ЯҢАЛЫКЛАР
Бүген Сарман муниципаль район Башлыгы Фәрит Мөнәвир улы Хөснуллин Ә.Залаков исемендәге ял паркында районның педагогик хезмәткәрләрен “Укытучылар көне” белән тәбрикләде. Тантанада алдынгы педагогик хезмәткәрләргә Сарман муниципаль район Советы һәм район мәгариф бүлегенең Мактау грамоталары тапшырылды. Шулай ук район Башлыгының истәлек бүләкләре, чәчәк бәйләмнәре бирелде.
Татарстан Республикасы Сарман муниципаль районының административ комиссиясе хәбәр итә: Административ хокук бозулар турында Россия Федерациясе Кодексының 32.2 статьясы нигезендә судья, орган, вазыйфаи зат тарафыннан административ хокук бозулар турында эшләрне карарга вәкаләтле зат тарафыннан билгеләнгән штраф административ штрафны законлы көченә кергәннән соң алтмыш көнлек (60 көн), яисә кичектереп тору срогы чыкканнан соң түләнә.
Россия Федерациясе Иминлек Советы Секретаренең 2021 елның 19 августындагы боерыгы белән якташыбыз – Татарстан Республикасында Суд департаменты идарәсе башлыгы Салихов Җәүдәт Миргаҗәм улы Россия Федерациясе Иминлек Советының "Халыкара иминлекне ныгытудагы казанышлары өчен" медале белән бүләкләнде.
Бүген, 6 октябрьдә, район башлыгы Фәрит Хөснуллин басуларда булды һәм чираттагы ункөнлек дәвамында чөгендер җыю буенча беренчеләрдән булган чөгендер җыю техникасы экипажын, чөгендер җыю техникасында эшләүче механизаторларны, шикәр чөгендерен эшкәртү һәм җыю буенча алдынгы агрономнарны бүләкләде. Бүләкләү тантанасында районның авыл хуҗалыгы һәм азык-төлек идарәсе башлыгы Альберт Шәрипов катнашты.
Хөрмәтле район халкы!
Россия Федераль салым хезмәтенең Татарстан Республикасы буенча 11нче районара инспекциясе хәбәр иткәнчә, физик затларның милек салымнарын, шулай ук 2020 ел өчен физик затлар кеременә салымны түләүгә салым белдерү кәгазьләре җибәрелә башлады. Күчемсез милек, җир һәм транспорт чаралары булган гражданнарга исәпләнгән салымнарны 2021 елның 1 декабренә кадәр түләргә кирәк.
Якын арада республика халкының почта тартмаларына салым органнарыннан җыелма салым хәбәрнамәләре килә башлаячак. Ә шәхси кабинеттан файдаланучыларга салым уведомлениеләре электрон рәвештә бушатылган инде.
Барлыкка килгән санитар-эпидемиологик хәл шартларында, салымнарны дистанцион рәвештә теләсә нинди уңайлы ысул белән түләргә мөмкин:
- «Салымнар» мобиль кушымтасы аша;
- Россия Федераль салым хезмәте сайтында " Физик затлар өчен салым түләүченең шәхси кабинетында» ;
- Россия Федераль салым хезмәте сайтында «салымнар һәм пошлиналар түләү» сервисы ярдәмендә.
Салымнарны бердәм салым түләве ярдәмендә аванс белән түләргә була. Физик затның бердәм салым түләве суммасын исәпкә алу салым органы тарафыннан мөстәкыйль гамәлгә ашырыла. Салым органнары тарафыннан акча бүлү турында барлык мәгълүмат «физик затлар өчен салым түләүченең шәхси кабинетында»чагылдырыла. Бердәм салым түләвен «салымнар һәм пошлиналар түләү» сервисыннан файдаланып, салым түләүченең шәхси кабинеты аша «аванс янчыкларын тулыландыру»бүлегендә күчерергә мөмкин.
Хөрмәтле салым түләүчеләр!
Салым түләүчеләрне салым белән идарә итү һәм дәүләт хезмәтләре күрсәтү элеккечә үк Татарстан Республикасы буенча 11 нче номерлы Россия Федераль салым хезмәте районара салым инспекциясенең Түбән Кама ш., Шинников ПР., 4 нче йорт адресы буенча тулысынча гамәлгә ашырылачак.
