ЯҢАЛЫКЛАР
13 апрель көнне 6 нчы Б сыйныфында индивидуаль проект эшләрен яклау булып узды. Яклауда укучылар үзләренең проект эшчәнлеге, халык алдында чыгыш ясау, теманың тирәнлеген ачу күнекмәләрен күрсәттеләр. Балаларны тыңлау, аларның балкып торган күзләрен һәм йөзләрен күрү кызык иде. Алтынчы сыйныф укучыларын уңышлы чыгышлары белән котлыйбыз!
Агымдагы елның 24 – 26 апрель көннәрендә Татарстан Республикасы Хөкүмәте ярдәмендә Дөньякүләм «Татарча диктант» акциясе узачак. Әлеге чара 24 апрельдә – Татарстанда, 25 апрельдә – Россия төбәкләрендә, ә 26 апрельдә чит илләрдә уздырылачак. Акциянең төп максаты – татар теленә һәм мәдәниятенә игътибар җәлеп итү, дөнья буйлап сибелеп яшәүче татарларны берләштерү, тел белемен тикшерергә мөмкинлек бирү, әдәби татар телен кулланучыларның даирәсен арттыру һәм татар теленә карата мәхәббәт уяту.
Быел «Татарча диктант» акциясе унберенче тапкыр үткәреләчәк һәм бөек шагыйребез Габдулла Тукайның 140 еллыгына багышланачак.
«Татарча диктант» акциясенең трансляциясе 24 – 26 апрель көннәрендә
«ТНВ-Татарстан» һәм «ТНВ-Планета» телеканалларында күрсәтеләчәк.
Аязучан болытлы һава. Төнлә һәм иртән яңгыр, яшенле яңгыр, кайбер районнарда томан. Көндез урыны белән бераз яңгыр ява. Җил төньяк-көнчыгыштан 6-11 метр тизлектә, урыны белән 15-16 метр тизлектә. Төнлә һаваның минималь температурасы +7..+10˚. Көндез максималь температура +17..+22˚.
Үсеп килүче буынны патриотик рухта тәрбияләүгә ярдәм итү максатыннан, гаилә тарихын өйрәнү, туган як тарихына карата кызыксыну уяту, гаилә кыйммәтләрен һәм элемтәләрен ныгытуда ярдәм итү, архив материаллары белән эшләүгә җәлеп итү максатыннан, Татарстан Республикасының Архив эше буенча Дәүләт комитеты «Гаилә архивын тапшыр» конкурсы игълан итә.
Конкурс ике этапта үткәрелә: муниципаль һәм республика. Конкурска Татарстан Республикасының барлыкка килү һәм үсеш тарихын чагылдыручы гаилә архивлары кабул ителә (гаилә архивларының төп нөсхәләре Дәүләт архивына саклануга эләгә).
Җиңүчеләр дипломнар һәм акчалата призлар белән бүләкләнә:
50 000 сум – I урын өчен
30 000 сум – II урын өчен
20 000 сум – III урын өчен.
Конкурсның муниципаль этабында катнашу өчен гаризалар Сарман муниципаль районы Башкарма комитетының архив бүлеге тарафыннан 2026 елның 4 октябренә хәтле кабул ителә. Эл.почта: Gulhat.Sultangalieva@tatar. Архив бүлеге телефоны 2-53-15.
Конкурс турында нигезләмә
13 нче апрель көнне МБГББУ "Җәлил гимназиясендә" психология атналыгы башланды. Педагог-психолог Гарипова М.М. күнекмәләрне практик эшкәртү элементлары белән "Аңлыйм һәм контрольдә тотарга өйрәнәм" тренингы форматында төркемле дәрес үткәрде.
Бүген район Советының утырышлар залында Татарстан Республикасы Урман хуҗалыгы министры урынбасары Гомәров Рәис Кәлимулла улы катнашында Сарман муниципаль районы урман фонды территориясендә 2025 елда янгын куркынычы һәм урман культуралары сезонын уздыру йомгаклары һәм 2026 елга бурычлар буенча киңәшмә узды.
