Әлмәт-Мөслим трассасының юл буе чистартылды

МБББУ " Илексаз төп гомуми белем бирү мәктәбендә» ата-аналар җыелышы узды. Беренче булып мәктәп директоры Нуртдинов И.И. чыгыш ясады.  Сарман муниципаль районының тәрбия эше буенча мәгариф бүлеге методисты , Сарман районы буенча КДН әгъзасы Г. Г. Хәлиуллина тәрбия эшендәге яңалыклар, ата-аналар һәм балалар арасындагы мөнәсәбәтләр белән таныштырды. ЗДВР Бәдертдинова Р. И. һәм 5 нче сыйныф җитәкчесе Шакиров А. М. сүзләрен «Балагызга игътибар җитәме?» дигән темага багышлап, борчыган проблемаларны уртага салып сөйләштеләр.  "Кемнәр ул дропперлар?"полиция хезмәткәре Г. И. Сәгъдәтова чыгыш ясады.. "Наркотикларга юк" дип аталган фильм күрсәтелде .Фильмның максаты-бер мизгеллек файда өчен җинаятькә батырчылык иткән яшьүсмерләрнең драматик язмышларын күрсәтү. Фильм наркоманияне һәм наркоҗинаятьләрне кисәтүгә юнәлдерелгән.

Бүген Азалак авыл җирлегендә гражданнар җыелышы булды. Чарада Сарман муниципаль районы Башлыгы урынбасары  Гәрәева Гүзәл Рифкатовна, "Нөркәй" агрофирмасы җитештерү комплексы идарәчесе Шәйхразиев Х.Ш., районның, авыл җирлегенең оешма-учреждениеләре җитәкчеләре һәм вәкилләре катнашты.  Авыл җирлеге башлыгы Габдулгазизов Илгизәр Габдулкаюм улы узган елда башкарылган эшләр һәм 2025 елга бурычлар турында доклад белән чыгыш ясады.  «Нөркәй» агрофирмасының 2025 елгы эшчәнлегенә йомгакларны Шәйхеразиев Хәлил Шәйхелислам улы сөйләде. Полиция участок хезмәткәре Сагдатова Гульназ Ульфат кызының бер ел эчендә башкарылган эшләре һәм районда криминоген вәзгыять турында мәгълүматлары, Мөслим һәм Сарман муниципаль районнары буенча янгын күзәтчелеге бүлеге өлкән инспекторы Гарипов Рөстэм Габделхай улы  чыгышлары тыңланды.  2025 елда районның социаль-икътисади үсеш нәтиҗәләре һәм 2026 елга бурычлар турында йомгаклау сүзе белән Сарман муниципаль районы Башлыгы  урынбасары Гәрәева Гүзәл Рифкат кызы  чыгыш ясады. Чыгышлардан соң  җирлек гражданнары үзләрен кызыксындырган сорауларны бирделәр  Авыл җирлегенең социаль һәм иҗтимагый тормышына лаеклы өлеш керткән кешеләргә Сарман муниципаль районы Башлыгының Рәхмәт хатлары тапшырылды.  

Бүген Колмәт авылында Закиров Атлас Әнүр улы белән хушлашу чарасы узды. Закиров Атлас Әнүр улы, 1988 елның 22 июнендә Сарман районының Колмәт авылында туды. 2024 елның җәендә контракт төзи. 2025 елның 9 сентябрендә рядовой Закиров Атлас Әнүр улы Донецк Халык Республикасы, Луганск Халык Республикасы һәм Украина территорияләрендә махсус хәрби операция башкарганда һәлак булды. Үлем хәрби хезмәт узу чорында була һәм хәрби хезмәт вазыйфаларын үтәү белән бәйле. Сарман районы Башлыгы Фәрит Мөнәвир улы Хөснуллин хәрби хезмәткәрнең якыннарын югалту ачысын уртаклашты, Татарстан Республикасы Рәисе Рөстәм Нургали улы Миңнехановның кайгы уртаклашу сүзләрен җиткерде. Аның истәлегенә бер минут тынлык игълан ителде.

Бүген, 1 февраль көнне, Әлмәт шәһәре кабат интеллектуаль ярышлар үзәгенә әверелде. Югары нефть мәктәбе базасында «Табигый фәннәр» профиле буенча «Звезда» күппрофильле инженер олимпиадасының финал этабы узды. Безнең укучылар — иң көчлеләр рәтендә!