Китапханәгә сәяхәт

3 октябрь көнне Зур Нөркәй урта гомуми белем бирү мәктәбендә укучылар өчен Бөек Ватан сугышында Җиңүнең 80 еллыгын бәйрәм итү уңаеннан «Суворовец 1944» фильмы күрсәтелде. Чара укучыларны хәрби-патриотик тәрбияләү, аларда үз илебез өчен горурлык хисе һәм аның тарихына хөрмәт хисе тәрбияләү максатында оештырылды. Сеанс алдыннан коррупцияне профилактикалау буенча видеороликлар күрсәтелде.

   1 октябрь көнне МБББУ «Советлар Союзы Герое А.А.Казаков исемендәге Александровка төп гомуми белем бирү мәктәбе”ндә  Халыкара «Өлкәннәр көне»нә багышланган концерт булды.

2 нче октябрь көнне 1 нче мәктәп базасында 8 нче сыйныф укучыларыбызның бер өлеше "Татнефть" хәйрия фонды тарафыннан "Киләчәк образы" Бөтенроссия мәгариф проекты белән берлектә оештырыла торган "углерод эзен эзләп" өйрәнү-тикшеренү узды. Бу фәнни-популяр проект, анда мәктәп укучылары махсус чемоданнар ярдәмендә "Хайваннар турында ничек кайгыртырга", "Бакчада әбигә ничек ярдәм итәргә", "Эко-проектны ничек булдырырга" мөстәкыйль рәвештә "углерод эзе" н исәпләргә һәм экология файдасына сайлау ясарга өйрәнделәр.

Өлкәннәр көне безнең Җәлил поселогында һәрвакыт зурлап билгеләп үтелә. Бу эштә поселок хакимияте дә, “Җәлилнефть” идарәсе  дә, профсоюз оешмасы да читтә калмый. Менә бүген шул көн уңаеннан тагын бер бәйрәм ясадылар. Үзебезнең культура хезмәткәрләре бик матур концерт күрсәттеләр. Анда өлкәннәр дә, сәнгать кешеләре дә, балалар ансамбльләре дә катнашты. Үзебезнең биюче егетләребез, кызларыбызның чыгышлары белән горурланып утырдык. Бер дигән талантлы яшьләр үсә бездә. Өлкәннәребез дә йомылып кына ятмыйлар. “Родники” вокаль ансамбле шушы көннәрдә генә  “Халык ансамбле” исеменә лаек булды. “Дуслык “ ансамбле дә, ветеран җырчыларыбыз Рәмзия Гарифуллина, Венера Харисова, “Гранд” ансамбле кызлары да үзләренең сәхнә осталыкларын күрсәттеләр. Рәис Шәрипов , Румиль Ногманов, Нәвия Гатиятуллина һ.б. бик матур чыгышлары белән халыкны сөендерделәр. Халык бик рәхмәтле калды.