23 нче декабрьдә Җәлил бистәсенең 6 нчы санлы "Теремкәй" балалар бакчасында  Яңа ел бәйрәмнәре башланып китте. Балаларны матур бизәлгән зал, матур чыршы, бүләкләр, Кыш Бабай һәм Кар Кызы һәм башка бик күп әкият персонажлары көтеп алды. Алар үзләренең сәләтләрен бик теләп күрсәттеләр: биеделәр, әйлән-бәйлән уйнадылар, шигырьләр сөйләделәр, җырладылар.  Кыш бабай балаларга бүләкләр таратты. Бәйрәм бик күңелле үтте.

Россия Эчке эшләр министрлыгының Сарман районы буенча бүлеге 18 яшьтән 55 яшькә кадәрге Россия Федерациясе гражданнарын полициягә хезмәткә чакыра. Полициядә хезмәт итү - киләчәккә ышаныч! Эшкә урнашу мәсьәләләре буенча Россия Эчке эшләр министрлыгының Сарман районы буенча бүлегенә түбәндәге адрес буенча мөрәҗәгать итәргә: Татарстан Республикасы, Сарман районы, Сарман авылы, Терешкова ур., 4 й. Тел.:8(85559) 2-47-51, 2-49-02, 2-47-30, 8(843) 2912-976.

Яңа ел алдыннан Күтәмәле төп гомуми белем бирү мәктәбе укучылары "Татнефть" ҖАҖнең Сарман районы буенча социаль программалар яклау үзәге оештырган Яңа ел чарасында катнаштылар. Хөрмәтле Ренат Рауфович, Эльмира Өлфәтовна, Максим Александрович һәм Тавис Нәфисович! Сезгә зур рәхмәтебезне җиткерәбез! Безнең балалар гүя әкияткә чумдылар. Балаларга бәйрәмнең тылсымлы атмосферасын бүләк иткәнегез өчен сезгә мәктәп һәм ата-аналар исеменнән рәхмәт белдерәбез!  Сез барыгыз бергә балалар өчен чыннан да Яңа ел могҗизасы эшләдегез.

Бүген Сарман авылында Әниләр көне кысаларында уллары туган Алинә һәм Илназ Сафиннарны бүләкләделәр. Кечкенә Алинар 1 декабрьдә дөньяга аваз салган. Бәхетле әти-әнине Сарман муниципаль районы Башлыгы Фәрит Мөнәвир улы Хөснуллин тәбрикләде, чәчәк бәйләме, истәлек бүләге, балага кирәк-яраклар алу өчен 50 меңгә сертификат, кечкенә Солтанга – Яңа ел бүләге тапшырды. Котлауларга шулай ук район Башкарма комитеты җитәкчесе урынбасары Индира Рәис кызы Сәхипова, ГХАТ бүлеге начальнигы Гөлчәчәк Әмирҗан кызы Вәлишина, Алина белән Илназның якыннары да кушылдылар.