Муниципаль районнар Сарман муниципаль районы

«В. Спиваков фондының IV академиясе. Балалар-балаларга. Татарстан» мәдәни - белем бирү проекты.

2019 елның 10 декабре, сишәмбе

И.Г.Шакиров исемендәге Сарман балалар сәнгать мәктәбе укытучылары һәм укучылары «В. Спиваков фондының IV академиясе. Балалар-балаларга. Татарстан» мәдәни - белем бирү проектында актив катнаштылар.

Программа кысаларында мастер - класслар, семинарлар узды һәм азакта педагоглар, мастер – классларда катнашучы балалар, «Сандугач сайрар илем» фестивале стипендиатлары, «Татнефть» БФ «Рухият» программасының «Сандугач сайрар илем» фестивале җиңүчеләре һәм "Мәскәү дусларын каршы ала" фестиваленең гала-концерты булды.

И.Г.Шакиров исемендәге Сарман балалар сәнгать мәктәбеннән гала - концерт программасында «Жасмин» бию коллективы һәм Рания Зарипова катнаштылар.

Проектта катнашучыларның барысына да сертификатлар тапшырылды.

БАРЛЫК ЯҢАЛЫКЛАРНЫ УКУ

СОҢГЫ ЯҢАЛЫКЛАР

апрель, 2026 ел

Җәлил бистәсенең 6 нчы санлы "Теремкәй" балалар бакчасында "Тукайлы балачак" дип исемләнгән районкүләм бәйге үтте

Бүген Җәлил бистәсенең 6 нчы санлы "Теремкәй" балалар бакчасында бөек шагыйребез Габдулла Тукайның тууына 140 ел уңаеннан районкүләм "Тукайлы балачак" дип исемләнгән шигырь бәйгесе узды. Жюри барлыгы 5-7 яшьлек 48 талантлы катнашучының чыгышын бәяләде. Конкурсның һәр номеры үзенчәлекле сәнгатьлелеге, башкаруның эмоциональлеге һәм бөек шагыйрьнең иҗатын чын күңелдән яратуы белән аерылып торды. Бакчабыздан Сөләйманова Элина, Нуриәхмәтова Розалина, Халиков Айсар, Вадикова Айлин, Мостафина Камилла, Кызрачев Радэль, Гайсин Радэль, Арсланова Эвелина һәм Әхмәтова Эльвира үзләренең шигырь сөйләүләре белән барлык тамашачыны таң калдырды. Аларның чыгышлары югары бәяләнде - нәни артисларыбыз дипломнар белән бүләкләнде. Балаларны әзерләгән педагогларга һәм әти-әниләрга зур рәхмәтебезне белдерәбез. Туган телне яттан сөйләп, Үсеп җитәбез шулай. Барлык татар балалары Ярата сине, Тукай. Апрель җитсә, исемеңне Җырына куша тургай. Милләтемнең кояшы син И моңлы, нурлы Тукай!

Санитар-экологик икеайлык кысаларында Азалак авыл җирлегендә өмәләр дәвам итә

"Алёнушка" балалар бакчасы тәрбияләнүчеләре “Тукайлы балачак” муниципаль бәйгесендә җиңү яуладылар

Бүген 6 нчы санлы "Теремок" балалар бакчасында Җәлил бистәсенең мәктәпкәчә яшьтәге балалары катнашында "Тукайлы балачак" дип аталган муниципаль шигырь бәйгесе узды. Бәйге бөек шагыйребез Габдулла Тукайның тууына 140 ел тулу уңаеннан оештырылды. Әлеге чарада 48 бала көч сынашты. Нәтиҗәләр буенча безнең бакчабыз тәрбияләнүчеләре- Ахметшина Илина һәм Ильвина, Зямилова Сафия, Мөхәммәдиева Рилана, Асылова Элина- призер булдылар. Бәйгенең җиңчеләре булып мәктәпкә әзерлек төркемендә тәрбияләнүче Мирзоев Алан белән Төхвәтуллина Динара танылды. Балаларны зур җиңүчеләре белән котлыйбыз! Аларга алга таба да уңышлар телибез!

Сарман районында «Хәтер бакчасы»

Бөек Җиңү көне алдыннан «Хәтер бакчасы» халыкара акциясе узды. Анда Сарман районы да актив катнаша. Шуңа бәйле рәвештә бүген Сарман авылының яңа микрорайонында урнашкан һәм ТАССР оешуга 100 ел тулуга багышланган парк территориясендә чыршы утыртылды. Акциягә Сарман муниципаль районы Башлыгы Фәрит Мөнәвир улы Хөснуллин, район Башкарма комитеты җитәкчесенең социаль мәсьәләләр буенча урынбасары Индира Рәис кызы Сәхипова, СФРНЫҢ Татарстан Республикасы буенча бүлекчәсе идарәчесе урынбасары Наил Адам улы Сафиуллин, район кунаклары, район мәктәпләреннән килгән яшь армиячеләр һәм «беренчеләр хәрәкәте» активистлары, тыл ветераны Мәхмүт Газдал улы Газдалов, хәрби операцияне Александр Фирдәвис улы Гайнетдинов һәм башкалар башкара. Узган ел Бөек Җиңүнең 80 еллыгы уңаеннан 80 чыршы утыртылды. Бүген 40 чыршы утырттылар, бу акцияне истәлекле дата - Чернобыль атом электростанциясендә булган авариянең 40 еллыгына багышладылар.

ЯҢАЛЫКЛАРГА ЯЗЫЛУ