ЯҢАЛЫКЛАР
16 нчы февраль көнне 4 нче санлы "Сандугач" балалар бакчасында Сарман муниципаль районы мәктәпкәчә белем бирү оешмалары һәм тәрбиячеләре арасында "Яшел ут - 2022" дигән балалар арасында юл-транспорт имгәнүләрен профилактикалау буенча район смотр-конкурсының йомгаклау этабы узды. Җәлил бистәсенең 6 нчы санлы "Теремкәй" балалар бакчасы тәрбиячесе Абдуллина Роза Хәмзә кызы "Юл хәрәкәте кагыйдәләрен иң яхшы белүче" дип танылды. Безнең балалар бакчабыз "Балаларны юл хәрәкәте кагыйдәләренә өйрәтү һәм ата-аналар арасында юл хәрәкәте иминлеген пропагандалау буенча иң яхшы мәктәпкәчә белем бирү оешмасы" номинациясендә 1 урынны яулады.
Тарих дигәч, мөгаен күпләрнең күз алдына йөзләгән еллар элек борынгы дәүләтләр урнашкан җирлекләрдә археологик казылма эшләре, меңеллык тарихы булган шәһәрләр килә торгандыр. Ә менә үзең атлап йөргән урам, сиксән, туксан, хәтта йөз ел элек нинди булган икән? Гомүмән ул заманаларда булды микән әле ул? Нинди исем йөрткән? Электән калган биналар сакланганмы, аларда нинди оешмалар булган, бәлкем берәр бай йорты булгандыр? Шушы сорауларга җавапларны Сарман гимназиясенең 6 нчы сыйныфлары белән бергеләп эзләдек.
Укучыларга туган ягыбыз, Сарманыбызның, бүгенге көндә Ленин исемен йөрткән үзәк урамы буенча виртуаль экскурсия тәкъдим ителде. 30- 40 нчы елларда төшерелгән фотосүрәтләр безне үткәннәргә алып кайтты. Укучылар шаккатып карап тыңлап утырдылар, агач мәктәпләр, салам түбәле янтайган өйләр, Мөхәммәт Хаҗи байның йорты - һәммәсе дә гаҗәп иде, чөнки бу чор алар өчен бөтенләй таныш түгел.
Туган якны, туган телеңне, туган дәүләтеңне ярату иң элек үзең яшәгән өеңнән, алтап йөргән тыкрык, урамнардан башлана. Нәкъ менә шуңа күрә, «Үз илемдә –үз телемдә» проектының төп юнәлеше - үсеп килүче буынны милли кыйммәтләр белән таныштыру, аларда туган якка мәхәббәт һәм хөрмәт тәрбияләү.
16 нчы февраль көнне 4 нче санлы «Сандугач» балалар бакчасында Сарман районы мәктәпкәчә белем бирү оешмалары һәм тәрбиячеләре арасында «Яшел ут-2022» дигән балалар арасында юл-транспорт имгәнүләрен профилактикалау буенча район конкурсының йомгаклау этабы булып узды. 3 нче санлы «Аленушка» балалар бакчасы тәрбиячесе Болтоносова Гөлнара Котдус кызы «Балаларны юлларда куркынычсызлык кагыйдәләренә өйрәтү һәм ата-аналар арасында юл хәрәкәте иминлеген пропагандалау буенча иң яхшы тәрбияче» номинациясендә призер булды. Аны котлыйбыз һәм киләчәктә дә иҗади уңышлар телибез!
14 февраль көнне Җәлил беренче мәктәбендә "психологик иминлеккә адымнар" дигән психология атналыгы башланды. Беренче сыйныф укучылары өчен "мин мәктәп укучысы" дигән дәрес үткәрелде, 4 сыйныф укучылары "Минем хисләрем" уен-тренингында катнаштылар, атна буе мәктәптә "кәеф коймасы"дигән гомуммәктәп акциясе уза.
"Яшел ут-2022"республика конкурсының район этабының соңгы туры
19 нчы февраль көнне Саклаубаш авылында ел саен үткәрелә торган "кышкы балык тоту"ярышы узачак.
