ЯҢАЛЫКЛАР
Георгий тасмасы - ул декоратив элемент кына түгел,ә батырлык турындагы хәтер символы.
Бүген Сарман муниципаль районы Башлыгы Фәрит Мөнәвир улы Хөснуллин гражданнарны кабул итте. Кабул итүгә язылучылар үзләрен кызыксындырган сорауларга җаваплар алдылар.
Кабул итү атна саен сишәмбе көнне 14.00 сәгатьтә алып барыла, алдан язылу өчен телефон: 2-42-75.
26-28 апрель көннәрендә физика буенча "Олимпка юл" республика олимпиадасының йомгаклау этабы узды. Олимпиада нәтиҗәләре буенча Җәлилнең 1нче мәктәбенең 9 Б сыйныфы укучысы Дәүләтов Таһир призер булды. Таһирны һәм аның укытучысы Хәбибуллин Рафис Галимҗан улын котлыйбыз. Молодцы!
Җәлилнең 1нче мәктәбе укучылары мәктәп территориясендәге эчәргә яраклы су колонкаларын чүп-чардан чистарттылар . Балалар бик тырышып эшләделәр. Мондый экологик чаралар табигатькә чүп-чарны җыеп, чисталыкны һәм тәртипне саклап кына ярдәм итүнең мөһимлеген ачык күрсәтә.
Безнең мәктәп укучылары Җиңү көненә багышланган ел саен уздырыла торган «Җиңү тәрәзәләре» патриотик акциясендә актив катнаштылар. Балалар үз йортларының һәм мәктәп тәрәзәләрен тематик рәсемнәр, плакатлар һәм Бөек Ватан сугышы символикасы белән бизәделәр.
"ЭКОяз-25" акциясенең алтынчы атнасы, "Үзгәрешләр" исеме астында дәвам итә. Ләке төп гомуми белем бирү мәктәбе укучылары Шакировлар Азалия һәм Индира экологик акциядә катнаштылар. Алар чишмә территориясен тәртипкә китерделәр. Укучылар әйләнә-тирә мохитне саклау эшенә үз өлешләрен керттеләр.
6 майда Ватанны саклаучылар елын һәм Бөек Ватан сугышында Җиңүнең 80 еллыгын бәйрәм итү кысаларында «Сарман» кинотеатрында Сарман гимназиясе укучылары өчен «Офицеры» фильмы күрсәтелде.
Бөек Җиңүнең 80 еллыгы, Ватанны саклаучылар елы кысаларында мәгариф бүлегенең "Җиңүнең 80 еллыгына 80 патриотик эш" планын тормышка ашыру йөзеннән, МБГББУ “А.Тимергалин исемендәге Иске Минзәләбаш төп гомуми белем бирү мәктәбе»нең "Юнармия " һәм"Беренчеләр хәрәкәте "ндә катнашучылар тыл ветераны Гарифуллина Катифә Мөталлаповнаны якынлашып килүче бәйрәм-Җиңү көне белән котладылар. Алар Катифә апа истәлекле бүләкләр тапшырдылар. Катифә апа сугышның авыр еллары турындагы истәлекләре белән уртаклашты, тылдагы эше һәм һәр гражданның фашизмны Җиңүгә керткән өлеше турында сөйләде.
4 нче номерлы «Кызыл Калфак» балалар бакчасында тәрбияләнүчеләр Татарстан Республикасы мәктәпкәчә мәгариф учреждениеләренең өлкән мәктәпкәчә яшьтәге балалары өчен «белгечләр йолдызлыгы» IV Республика математика онлайн-олимпиадасында катнаштылар Олимпиада бүген, 2025 елның 6 маенда, онлайн режимда узды һәм мәктәпкәчә яшьтәге балаларның математика, мантыйк, пространствода ориентировка буенча тест биремнәрен үтәвен күздә тотты. Өлкән тәрбияче тәрбияләнүчеләрнең үз балалар бакчасында тест олимпиада биремнәрен үтүләрен оештырды. Егетләргә уңышлар!
Бөек Җиңүнең 80 еллыгы, Ватанны саклаучылар елы кысаларында мәгариф бүлегенең "Җиңүнең 80 еллыгына 80 патриотик эш" планын үтәү йөзеннән "Юнармия " һәм" Беренчеләр хәрәкәте " хәрәкәтләрендә катнашучылар тылда яшәүче Гарифуллина Кәтифә Моталлап кызын якынлашып килүче бәйрәм-Җиңү көне белән котладылар.