Киңәшмәне Сарман муниципаль районы башлыгы урынбасары Гәрәева Гүзәл Рифкать кызы алып барды. "Азнакай урманчылыгы" ДКУның 2025 елдагы эшенә йомгаклар һәм Сарман муниципаль районы урман фонды территориясендә янгын куркынычы һәм 2026 елгы урман культуралары сезонына әзерлек турында утырыш барышында "Азнакай урманчылыгы" ДКУ җитәкче-урманчысы вазыйфаларын башкаручы Шәрифуллина Нурия Наил кызы чыгыш ясады.
Сарман муниципаль районы урман фонды территориясендә 2025 елда янгын куркынычы һәм урман культуралары сезонын уздыру йомгаклары һәм 2026 елга бурычлар турында Башкарма комитет җитәкчесенең беренче урынбасары Хөснимәрданова Розалия Раиф кызы чыгыш ясады.
Рәис Кәлимулла улы Гомәров уртак эшкә югары бәя бирде, урман законнарын бозуны кисәтү һәм ачыклау, урманнарда янгын куркынычсызлыгын тәэмин итү кебек мәсьәләләргә аерым игътибар бирергә өндәде һәм республиканың бөтен урман тармагы алдында торган бурычларны билгеләде.
Болытлы. Кечкенә, урыны белән уртача яңгыр. Төнлә һәм иртән яшенле яңгыр явуы ихтимал. Җил төньяк-көнчыгыштан, көнчыгыштан 7-12 м/с, төнлә һәм иртән урыны белән 15-18 м/с тизлектә. Төнлә һаваның минималь температурасы +2..+6˚. Көндез максималь температура +7..+11, урыны белән +17.
13 апрель көнне Хәрәкәтнең Беренчелек бүлегенең МБГББУ "2 нче санлы Җәлил урта гомуми белеи бирү мәктәбе" активистлары шефлыкка алынган 7 нче санлы «Ләйсән» балалар бакчасында тәрбияләнүчеләр белән космик кәефләре белән уртаклашырга булдылар.
Хөрмәтле якташлар! Сезне Космонавтика көне белән котлыйм.
Россия тарихына алтын хәрефләр белән 1961 елның 12 апрелендә язылган, ул вакытта Юрий Гагарин космоска беренче очыш ясап, планетаның беренче космонавты булган.
Без бу фәнни-техник казанышның илебездә меңләгән ватандашлар хезмәте ярдәмендә башкарылуы белән горурланабыз. Һәр ел саен бу көнне без күренекле галимнәр, конструкторлар, сынаучылар исемнәренә бай булган Ватан космонавтикасының данлы тарихына сокланабыз.
Җыелган тәҗрибә, зур фәнни-техник потенциал, инновацион фикерләү бүген дә алдагыларның искиткеч традицияләрен дәвам итәргә мөмкинлек бирә. Хәзерге вакытта космик технологияләр икътисадның төрле тармакларында һәм көндәлек тормышта кулланыла.
Бу бәйрәм көнендә барыгызга да тыныч күк, билгеләнгән планнарны тормышка ашыруны телим.
Кадерле дуслар!
Сезне чын күңелдән Христосның Яңадан терелүе – Пасха белән котлыйм! Рухи шатлык һәм өмет белән тулы бу бәйрәм тормышның яңаруы, игелек һәм гаделлек тантанасы символы булып тора. Пасханың якты бәйрәме һәр йортка тынычлык, татулык һәм иминлек алып килсен. Йөрәкләрегез шатлык, күңелләрегез ышаныч һәм өмет белән тулсын. Сезгә һәм якыннарыгызга нык сәламәтлек, бәхет һәм башлангычларыгызда уңышлар телим.