14нче февраль көнне Җәлил гимназиясендә "Психологик иминлеккә адымнар" дигән психология атналыгы башланды. Гимназиядә "Командалык", "Лидерлык" кебек тренинглар үткәрелә. Моннан тыш, "Мәктәпнең психологик портреты","Шатлык һәм фаразларлары "дигән акцияләр уза.
15 нче февраль көнне гимназиябездә герой – шагыйрь Муса Җәлилнең тууына 116 ел тулуны билгеләп үттек. 8 нче сыйныф укучылары белән “Җәлил һәм җәлилчеләр”, 9 нчы сыйныф укучылары арасында “Үлемне җиңгән шагыйрь”, 3-4 нче сыйныф укучылары белән “Мусалар - үлемсез! Мусалар – мәңгелек!” темаларына төрле чаралар үткәрелде. Бистә күләмендә уздырылган шигырь сөйләүчеләр бәйгесендә 1нче урынны 11 нче сыйныф укучысы Габидуллина Эльвира һәм 7 нче Б сыйныфы укучысы Зиннатуллина Зәлинә, 3нче урынны 3нче В сыйныфы укучысы Биктимеров Ринальләр яуладылар. Укучыларыбызга алга таба да уңышлар телибез!
Хөрмәтле гражданнар! «Татарстан Республикасы Гидрометеорология һәм әйләнә-тирә мохитне күзәтү идарәсе " ФДБУ мәгълүматлары буенча килде:
Метеорологик күренешләрнең интенсивлыгы турында Консультация-кисәтү
сәгать 20дән башлана. 16 февральдә 10 сәгатькә кадәр. 17 февраль 2022 ел.
Татарстан Республикасы территориясендә 2022 елның 17 февралендә төнлә һәм иртән урыны белән томан көтелә.
Татарстан Республикасы буенча Русия ГТХМ Баш идарәсе халыкка тәкъдим итә:
Томанда:
Табигатьтә актив ял итәргә яратучыларга үзләре белән төзек элемтә чаралары, навигация приборлары булырга киңәш ителә.
Томан юл хәрәкәтендә катнашучыларның барысына да җитди куркыныч тудыра.
Машина йөртүчеләргә машиналар арасындагы дистанцияне арттырырга, кинәт тоткарлыксыз калырга кирәк. Тукталыш кирәк булганда тизлекне салмак кына киметергә кирәк. Тоткарлаган вакытта берничә тапкыр нажать на педаль тормоза, шуның белән сигнал бирде, предупреждающий машина йөртүчеләр, алар движутся сезнең өчен. Автомобильнең техник торышына, бигрәк тә тормоз системасына, шиннарның торышына игътибар итәргә кирәк. Бөтен оптика эш хәлендә булырга тиеш. Тукталышларда югары күренешле жилет кулланырга.
Ерак араларга барудан баш тартыгыз.
Җәяүлеләргә урамны җәяүлеләр өчен билгеләнгән урында гына кисәргә киңәш ителә. Хәрәкәт итүче транспорт алдында трассаны узмаска кирәк, чөнки юл катламы тайгак булу сәбәпле, автомобильнең тормоз юлы шактый арта. Бары тик транспорт агымын каршылап кына хәрәкәт итәргә. Югары күрүчәнлек жилетын кулланырга яки кием-салымга яктылыкны кире кайтаручы элементларны беркетергә.
Фото архивтан.
Теләсә нинди бәла булган очракта сез һәрвакыт ашыгыч хезмәтләрне бердәм чакыру номерына – «101,112»мөрәҗәгать итә аласыз. Шалтыратулар тәүлек әйләнәсе һәм шәһәр һәм кәрәзле телефоннардан бушлай кабул ителә.
ТР буенча Россия ГТХМ Баш идарәсенең "ышаныч телефоны" 8 (843) 288-46-96.
15 нче февраль көнне герой-шагыйрь М. Җәлил иҗатына багышланган нәфис сүз осталары конкурсы булды, анда Җәлил 1 нче санлы мәктәбе укучылары актив катнаштылар. 1 дәрәҗә диплом белән 2а сыйныф Шәехова Алинә, 2 дәрәҗә Диплом Шаймарданова Диләрә 6б сыйныфы, 3 дәрәҗә диплом Фазлыев Данияр 5а сыйныфы, актив катнашканы өчен Диплом Таҗетдинова Алия 9а сыйныфы бүләкләнде. Котлыйбыз!