Инспекциянең операцион залында салым түләүчеләрне кабул итү дүшәмбедән пәнҗешәмбегә кадәр 9:00 дән 18:00 гә кадәр, җомга көнне 9:00 дән 16:45 кә кадәр бара.
«Салым органына кабул итүгә Онлайн-язылу» интерактив сервисыннан файдаланып, инспекциягә алдан ук килергә һәм чиратны көтү вакытын кыскартырга мөмкин, ул Россия Федераль салым хезмәте сайтында урнаштырылган. nalog.gov.ru "сервислар" бүлегендә.
«Пушкин картасы» проекты кысаларында Җәлил мәдәният сараенда өлкән сыйныф укучылары өчен концерт-лекция оештырылды.
«Бөтенроссия халык санын алу турында» 25.01.2002 ел, № 8-ФЗ Федераль закон нигезендә, Россия Федерациясе Хөкүмәтенең «2020 елгы Бөтенроссия халык санын алуны оештыру турында» 2019 елның 7 декабрендәге 1608 номерлы карары нигезендә, 2021 елның 15 октябреннән 14 ноябренә кадәр Бөтенроссия халык санын алу узачак.
Сарман районы территориясендә 10 исәпкә алу участогына Берләшкән 63 хисап участогы оештырылган.
Бер күрешү- үзе бер гомер!
Бер күрешү – үзе бер гомер, ди
Күрештегез бүген биредә.
Ходай насыйп итте бәйрәм көнне
Җыелышып монда килергә.
Таныш сукмак, таныш урамнардан
Салмак кына атлап, җай гына.
Өлкән буын килә, әйтерсең лә
Яшьлегенә кайта аз гына...
Күп тапкырлар үтелгән бу сукмактан,
Әле генә кебек, кичә генә...
Гомер үткән: кемгә 60, 70, 80,
Йөрәк кенә һаман унсигездә.
https://vk.com/wall224170151_535
Өлкәннәр көне... татар телендә аеручы якты, ягымлы булып ишетелә, әйтерсең лә кояш җылысы бөркелә бу сүзләрдән. Чөнки һәркемнең күз алдына үзенең әби- бабасы килә торгандыр. Әби- бабай гына дию дә дөрес микән, дәү әни, дәү әти дисәк дөресрәктер мөгаен. Кечкенәдән әти- әниләр белән беррәттән янәшәбездә булып, киңәшче дә, сердәшче дә, юатучы, ярдәмчеләребез дә бит алар. Балалары, оныклары олы тормышка чыгып үз көннәрен үзләре күреп яши башлагач та алар өчен изге догаларын кылып, шулар уңышларына куанып, һәрвакыт зарыгып көтеп торалалар.
Өлкәннәр декадасы уңаеннан музейга экскурсиягә килүче кунаклар группасы шушы бәйрәм кебек үк үзенчәлекле булды. “Ел саен шушы составта очрашырга тырышабыз һәм гел хәбәрләшеп торабыз. Музейга беренче тапкыр гына килмибез, ләкин килгән саен үзебез өчен яңалык ачабыз-һәрвакыт эзләнү эшендә булуыгыз күренеп тора. Искиткеч мавыктыргыч итеп сөйлисез, тын алырга да онытып утырдык хәтта”,- диделәр “Шәфкать” ял үзәгеннән килүчеләр һәм матур теләкләрен язып калдырдылар. Гомерләрен балаларга белем бирүгә багышлаган укытучылар да бар иде араларында, аларны Укытучылар көне белән тәбрикләп үттек. Үзара дустанә, җылы мөнәсәбәттә булулары очрашуны аеруча рәхәт итте. Барсы да күтәренке кәефле, шаян, кызык сүзләр сөйләп рәхәтләнеп көләләр, гомер үтә дип һичбер кайгырмыйлар. Киресенчә, тормышның бар ямен тоеп, Ходай биргән гомерне үкенмәслек итеп яшәргә тырышалар.
Ел саен октябрь аенда илебез матур бәйрәм – Россия укытучылары көнен билгеләп үтә. Кадерле укытучылар! Сезгә бәхет,нык сәламәтлек һәм рәхмәтле укучыларны телибез! Бәйрәм белән!