваның минималь температурасы -8..-13˚.
Көндез максималь температура 0..-3˚.
Юлларда бозлавык, урыны белән көчле.
Бүген «Ел тәрбиячесе - 2026»һөнәри конкурсының муниципаль этабы узды. Әлеге конкурс иң яхшы тәрбиячеләрнең эш тәҗрибәсен тарату, инновацион хәрәкәткә ярдәм итү, һөнәри багланышларны киңәйтү, табигый йолдызлардан аермалы буларак үзләре генә янып калмыйча, үз энергияләре, битараф булмаганнары белән башкаларны да кабызучы талантлы, иҗади тәрбиячеләрне ачыклау максатларында үткәрелә! "Әкият" 5нче балалар бакчасыннан бәйгедә тәрбияче — Зәйнуллина Гөлчәчәк Шакирҗан кызы катнашты! Ул конкурсның барлык этапларын да лаеклы узды, үзенең профессиональлеген һәм педагогик осталыгын күрсәтеп, призер булды! Коллективыбыз Гөлчәчәк Шакирҗан кызын конкурста катнашуы белән котлый һәм алга таба да уңышлар тели!
Бүген район мәдәният йортында Сарман, Актаныш, Азнакай, Минзәлә, Тукай, Зәй, Түбән Кама һәм Мөслим районнары аграрийлары белән традицион Яңа ел алды очрашуы узды. Сәламләү сүзләре белән Сарман муниципаль районы башлыгы Фәрит Мөнәвир улы Хөснуллин чыгыш ясады. «Агрокөчләр» АҖ генераль директоры Светлана Геннадьевна Барсукова компаниянең узып баручы елгы эшенә йомгаклар һәм киләсе елга планнар турында сөйләде. Очрашу барышында Светлана Геннадьевна холдингның Мактау грамоталары һәм Рәхмәт хатлары белән бүләкләде.