ЯҢАЛЫКЛАР
Яз килде... Бу табигатьнең уяну вакыты гына түгел, ә чисталык һәм тәртип урнаштыру чоры да. 2025 елның 4 апрелендә МБББУ «Советлар Союзы Герое А.А. Казаков исемендәге Александровка төп гомуми белем бирү мәктәбе»ндә мәктәп ишегалдын һәм аның тирәсен җыештыру буенча язгы эшләр башланды.
Сарайлы төп гомуми белем бирү мәктәбендә "Кошлар көне" үткәрелде. Бәйрәмдә кош ояларына, кош рәсемнәренә конкурс үтте. Укучылар кошлар турында шигырьләр ятлап килгәннәр иде.
Кичәдә "Син кошларны беләсенме?" бәйгесе дә үткәрелде. Укучылар кошлар турында белемнәрен тикшереп,сорауларга җаваплар бирделәр.
7нче класс укучысы Мухаметов Нәзил кошларнын яз җиткәч туган якларын сагынып кайтулары турында матур шигырь язып килгән, ул аны иптәшләренә укыды.
"Беренче хәрәкәт" спорт юнәлешен популярлаштыру кысаларында Сарман районы беренчелегенә бадминтон буенча ялгыз разрядта I урынны алган "Зиннәт Хәсәнов исемендәге Иске Кәшер урта мәктәбе" укучысы Ралия Ахметбаеваны котлыйбыз.
Беренчелеккә бадминтон буенча катнаш парлы разрядта I урынны алган "Сарайлы ООШ" филиалы укучысы Мухаметов Нурзилне котлыйбыз
Бүген җырчы, композитор, Габдулла Тукай исемендәге Татарстан дәүләт премиясе һәм Рафаил Төхфәтуллин премиясе иясе, якташыбыз, Сарман муниципаль районының шәрәфле гражданы Андреев Роберт Егорович үзенең туган көнен билгеләп үтә.
Аның иҗаты – сәнгатькә тугрылыкның һәм туган җиргә мәхәббәтнең ачык мисалы. Роберт Егорович татар мәдәниятен үстерүгә бәяләп бетергесез өлеш кертә, аны үзенең моңлы җырлары һәм тирән мәгънәле композицияләре белән баета. Аның таланты Татарстанда гына түгел, аннан читтә дә танылган.
Роберт Егорович, барлык Сарман районы халкы һәм үз исемемнән Сезне чын күңелдән туган көнегез белән котлыйбыз! Сезгә ныклы сәламәтлек, бетмәс-төкәнмәс илһам, яңа иҗади казанышлар һәм татар мәдәнияте хакына озак еллар нәтиҗәле эшчәнлек телибез.
Экологик икеайлык кысаларында МБГББУ “А.Тимергалин исемендәге Иске Минзәләбаш төп гомуми белем бирү мәктәбе»ндә табигатькә һәм әйләнә-тирә мохиткә сакчыл караш тәрбияләүгә юнәлдерелгән чаралар узды. Барлык сыйныф укучылары өмәләрдә актив катнаштылар, мәктәп территориясен тәртипкә китерделәр.
Практик эшчәнлектән тыш укучылар тематик класс сәгатьләрендә катнаштылар, анда табигатьне саклауның, калдыкларны аерым җыюның мөһимлеге турында күбрәк белделәр. Биология укытучысы балаларга чүп-чарны эшкәртүнең заманча ысуллары һәм энергиянең альтернатив чыганаклары турында сөйләде.
Чаралар укучылар һәм педагогларга ошады. Мондый чаралар табигатькә сак караш һәм балачактан ук файдалы гадәтләр тәрбияләргә ярдәм итә.
Яз-табигатьнең уяну вакыты гына түгел, чисталык һәм тәртип урнаштыру чоры да ул.
4 апрель көнне 1 нче санлы Җәлил мәктәбе укучылары мәктәп территориясен җыештыру буенча экологик өмәдә катнаштылар, язгы аяз көннәр яхшы кәеф күтәрде, барысы да бердәм һәм күңелле эшләделәр. Үз хезмәтенең нәтиҗәсен күрү күңелле, һәркем бу эшкә үз җылысын, мәктәпнең чиста, каралган территориясен кертте.
Бүген «Ләшәү-Тамак урта гомуми белем бирү мәктәбендә» экологик өмә узды, дип шатланып хәбәр итәбез!
Санитар-экологик икеайлык кысаларында Югары Чыршылы авыл җирлегендә өмәләр башланды.