Муниципаль районнар Сарман муниципаль районы

Китапханәгә сәяхәт

2015 елның 19 ноябре, пәнҗешәмбе

18 ноябрь көнне «Бәрәкәт» балалар бакчасының зурлар һәм мәктәпкә әзерлек төркеме балалары үзәк балалар китапханәсенә экскурсиягә килделәр. Балаларны шат күңел белән китапханә хезмәткәрләре каршы алды. Китапханә хезмәткәрләре экскурсия барышында балаларны уку залы һәм балалар абонементы эшчәнлеге белән таныштырдылар. Балалар китапларның мөһимлеге һәм аларның ясалу тарихы, алар белән сакчыл эш итәргә кирәклеге турында да зур кызыксыну белән тыңладылар. Шулай ук стеллажларга китап күргәзмәләренә тезелгән төрле темадагы китапларны зур канәгатьлек белән карап чыктылар. Балаларда экскурсия чын мәгънәсендә зур тәэсир калдырды.Шулай ук балалар презентация карадылар һәм андагы кызыклы сорауларга җавап таптылар, татар халык әкиятенә нигезләнгән “Өч кыз” әкиятен карадылар, китапханәчеләрнең сорауларына җавап эзләделәр. Әкият балалар күңеленә хуш килде. Балаларда экскурсия чын мәгънәсендә зур тәэсир калдырды.

Оценить материал и/или оставить мнение

МБУ "Үзәкләштерелгән китапханә"

БАРЛЫК ЯҢАЛЫКЛАРНЫ УКУ

СОҢГЫ ЯҢАЛЫКЛАР

март, 2026 ел

Бүген "Сандугач" балалар бакчасында Бөтендөнья театр көне булып узды.

27 мартта Бөтендөнья театр көне билгеләп үтелә. Театр мәктәпкәчә яшьтәге балаларның сәнгать өлкәсен кабул итүнең иң якты, матур һәм аңлаешлы өлкәләрнең берсе булып тора. Театральләштерелгән эшчәнлек балаларга ачылырга ярдәм итә, сүз байлыгын үстерә, аларның эчке дөньясын баетып, көндәлек тормышына онытылмаслык төрлелек кертә. Бүген сабыйларыбыз “Шалкан”, “Чуар тавык”, “Куян кызы”, “Теремкәй” кебек яраткан әкиятләрен бик теләп сәхнәләштерделәр. Һәр герой үзенә бирелгән рольне җиренә җиткереп башкарды. Бәйрәмнәр һәм әкиятләр – балаларга образлар, төсләр, тавышлар дөньясын ача торган ишекнең искиткеч ачкыч ул. Бакчабызда театр көне бик күңелле узды.

"Петровказавод балалар бакчасы" МББМУда буген "Бөтендөнья театр көне"н билгеләп үттек

Бүген, 27 март көнне, Бөтендөнья театр көне уңаеннан, балалар бакчасында тәрбияләнүчеләр сәхнә сәнгате дөньясына гаҗәеп сәяхәткә киттеләр. Балалар өчен яраткан ике әкият - "Репка" һәм "Теремок" тамашалары оештырылды. Актерларның якты костюмнары, персонажларның сәнгатьле уены һәм матур декорацияләр бәйрәмнең кабатланмас атмосферасын тудырды. Балалар сюжетның үсешен сокланып күзәттеләр, геройларга кайгырыштылар һәм актерларга шатланып кул чаптылар. Спектакльләр балаларның күңелен күтәреп кенә калмады, аларның хыялын, эмоциональ интеллектын һәм сәнгатькә мәхәббәтен үстерергә дә ярдәм итте.

"Җәлил гимназиясе"ндә Чернобыль АЭСындагы авариянең 40 еллыгына багышланган класс сәгатьләре узды

"Җәлил гимназиясе"ндә Чернобыль АЭСындагы авариянең 40 еллыгына багышланган класс сәгатьләре узды. Укучылар фаҗиганең сәбәпләре һәм нәтиҗәләре, шулай ук ликвидаторларның каһарманлыгы турында белделәр.

"Алёнушка"балалар бакчасында "Бөтендөнья театр көне" н билгеләп үттеләр

"Бөтендөнья театр көне" н билгеләп үтү кысаларында Җәлил бистәсенең 3 нче «Аленушка» балалар бакчасының мәктәпкә әзерлек төркемнәрендә тәрбияләнүчеләр һәм «Җәлил 2 нче урта мәктәбе» нең “Беренчеләр хәрәкәт”е активистлары театрның тылсымлы дөньясына чумдылар! Укучылар балаларны театрның гаҗәеп дөньясы белән таныштырдылар һәм аның әһәмияте турында сөйләделәр; "Үз кулларың белән шәүлә театры" мавыктыргыч иҗат остаханәсе оештырдылар. Өлкән иптәшләре җитәкчелегендә балалар шәүлә театры өчен персонажлар ясадылар. Ахырда "Беренчеләр хәрәкәте" активистлары "Три поросенка"әкияте буенча театр күрсәттеләр. Чара җылы, дустанә атмосферада узды. Мәктәпкәчә яшьтәге балалар театр турындагы күзаллауларын киңәйтеп кенә калмадылар, өлкән остазлар белән аралашу тәҗрибәсе дә тупладылар, алар үз үрнәкләре белән иҗат итүнең, фантазияләрнең һәм командада эшләүнең мөһимлеген күрсәттеләр.

ЯҢАЛЫКЛАРГА ЯЗЫЛУ