Хезмәтне тану
Безнең тормышыбызга матурлык һәм чын сәнгать алып килүчеләрнең рәсми датасы хөрмәтенә Сарман районы мәдәният учреждениеләренең иң яхшы белгечләрен бүләкләү тантанасы булды.
Җәлил мәдәният сарае хезмәткәрләре дә бүген котлаулар кабул иттеләр. Татарстан Республикасы Мәдәният министрлыгының «Мәдәнияттәге казанышлары өчен» күкрәк билгесе «Барсы» Эстрада биюе студиясе җитәкчесе Р.А. Латыйповага тапшырылды. Равия Әхмәдзиевна мәдәният өлкәсендә 35 ел эшли һәм яшь талантларның берничә буынын тәрбияләде.
«Татарстан Республикасы мәдәният өлкәсендә инновацияләрне кертү һәм традицияләрне саклау ресурс үзәге» ДБУның Мактау грамотасы белән «Карамель» хореография коллективы җитәкчесе Садыйкова Аделәй Айдаровна бүләкләнде. Аның тәрбияләнүчеләре күп санлы халыкара, бөтенроссия һәм республика конкурслары һәм фестивальләре лауреатлары һәм дипломантлары булып тора. Мәдәният сараеның сәнгать җитәкчесе Фәрхетдинов Александр Илгиз улы да шундый ук Мактау грамотасы белән бүләкләнде.
Мәдәният өлкәсендә күпьеллык хезмәте өчен Сарман муниципаль районы Башкарма комитеты Советының Мактау грамотасы белән Мәдәният Сараеның балетмейстеры Гамирова Вероника Бариевна бүләкләнде.
Мәдәният сарае методисты Шигапова Резеда Тәлгать кызы Сарман район мәдәният хезмәткәрләре профсоюзы оешмасының Рәхмәт хаты белән бүләкләнде.
Мәдәният сарае коллективы коллегаларына яңа иҗади уңышлар, балалар һәм яшьләрнең талантларын ачуда перспективалы иҗади проектлар тели.