Муниципаль районнар Сарман муниципаль районы

ҖИҢҮНЕҢ 80 ЕЛЛЫГЫНА 80 КУАК!

2025 елның 21 апреле, дүшәмбе

Бөек Җиңүнең 80 еллыгы алдыннан Күтәмәле төп гомуми белем бирү мәктәбендә "Хәтер бакчасы" акциясе узды. Акциядә мәктәп коллективы, ата-аналар һәм укучылар катнашты.
Акциядә катнашучылар мәктәп ишегалдына Бөек Җиңүнең 80 еллыгына багышлап 80 җимеш агачы утырттылар.
Агачлар һәрвакыт җирдә яшәүне дәвам итү символы булып саналган.
Агач яңа тормышны да, һичшиксез, сугыш турындагы хәтерне дә символлаштыра. Утыртылган һәр агач ул - киләчәктә чәчәк атучы бакча. "Хәтер бакчасы" - ул акция генә түгел, ә ата-бабаларыбызның батырлыгын, ил тарихын һәм һәр гаилә тарихын саклап калуга юнәлдерелгән яңа традициянең башы. Утыртылган үсентеләр алар - Ватанны саклаучылар турында искә төшерүче Яшел һәйкәлләр. Әлеге агачлар безгә һәрвакыт Ватанны саклаучылар турында искә төшереп торучылар булыр.

Кутәмәле мәктәбе

БАРЛЫК ЯҢАЛЫКЛАРНЫ УКУ

СОҢГЫ ЯҢАЛЫКЛАР

февраль, 2026 ел

Закиров Атлас Әнүр улы белән хушлашу

Бүген Колмәт авылында Закиров Атлас Әнүр улы белән хушлашу чарасы узды. Закиров Атлас Әнүр улы, 1988 елның 22 июнендә Сарман районының Колмәт авылында туды. 2024 елның җәендә контракт төзи. 2025 елның 9 сентябрендә рядовой Закиров Атлас Әнүр улы Донецк Халык Республикасы, Луганск Халык Республикасы һәм Украина территорияләрендә махсус хәрби операция башкарганда һәлак булды. Үлем хәрби хезмәт узу чорында була һәм хәрби хезмәт вазыйфаларын үтәү белән бәйле. Сарман районы Башлыгы Фәрит Мөнәвир улы Хөснуллин хәрби хезмәткәрнең якыннарын югалту ачысын уртаклашты, Татарстан Республикасы Рәисе Рөстәм Нургали улы Миңнехановның кайгы уртаклашу сүзләрен җиткерде. Аның истәлегенә бер минут тынлык игълан ителде.

февраль, 2026 ел

Югары нефть мәктәбе базасында «Табигый фәннәр» профиле буенча «Звезда» күппрофильле инженер олимпиадасының финал этабы узды

Бүген, 1 февраль көнне, Әлмәт шәһәре кабат интеллектуаль ярышлар үзәгенә әверелде. Югары нефть мәктәбе базасында «Табигый фәннәр» профиле буенча «Звезда» күппрофильле инженер олимпиадасының финал этабы узды. Безнең укучылар — иң көчлеләр рәтендә!

гыйнвар, 2026 ел

Бөркетчекләрнең зур сәяхәте: Түбән Новгород өлкәсе

2026 нчы елның 31 нче гыйнварында МБГББУ «Җәлил гимназиясе» нең 2 нче Б сыйныфы укучылары Түбән Новгород өлкәсе буйлап зур сәяхәткә чыктылар. Дәреснең темасы тылсымлы һәм халыкчан иде: "Алтын хохлома - Түбән Новгород краеның җаны".

Языкәүдә 56 балыкчы ярышты

Бүген Языкәү авылында кышкы балык тоту буенча ярышлар узды. Барлыгы 56 катнашучы килде. Ярышлар йомгаклары буенча 6 номинациядә җиңүчеләр ачыкланды. Иң тәҗрибәле катнашучы итеп Сарман авылыннан Раян Сәлахетдинов танылды (78 яшь). Иң яшь балыкчы – Яхшы Каран авылыннан Егор Гыйльфановка 6 яшь иде. Иң кечкенә балыкны Сарман авылыннан Тамерлан Мәүләвиев тоткан, иң зурысын – Егорның әтисе Руслан. Аның хатыны Екатерина суммар Балык тоту буенча хатын-кызлар арасында җиңүче булды. Бу категориядәге ир-атлар арасында Буралы Чишмә авылыннан Гүзәл Фатыйховка тиңнәр булмады. Алар грамота һәм бүләкләргә лаек булдылар. Бүген шулай ук Җәлил бистәсеннән Данир Гарифуллин (7 яшь) һәм Алмаз Галиев (51 яшь) туган көннәрен билгеләп үттеләр. Алар шулай ук бүләкләргә лаек булдылар. Бүләкләү тантанасында Сарман муниципаль районы Башлыгы Фәрит Мөнәвир улы Хөснуллин, район Башкарма комитеты җитәкчесе урынбасары Индира Рәис кызы Сәхипова, яшьләр эшләре, спорт һәм туризм бүлеге начальнигы Руслан Хәмбәл улы Гыйльфанов, Сәет хәзрәт,ДОСААФның территориаль бүлеге рәисе Илдус Фатыйх улы Мәүләвиев катнашты. Ахырда барысы да тәмле пылау һәм кайнар чәй белән сыйландылар.

ЯҢАЛЫКЛАРГА ЯЗЫЛУ