"Кызыл,сары, яшел!" яшь юл хәрәкәте инспекторлары
Бүген башлангыч сыйныф агитбригадалары арасында Сарман районында юл-транспорт хәләкәтен профилактикалау буенча «Кызыл, сары, яшел!" конкурсы узды. Әлеге чараның максатлары-башлангыч мәктәп укучыларында юл хәрәкәте кагыйдәләрен өйрәнүгә кызыксыну уяту, юлда имин тәртипне пропагандалауда мәгариф оешмаларының ролен арттыру, гомуми белем бирү мәктәпләрендә яшь хәрәкәт инспекторлары хәрәкәтен активлаштыру, балалар юл-транспорт травматизмын профилактикалау, дисциплиналы, законга буйсынган катнашучыларны тәрбияләү. Конкурста 13 мәктәп агитбригадасы катнашты. Җиңүчеләр һәм призерлар ("Зур Нөркәй урта мәктәбе", "Сарман гимназиясе" МББУ, "Җәлил гимназиясе" МББУ) Россия Эчке эшләр министрлыгының Сарман районы буенча ЮХИДИ бүлекчәсе грамоталары, катнашучылар дипломнар белән бүләкләнделәр. Шулай ук конкурста катнашучыларга һәм команда җитәкчеләренә истәлекле бүләкләр тапшырылды.