ЯҢАЛЫКЛАР

Халыкара балаларны яклау көне алдыннан мөмкинлекләре чикле балалар тәрбияләнүче Теләнче - Тамак интернат – мәктәбе укучылары өчен сюрприз ясарга булдык. Исегезгә төшерәбез, «Путешествие в прошлое» проектын тормышка ашыру кысаларында укучылар үзләре Бөек Ватан сугышы һәм туган якны өйрәнү музеена килде. Бу юлы без үзебез аларга барырга булдык. Алга куелган максатны истә тоттып, халкыбызның мәдәниятен, гореф – гадәтләрен саклау, төррле бәйгеләр һәм уеннар әзерләп, очрашуны онытылмаслык, күтәренке кәеф, көлүләр һәм елмаюлар белән тулы итү теләге белән юлга кузгалдык.

Уебызны чынга ашырыр өчен, вакыт машинасына утырып йөз ел үткәннәргә кайттык, ә анда бу вакытта традицион «Җыен» бәйрәме гөрли иде.

Йөз ел элек ул татар тормышында аерым урын алып торган. Мул сыйларга, ярышларга һәм ярминкәләргә бай бәйрәм  ел саен үткәрелә торган булган, аңа алдан ук бик җаваплы итеп әзерләнгәннәр. Ләкин бүген ул онытылган диярлек.

Безне һәрвакыттагыча балаларның кояштай нурлы йөзләре, җан җылысы тулы кочаклары каршы алды, билгеле булганча, әлеге интернат-мәктәп белән күптән хезмәттәшлек итәбез, алар безне яхшы беләләр һәм килүебезгә һәрвакыт шат.

Шаккаткыч балалар! Автобустан төшергә өлгермәдек, алар инде әйберләрне бушатырга һәм атрибутларны урнаштырырга ярдәм итә башладылар. Хәтта малайлар аппаратураны үзләре тоташтырырга һәм көйләргә тырыштылар. Һәм әлеге җаваплы, мөһим бурычны бик уңышлы башкарып чыктылар. Алар өчен башкаларга ярдәм итә алуларын аңлау бик мөһим.  

Бәйрәмнең тарихы белән танышкач ярышларга, бәйгеләргә старт бирелде.

Традицион татар бәйрәмнәренең төп фигураларның берсе – әлбәттә ат. Ләкин ат чабышларын оештырганчы егетләргә әлеге горур җәнлекләрне иярләргә кирәк бит әле. Иң кыю һәм батыр малайлар кулларына аркан алып ат иярләргә керештеләр. Бу бик авыр эш иде, ләкин беркем дә бирешмәде һәм һәркем үзенә ат тотты. Үзләренең тугры атларына атланып, егетләр стартка тезелделәр. Атлар тояк бәреп дулыйлар, пошкыралар, һаваны ярып кешниләр, “Бер, ике, өч...Киттек!”. Чабыш шулкадәр көчле һәм дәртле булды, хәтта ком бураны да күтәрелде. Гадәт буенча, кызлар чиккән сөлгеләрне җиңүчегә һәм соңгы булып килгән атка бәйләделәр.

Инде кызларга чишмәгә суга барыр вакыт җитте, ә инешне кичәр өчен күпер юк. Ни хәл итергә!? Ләкин егетләр аптырап тормадылар, инженерларга гына хас зирәклек күрсәтеп, бер кадак та кулланмыйча, тиз арада күпер төзеп тә куйдылар. Әй, китте кызлар кәс-кәс басып бәллүр сулы чишмә буена, чиләкләрен мөлдерәмә тутырып, шаярып- көлеп кайтып җиттеләр.

Кызлар чишмәдән кайтуга, егетләр үз көчләрен төгәллектә сынап карарга тезелеп басканнар иде инде. Кулларында ук, җәя, күзләрен кысып төзәп-тәзәп карыйлар.

Бер генә бала да катнашмый калмасын дип, барлык бәйгеләрне һәм уеннаны берничә тапкыр үткәрдек, ә иң хәйләкәрләре икешәр һәм хәтта өчәр тапкыр катнашты. Ярышлар арасында хәл алган мизгелләрне И.Г.Шакиров исемендәге Сарман балалар сәнгать мәктәбе укучылары - Сабирҗанова Самира һәм Исламов Азамат (җитәкчеләре Расиха Мөгалләф кызы Хәмидуллина) үз җырлары белән сөендерделәр.

Вакыт сизелми дә үтеп китте, балалар күзендә шатлык, сөенеч нурлары уйнавын күреп бик сөендек, димәк тырышлыгыбыз тиккә булмады, димәк алар тормышына без тагын бер онытылмаслык көн өсти алдык.

