Сарман урта мәктәбендә "Макулатура тапшыр-агачны коткар!" акциясы узды
Сарман урта мәктәбендә тәрбия буенча директор киңәшчесе Гарайшина Гөлфинә Рәкыйп кызы, тәрбия эшләре буенча директор урынбасары Салихов Фәрит Әлфис улы "беренчеләр хәрәкәте" ндә катнашучылар, "Чиста булачак" активистлары белән берлектә макулатура җыю буенча ел саен үткәрелә торган "Макулатура тапшыр - агачны коткар!". Анда педагоглар, 1-11 сыйныф укучылары һәм аларның әти-әниләре актив катнашты. Әлеге акция балаларның игътибарын ресурслардан икенчел файдалану һәм табигатькә сакчыл мөнәсәбәт кирәклегенә юнәлтергә тиеш. Катнашучылар кирәкмәгән газета-журналлар, китаплар, буклетлар, реклама продукциясе һ.б. алып килделәр. гомуми көч белән 1 тоннадан артык макулатура җыеп алынды. Без акциядә катнашучыларның барысына да планетабызның экологиясен һәм табигый матурлыгын саклауга керткән өлешләре өчен рәхмәт белдерәбез.