Азык әзерләү техникасының һәм азыксаклагычларның 2022 елгы азык әзерләүгә әзерлеген Конкурс-кабул итү

2022 елның 1 июне, чәршәмбе

Бүген Сарман районында терлек азыгы әзерләү техникасының һәм азыксаклагычларның 2022 елгы азык әзерләүгә әзерлеген конкурс-кабул итү булды.

Агрофирмаларда барлык техника да тикшерелде. Районда Татарстан Республикасы Авыл хуҗалыгы һәм азык-төлек министрлыгының «Терлекчелектә нәсел эше буенча баш дәүләт авыл хуҗалыгы идарәсе «ДКУ башлыгы урынбасары Гөлүсә Баязитов җитәкчелегендә комиссия эшләде. Аны район башлыгы Фәрит Хөснуллин һәм район авыл хуҗалыгы һәм азык-төлек идарәсе начальнигы Альберт Шәрипов озатып йөрде. Алар һәм комиссиянең башка әгъзалары хуҗалыкларның әзерлеген югары бәяләделәр.

Агрофирмалар арасында беренче урынны "Нөркәй" агрофирмасы алды. Икенче урында - «Сарман» агрофирмасы, өченчедә - «Җәлил»агрофирмасы.