Техникаларга техник караулар башланды

12 мартта Сарман муниципаль районы авыл хуҗалыгы предприятиеләрендә, оешма-учреждениеләрдә булган техникаларга техник караулар башланды.

2013 елның 26 ноябрендә дәүләт техник күзәтчелегендә дәүләт теркәү үткән техникаларга техник карау кагыйдәләре үзгәрде. Бу үзгәрешләр 2013 елның 13 нояберендә Россия Федерациясе 1013 номерлы хөкүмәт карарына нигезләнә. Хәзер көпчәкле юлдан тыш хәрәкәт итүче машиналар (квадроцикллар, мотовездеходлар һ.б.) техник карауны дәүләт техник күзәтчелеге бүлекләрендә түгел, ә аккредитация үткән техник карау операторларында үтеп диагностик карта алалар. Шулай итеп көпчәкле юлдан тыш хәрәкәт итүче машиналарның техник карау автомобилләрнеке белән тәнгәл килә.
Көпчәкле юлдан тыш хәрәкәт итүче машиналарны техник карау кабатлану автомобилләрнеке кебек: беренче өч елда –техник карау тәләп ителми, өч елдан җиде елга кадәр-егерме дүрт ай саен, җиде елдан артканнарга – унике ай саен үтәргә тиеш.
Шул ук вакытта яңа кагыйдә буенча машинаның ОСАГО иминият полисы техник карау үткәнче күрсәтелергә тиеш. Машинаның максималь конструктив тизлеге 20 километрдан артмаганда ОСАГО иминият полисы күрсәтү таләп ителми.
Үзйөрешле машиналар һәм аларның арбаларына техник караулар үткәрүнең төп үзенчәлекләре:
-Заводтан эшләп чыгарылуына бер елдан артмаган һәм моңарчы файдаланылмаган яңа машиналарга техник караулар, аларның номерларын чагыштырып, техник торышын тикшермичә генә үткәрелә. Алга таба алар һәр елны техник карауга куелалар. Техник караулар, машинаның кайда теркәлгән булуына карамастан, дәүләт техник күзәтчелеге органы урнашкан җирдә башкарыла.
-Хәзер, әгәр машина куркынычсызлык тәләпләренә тулысынча җавап бирә дип табылса, талон урынына техник карау үткәнлек турында таныклык биреләчәк. Әгәр дә машина куркынычсызлык тәләпләренең берәрсенә җавап бирми икән, ул чакта техник карау үткәнлеккә акт бирелә һәм егерме көн эчендә кабат техник караулар уздырыла. Бу вакытта машинаның актта күрсәтелгән параметрлары гына тикшерелә.
Техник карауларга түбәндәге документлар таләп ителә:
-шәхесне раслаучы документ (әгәр техниканы икенче кеше күрсәтсә, хуҗасының ышаныч язуын алып килә)
-тракторчы-машинист таныклыгы
-машинаны теркәлү турында таныклык
-ОСАГО иминият полисы
-техник карау үткәнлеккә таныклык алу өчен дәүләт пошлинасы түләү турында квитанция
Районның авыл хуҗалыгы преприятияләре, оешмалары балансында булган техникалар, шулай ук авыл җирлекләрендә халыкның шәхси техникаларына техник караулар уздыруның графигы булдырылды.