Сарман мәктәбенең хезмәт һәм ял лагеренда

2025 елның 30 мае, җомга

Көн һәрвакыттагыча мәктәп ашханәсендә зарядка һәм тәмле иртәнге аш белән башланып китте. Аннары безнең хезмәт десанты мәктәп территориясен тәртипкә китерде. Балалар үзләренең хезмәт вазыйфаларын актив башкарырга керештеләр. Алар мәктәп яны участогында эшләделәр: суган, кишер,чөгендер утырттылар. Шулай ук чәчәкләргә һәм агачларга су сипкәннәр. Бик шәп аш, безне дәртләндерде, пешекчеләребезгә рәхмәт! Көн азагында балалар тәэсирләре белән уртаклаштылар.