"Алёнушка" балалар бакчасында тәрбияләнүчеләр Галимҗан Әхмәдиевнең тууына 100 елга багышланган чарада катнаштылар

Бүген 1 нче санлы «Кояшкай» балалар бакчасында "Экологик уеннар аша мәктәпкәчә яшьтәге балаларның шәхси үсешен формалаштыру" темасына районкүләм семинар-практикум узды.

Бүген зурлар һәм мәктәпкә әзерлек төркеме балалары кадерле кешеләрен якынлашып килүче Әниләр көне белән чын күңелдән котладылар. Бәләкәй йөрәкләр өчен бу бәйрәм үзенчәлекле һәм дулкынлану белән тулы. Бәйрәм балаларга яхшы таныш булган персонажлар – шаян Белмәмеш һәм акыллы Убырлы карчык чыгышлары белән үрелеп барды. Чара шатлык белән тулы җылы атмосферада узды. Кечкенә артистлар әниләренә бик күп сюрпризлар әзерләгән иделәр: алар күңел кылларын тибрәтердәй шигырьләр укыдылар, матур җырлар башкардылар, үзләренең дәртле биюләрен тәкъдим иттеләр. Бәйрәмне тагын да тулыландырып, балаларыбыз якыннары өчен нәни куллары белән ясаган бүләкләрен тапшырдылр. Әниләр дә активлык күрсәтте: балалар белән бергә алар рәхәтләнеп җырладылар, биеделәр, күңел ачтылар. 

Җәлил бистәсенең 3 нче санлы “Аленушка” балалар бакчасында тәрбияләнүчеләр «Д.И. Менделеев эзләре буенча» бөтенроссия конкурсында II дәрәҗә җиңүче булдылар!  Алар бөек галим эзе буйлап хәтта нәни кешеләр дә бара алуын ышаныч белән исбат иттеләр! Оештыручы - "Беренчеләр хәрәкәте" ярдәме белән "НАХИМИЧИМ" балалар химик лабораториясе" проекты. Габидуллин Адель һәм Җәмилова Сафияне чын күңелдән котлыйбыз! Алга таба да якты тәҗрибәләр, кыю экспериментлар үткәререп иҗади җиңүләргә ирешүләрен телибез!