Халыкара кошлар көне» - ел саен 1 апрельдә билгеләп үтелә торган экологик бәйрәм. Бүген балалар бакчасында Халыкара кошлар көненә багышланган тематик көн узды.Балалар, кошлар турында әкиятләр һәм хикәяләр тыңладылар, төрле эшләнмәләр, пластилиннан кошлар әвәләп, рәсемнәр ясадылар һәм саф һавада кошларны күзәттеләр. Кошларны яратыйк һәм саклыйк, дуслар!

Игәнә-Баш авылында яшәүче Гайфетдинова Фатыйма Зиатдин кызы үзенең 94 нче язын каршы алды. Хөрмәтле Фатыйма апаны  Иляксаз авыл җирлеге башлыгы Хадиуллин Илшат Хәмбәл улы, авыл ветераннар советы рәисе Закирова Элфия Рәис кызы, Иляксаз мәдәният йорты директоры Зарипова Гүзәлия Мирдиан кызы котладылар һәм В.В.Путинның котлау хатын, Сарман муниципаль районы башлыгы Ф.М.Хөснуллинның  истәлекле бүләген тапшырдылар. Фатыйма апага озын гомер, корычтай нык сәләмәтлек телибез. 

Көлке көне – искиткеч күңелле бәйрәм. Аны бөтен дөньяда олылар да, балалар да төрле кызыклар ясап билгеләп үтәләр. Безнең уртанчылар төркемендә тәрбияләнүчеләр дә читтә калмады. Нәниләребезгә кунакка шаян клоуннар килде. Алар барыбызны бәйрәм белән котлап, дәртле җырлар җырладылар, балалар белән бергә биеделәр һәм бик күп мавыктыргыч уеннар үткәрделәр. Уен барышында һәркем үзенең җитезлеген һәм зирәклеген күрсәтә алды. Балалар бакчасында бәйрәм шау-шулы һәм күңелле үтте.

«Лилия» балалар бакчасында Кошлар көненә багышланган бәйрәм узды!