Бүген Сарман районында Илһам Шакировның тууына 90 ел тулуга багышланган «Илһам чишмәсе» V төбәкара җыр конкурсы уза.
Чаралар Бөек Ватан сугышы һәм туган якны өйрәнү музеенда булудан һәм күренекле татар җырчысы, РСФСР халык артисты, Татарстан АССР халык артисты, Сарман муниципаль районының Мактаулы гражданины Илһам Шакиров бюстына чәчәкләр салудан башланды. Чараларда Сарман муниципаль районы Башлыгы Фәрит Мөнәвир улы Хөснуллин катнашты.