Сарман муниципаль районында террорчылыкка каршы комиссия утырышы
Бүген район Советының утырышлар залында Сарман муниципаль районында террорчылыкка каршы комиссия утырышы узды. Утырышны район Башлыгы Фәрит Хөснуллин алып барды.
Утырышның көн тәртибенә 3 мәсьәлә кертелде. Беренче мәсьәлә буенча "Экстремистик материалларны ачыклау буенча Интернет челтәрен мониторинглау нәтиҗәләре турында «Сарман муниципаль районы» ФОРПОСТ" МБУ директоры Айгөл Гатауллина чыгыш ясады. Икенче сорау буенча "Район мәгариф учреждениеләренең террорчылыкка каршы яклану торышы турында "Сарман муниципаль районының» Морад Рәмзи исемендәге Әлмәт урта гомуми белем бирү мәктәбе" МББУ директоры Рамил Садыйков, Сарман муниципаль районының "Зур Нөркәй урта гомуми белем бирү мәктәбе" МББУ директоры Ләйлә Шәйхеразиева хәбәр иттеләр. Сарман муниципаль районы Азалак авыл җирлеге башлыгы Илгизәр Габделгазизов, Сарман муниципаль районы Әлмәт авыл җирлеге башлыгы Данияр Газизов "Авыл җирлегендә терроризмга каршы тору буенча эшнең торышы турында" Өченче сорау белән таныштырдылар.