Илексаз авыл җирлегендә Корбан бәйрәм үтте.

Кулланучылар хокукларын яклау һәм кеше иминлеге өлкәсендә күзәтчелек буенча федераль хезмәт 2026 елның 2 июнендә хезмәт шартларына, транспортның аерым төрләренә һәм транспорт инфраструктурасы объектларына, азык-төлек продукциясен сатучы сәүдә объектлары һәм базарлар эшчәнлегенә, халыкның җәмәгать туклануын оештыруга, балаларны һәм яшьләрне тәрбияләүне һәм укытуны, ял итүне һәм савыктыруны оештыруга, биналарны, биналарны, корылмаларны эксплуатацияләүгә кагылышлы санитария кагыйдәләре расланды.җайланмалар һәм транспорт, шулай ук хуҗалык субъектларының эшчәнлек шартлары.

Шыгай авылында гомер итүче Гыйльфанова Фәния Заһит кызына 90 яшь тулды. Олы юбилее белән Сарман муниципаль районы Башлыгы Ф.М. Хөснуллин исеменнән аны Азалак авыл җирлеге башлыгы И. Г. Габделгазизов тәбрикләде. Фәния Заһит кызына тирән ихтирам һәм рәхмәт йөзеннән район Башлыгы Фәрит Хөснуллинның рәхмәт хатын һәм истәлекле бүләк тапшырылды. Юбилярга чын күңелдән нык сәламәтлек, күңел җылысы, кадер-хөрмәт һәм озын гомер телибез. 

Хөрмәтле райондашлар һәм кунаклар! Бүген без бөтен ил белән бергә төп дәүләт бәйрәмен-Россия көнен билгеләп үтәбез. Ул күпмилләтле халыкның бердәмлеген һәм Ватанга тугрылыгын, ил өчен горурлыкны һәм ватандашларның казанышларын гәүдәләндерә. Илнең иминлеге нигезе – регионнарның уңышлы үсеше. Татарстан Республикасы бүген-куәтле сәнәгать, фәнни-техник һәм интеллектуаль потенциалга ия, бөтен дөньяга билгеле территория. Татарстан көчле Россия төзелешенә зур өлеш кертә, илебезнең терәк төбәге булып тора. Республикабызны үстерүдә, Россиянең социаль-икътисадый иминлеген ныгытуда безнең казанышларыбыз да бар, кадерле Сарман халкы. Көндәлек хезмәтләре белән район үсешенә ярдәм иткән, иҗтимагый тормышта актив катнашкан һәркемгә рәхмәт белдерәм. Бу бәйрәм көнендә сезгә сәламәтлек, бәхет, муллык һәм иминлек телим!

 Бүген 2026 елның 11 июнендә Россия көне алдыннан  Хәрби  батырлык  һәм хезмәт фидакарьлеге елы  кысаларында Сарман  районы Башлыгы Фәрит Хөснуллин Мәгъсут һәм  София Хәбибуллиннарны алтын туйлары белән котлады. Юбилярларга Башкарма комитеты җитәкчесе урынбасары, районның Хатын-кызлар Советы рәисе Индира Сәхипова, ГХАТ бүлеге җитәкчесе Гөлчәчәк Вәлишина, ветераннар Советы рәисе Асыляр Харисов, Сарман авыл җирлеге башкарма комитеты җитәкчесе Лилия Шәрипова, туганнары һәм якыннары үзләренең изге теләкләрен җиткерделәр. Гаилә башлыгы Мәгъсут Мәхмүрәхман улы күп еллар районның авыл хуҗалыгы өлкәсендә,  София Заһировна электрон элемтә өлкәсендә хезмәт иткәннәр. Тату һәм хезмәт сөючән гаиләдә үз балаларын тәрбияләп үстергәннәр, ә бүген яраткан оныклары һәм оныкчыклары куанычы белән яшиләр. Юбилярларга муниципаль район Башлыгының Рәхмәт хаты һәм истәлекле бүләкләр тапшырылды.