ЯҢАЛЫКЛАР

Иске Кәшер авыл  җирлеге Урта Кәшер авылында Җиңүнең 78 еллыгына багышланган митинг узды .Сарман районыннан вәкил  Исмәгилова Юлия Равил кызы  катнашты. Бәйрәмне авыл җирлеге башлыгы Дәүләтҗанов Раян Назыйф улы ачып җибәрде. Яу кырында ятып калган солдатларны бер минутлык тынлык белән искә алынды. Иске Кәшер урта белем бирү мәктәбенең укучылары монтаж программасы күрсәттеләр, һәйкәлгә веноклар салынды. 

8 майда Ләке авыл җирлегендә учреждениеләр белән берлектә Бөек Ватан сугышында Җиңүнең 78 еллыгына багышланган митинг һәм тантаналы концерт узды.

Саклаубаш авыл җирлегендә Бөек Ватан сугышында Җиңү көне уңаеннан тантаналы чаралар үтте. 

Бүген 8 май конне Александровка авыл җирлегендә Бөек Ватан сугышында Җиңүнең 78 еллыгына багышланган тантаналы митинг уткэрелде. Советлар Союзы Герое А.А. Казаков исемендәге Александровка урта гомуми белем бирү мәктәбе укучылары, мәдәният йорты хезмәткәрләре белән берлектә, халыкны һәм кунакларны үзләренең искиткеч чыгышы белән сөендерделәр.

Бөек Ватан сугышында Җиңүнең 78 еллыгы алдыннан район Башлыгы Фәрит Хөснуллин Бөек Ватан сугышы ветераннарын һәм тыл хезмәтчәннәрен котлады,  махсус хәрби операциядә катнашучылар белән очрашты, шулай ук Украинада хәрби операция барышында һәлак булган катнашучының гаиләсе белән очрашты, Александровка авылында Советлар Союзы Герое Казаков Александр Афанасьевич каберенә чәчәкләр салды.

Авылдашлары - олы йөрәкле, киң күңелле ватанпәрвар Равил Лотфулла улы Миңнехуҗин авылның Бөек Ватан сугышында һәлак булган каһарманнары, тылда хезмәт куйганнар һәм тол калган аналар истәлегенә авыл мәдәният каршына мәгърүр һәйкәл салдырды. Аны бүген тантаналы рәвештә ачтылар. Авылдашларына бәйрәм бүләге итеп, миһербанлы җан Казаннан мәртәбәле сәнгать ияләрен чакырган иде. Ике сәгатькә якын Татарстан Республикасы фольклор музыкасы дәүләт ансамбле Сөлек халкы һәм тантана кунакларына җыр-моң, дәртле биюләрен бүләк иттеләр. Бәйрәмдә райондашыбыз - филармония артисты Рөстәм Насыйбуллин да чыгыш ясады. 

6 нчы майда "Җәлил гимназиясе"ндә Бөек Ватан сугышында Җиңү Көненең 78 нче еллыгына багышланган патриотик төзелеш һәм җыр конкурсы узды. Конкурсның максаты-үсеп килүче буында дисциплиналылык һәм патриотик рух тәрбияләү. Һәр сыйныф жюрига үз чыгышын тәкъдим итте. Барлык командалар да бик яхшы әзерлек тәкъдим иттеләр. Балалар якты, эмоциональ чыгыш ясадылар.

Бүген Иске Имән авылында Украинада махсус хәрби операция барышында һәлак булган якташыбыз, Иске Имән авылында туган Шакиров Руслан истәлеген мәңгеләштерү булды. Чарада район Башлыгы Фәрит Хөснуллин катнашты.

Бүген "ТАССРның 100 еллыгы" паркында Бөек Ватан сугышында Җиңүнең 78 еллыгы уңаеннан "Хәтер бакчасы" Бөтенроссия акциясе узды, анда район Башлыгы Фәрит Хөснуллин, Бөек Ватан сугышы ветераны Мөхәррәм Фәйзуллин, Башкарма комитет җитәкчесе урынбасары Индира Сәхипова, ветераннар һәм пенсионерлар советы җитәкчесе Асылъяр Харисов һәм яшь армиячеләр катнашты. Традиция буенча 10 чыршы утыртылган.