Иске Минзәләбаш авыл җирлегендә Бөек Җиңүнең 79 еллыгына багышланган тантаналы чаралар

2024 елның 9 мае, пәнҗешәмбе

8 май көннне  Иске Минзәләбаш һәм Куҗак  авылларында Бөек Җиңүнең 79 еллыгына багышланган тантаналы чаралар узды.  Чаралар программасында Иске Минзәләбаш авыл җирлеге башлыгы Габдрахманов А.Н., авыл җирлеге ветераннар советы һәм инвалидлар җәмгыяте рәисе Мөхәммәтҗанова Л. А., имам-хатыйб Әшрәфуллин И. Р. чыгышлары, бер минут тынлык, обелискка веноклар һәм чәчәкләр салу,  А. Тимергалин исемендәге Иске Минзәләбаш урта гомуми белем бирү мәктәбе коллективының һәм үзешчән сәнгатьтә катнашучыларның    концерт номерлары булды. Ахырда тыл хезмәтчәннәре һәм кунаклар өчен чәй эчү оештырылды.