22 февраль көнне Кутәмәле мәктәбендә 1-9 сыйныф укучылары өчен «Аҗаган» хәрби-спорт уены үтте.

2025 елның 24 феврале, дүшәмбе

22 февраль көнне мәктәптә 1-9 сыйныф укучылары өчен «Аҗаган» хәрби-спорт уены үтте. "Аҗаган" - укучыларга хәрби-патриотик тәрбия бирү чараларының берсе. Әлеге чара балаларга хисләр өермәсе бүләк итә, башлангыч хәрби әзерлек күнекмәләрен формалаштыра. Көч, җитезлек, тизлек буенча ике команда көч сынашты. Катнашучылар уенның төрле этапларында үзләренең белемнәрен һәм осталыкларын күрсәттеләр. Уен бик бердәм һәм оешкан төстә үтте. Катнашучыларның һәркайсы бүген чыннан да бердәмлекнең нәрсә икәнен аңлады. Ике команда да этапларны бик лаеклы үтте. Кемдер берсендә иң яхшысы булып чыкты, ә кемдер-икенчесендә, әмма барысының да әзерлеге — яхшы дәрәҗәдә.
Уенга йомгак һәм җиңүчеләр  тантаналы линейкада игълан ителәчәк.