Чара «Свет» социаль ярдәм  фондының хәйрия финанслау ярдәме белән үткәрелде.

2023 елның 1 апреленнән 1 ноябренә кадәр Татарстан Республикасы дәүләт мәгълүмат системасының эшчәнлеге буенча ведомствоара комиссия карары белән «Халык контроле» конкурсы игълан ителде.

2023 елның 28 маенда Татарстан Республикасы Лаеш районы Никольское авылында «Каравон»рус мәдәнияте фестивале узды. Конкурста 14 яшьтән 20 яшькә кадәрге яшьләр катнашты. Алар-Казан халык сәнгать кәсепләре техникумы, Казан дәүләт мәдәният институты студентлары, балалар сәнгать мәктәпләре укучылары, Татарстанның гомуми белем бирү мәктәпләре укучылары. Аларның һәрберсе Оештыру комитетына булачак эшләнмәнең эскизын тәкъдим итте. Финал өчен 13 катнашучының эшләре сайлап алынган. Шулардан: 3-КГИК студентлары, 5 – Казан халык сәнгать кәсепләре техникумы студентлары, 3 – Сарман балалар сәнгать мәктәбе укучылары, 1 – Саба гимназиясе укучысы, 1 – цифрлы икътисад һәм технология колледжы студенты.

30 майда ТАССРның 100 еллыгы скверында Җәлил гимназиясе коллективы агачларга һәм куакларга су сибтеләр. Моннан тыш, территориядән чүп-чар җыелган.

Бүген район башлыгы Фәрит Хөснуллин гражданнарны кабул итте.

Кабул итүгә Башкарма комитет, оешма бүлекләре урынбасарлары һәм белгечләре, район җирлекләре башлыклары чакырылган иде. Язылучы гражданнар түбәндәге сораулар буенча мөрәҗәгать иттеләр: Җир, торак, эшкә урнашуда ярдәм һәм башка сораулар.

Татарстан Республикасы Министрлар Кабинетының 12.01.2023 № 24-р һәм 15.04.2023 № 896-р күрсәтмәләре нигезендә яшь белгечләрнең иҗади потенциалын ачу максатыннан хәзерге вакытта Татарстан Республикасы эшчән яшьләренең XI еллык «Безнең заман – Безнең заман» ачык республика телевизион иҗат фестивалендә катнашу өчен гаризалар кабул итү башланды Татарстан Республикасы Р.Н. Миңнеханов катнаша.

Социаль яклау бүлеге аша укуын  бетереп кайткан студентларга, армия сафларыннан кайтучыларга hәм аерым төр гражданнарга эшкә кергәнче социаль контракт төзеп, 4 ай дәвамында 13319 сум ярдәм күрсәтү мөмкинлеге бар.

Китапханә кешелекнең акыл дәрьясы саклана торган урын. Рәт – рәт тезелгән китаплар – дәверләр катламы кебек. Китапханәгә меңләгән шәхесләр язмышы да, үлмәс дастан - әкиятләр дә, меңнәрчә халыклар тарихы да, акыл ияләренең яшәү фәненә өйрәткән тәгълиматы да сыйган.
29 май көнне Сарман гимназиясенең 10 “А” сыйныф укучылары китапханәдә экскурсиядә булдылар. Танышу укучыларга хезмәт күрсәтү бүлегеннән башланды, китапханәче 99 еллык тарихы булган китапханә белән таныштырды, китапханәдән файдалану кагыйдәләрен аңлатты. Укучылар игътибарына китап күргәзмәләре, стендлар, яшьләребез укый торган әдәбият тәкъдим ителде. Шулай ук укучылар шагыйрь, галим Дамир Гарифуллин һәм якташларыбыз иҗатына багышланган бүлектә, «Книгостайл» могҗизалы бүлмәдә булдылар. Бөтенроссия китапханәләр көне уңаеннан оештырылган библиоквилт мәгълүмат стендына үз теләкләрен язып калдырдылар.

"Epoxy" мәктәп бизнес-командасы (МБББУ "Җәлил урта гомуми белем бирү мәктәбе no 2" командасы, җитәкчесе - Габидуллина Гөлшат Илгиз кызы) "мәктәп бизнес-старты" республика проекты кысаларында уздырыла торган "елның ачышы"номинациясендә мәктәп бизнес-компанияләре чемпионаты финалисты булды.

Район башлыгы Фәрит Хөснуллин Даулы Болын майданын җәйге сезонга әзерләү буенча киңәшмә үткәрде, анда район Башкарма комитеты урынбасарлары, җирлекләр башлыклары, район оешмалары һәм учреждениеләре җитәкчеләре катнашты. Фәрит Мөнәвир улы оешмаларга беркетелгән объектларны кабул итте.