Хәзерге җәмгыять кешегә югары таләпләр куя. Хәзер үз хокукларын белүче һәм башка кешеләрнең хокукларын хөрмәт итә белүче, вазыйфаларны төгәл башкаручы актив кешеләр заманы. Хокукны белү, анда ориентлаша белү-һәркемгә кирәк. Укучыларның бу өлкәдәге белемнәрен тикшерергә «Үз хокукларыңны беләсеңме? " дигән хокукый викторина ярдәм итте. Әлеге чара Азалак төп гомуми белем бирү мәктәбендә үткәрелде. Укучылар үзләренең юридик осталыкларын һәм күнекмәләрен ныгыттылар. Викторинаның максаты- укучыларда гражданлык сыйфатларын һәм хокукый сәяси культура тәрбияләү.