«Сәйяр»республика театр фестиваленең зона этабы
21 апрель көнне Әлмәт шәһәренең Риза Фәхретдин исемендәге 1 нче гимназиясендә «Сәйяр» республика театр фестиваленең зона этабы узды. МГББУ «Җәлил 2 нче урта мәктәбе» укучылары Л.Ә. Галиеваның «Минем әтием» пьесасын күрсәттеләр. Бу куелыш Ватаныбызны саклаганда һәлак булган якташыбыз һәм хезмәттәшебезгә багышлана. Кемнеңдер туган иле-таулар һәм диңгезләр, урманнар һәм елгалар, кемнеңдер өчен-мәһабәт шәһәрләр ыгы- зыгысы һәм утлары. Шуны истә тотарга кирәк: һәркемнең Ватаны үзенеке, әмма без бербөтен булып, берләшеп, төрлелектә һәм бер-беребезгә ярдәм итеп торабыз. Илебезнең көче, куәте һәм бөеклеге шунда ята. Безнең бурыч-балаларны туган җиребезне сакларга һәм хөрмәт итәргә, аңа үз белемебезне, хезмәтебезне һәм талантыбызны салырга өйрәтү. Үзебезнең бер өлешебезне аңа биреп, без аның байлыгын һәм матурлыгын арттырачакбыз. Чөнки үз җаваплылыгыбызны аңлаганда гына без гармония һәм чәчәк ату белән тулы якты киләчәккә өмет итә алабыз. Укучылар һәрвакытта да һәрнәрсәдә ярдәм итәргә тырышалар һәм алар мондый чараларда катнашып, хезмәтләренең юкка чыкмавын тагын бер кат исбатлаганнарын аңлыйлар. Чыгыштан соң укучылар канәгать булдылар һәм үзләренең гамәлләре турында сокланып фикер алыштылар. Ә жюри әгъзалары артистларыбызга искиткеч чыгышлары өчен рәхмәт белдерделәр, шулай ук барлык башлангычларында уңышлар теләделәр!