"Җәлил гимназиясе"ндә Хәрби җыр фестивале
13 нче май көнне гимназиянең актлар залында Бөек Ватан сугышында Җиңүнең 80 еллыгына багышланган "Без җиңгән җырлар" исемле хәрби җыр фестивале узды. Анда 5, 6, 7 нче сыйныф укучылары һәм педагоглар катнашты. Чарага хөрмәтле кунаклар: бистә башлыгы Җәлил Кәримов Рәфикъ Азһәм улы һәм тыл ветераны, укытучы-ветеран Сөләйманова Гәүһәр Нәбиулла кызы чакырылган иде. Гимназия директоры Булатова Гөлнара Назыйф кызы, фестиваль кунакларын һәм катнашучыларны сәламләп, «Безгә бер җиңү кирәк» дигән җыр башкарды. Фестивальдә катнашучылар сугыш турында җырлар башкардылар. Һәр җырның үз биографиясе, үз язмышы, һәр сыйныф аның турында мәгълүмат әзерләп, катнашучыларга сөйләде, ә аннары аны башкарды. Алар күпме Гүзәл һәм онытылмаслык... Аларда барысы да бар: сугыш ачысы һәм җиңү шатлыгы, солдатларның тормыш картиналары, морякларның һәм пехотачыларның, очучыларның һәм танкистларның сугышчан батырлыклары турында хикәяләр. Болар барысы да фестивальдә яшь гимназистлар башкарган җырларда яңгырады, чөнки иң авыр көннәрдә җыр кешеләргә кирәк иде. Фестивальдә катнашучыларның барысы да патриотизм рухы белән сугарылды, сәхнәдә башкару культурасын, артистлык, җырларны оригиналь башкаруны күрсәттеләр. Чараны укытучыларның вокаль ансамбле сугыш җырлары темасына попурри башкарып тәмамлады. Укучылар аягүрә басып укытучыларына кул чаптылар! Залдагыларның барысын да безнең тарихыбыз белән горурлану хисе берләштерде. Бу бәйрәмне музыка укытучысы Гыйльфанова Раушания Ануровна әзерләде һәм оештырды.