ЯҢАЛЫКЛАР

Беренчеләр хәрәкәте активистлары кадерле хатын - кызларыбызны язның беренче бәйрәме-Халыкара хатын-кызлар көне  белән котлады.

Җәлилнең 1нче мәктәбендә 2-10 сыйныф укучыларының проект эшләрен яклау бара. Барлык балалар да үз эшләрен лаеклы тәкъдим итәләр. Проектлар төзегәндә, балалар проблемаларны ачыкларга, реаль һәм ирешерлек максатлар куярга, гипотезалар куярга, алынган нәтиҗәләрне анализларга һәм төрле мәгълүмат чыганаклары белән эшләргә өйрәнәләр.  Моннан тыш, проектларны яклау укучыларга гавами чыгышлар тәҗрибәсе дә бирә.

 Бу бәйрәм алдыннан 7 март көнне Олы Нөркәй урта мәктәбендә «Ягез әле, әниләр»дигән күңелле чара узды.

Тукай районының Яңа бистәсендә ата-аналар комитетларының "Бердәм сыйныф серләре" республика конкурсының зона этабы булып узды, анда МББУ "Сарман урта гомуми белем бирү мәктәбенең" 6В сыйныфы укучылары сыйныф җитәкчесе Хөсәенова В.Р. җитәкчелегендә тәрбия буенча директор киңәшчесе Г. Р. Гарайшина белән берлектә әти-әниләре катнашып, 2 урынны алдылар. Конкурс "Иң тату класс", "Класс визиткалары" күргәзмәләреннән һәм проектны яклаудан торды . 6в сыйныфы коллективын һәм аларның әти-әниләрен котлыйбыз, алга таба уңышлар телибез.

4-8 март көннәрендә мәктәптә Инглиз теле атналыгы узды. Атна дәвамында укучылар инглиз теленә бәйле төрле конкурсларда, викториналарда һәм чараларда катнаштылар. 

МББМУ "Карашай-Саклау балалар бакчасында" гаилә бәйрәме узды.

Җылы кояш нурларына төренеп, йөгерек гөрләвекләре белән йөгереп язның беренче ае - март та килеп җитте. Барыбызга да билгеле, әлеге айның иң матур, иң олы бәйрәме - 8 Март - Халыкара хатын-кызлар көне. Әлеге уңайдан Күтәмәле мәктәбендә "Татар кызы" бәйгесе үтте. Бәйгедә кызларның уңганлыгы, булганлыгы, аш-су осталыгы, кул эшләре бәяләнде. Катнашучылар сынатмады, барлык биремнәрне дә уңышлы башкарып чыктылар, үзләрен иң яхшы тарафлардан күрсәттеләр.  Жюри һәр кызны билгеле бер номинациядә җиңүче дип таныды. Афәрин, кызлар! Сез чын ТАТАР КЫЗЛАРЫ!

«Герой әнисенә чәчәк бәйләме» акциясе кысаларында СВОдагы егетләребез әниләрен, 8 нче март халыкара хатын-кызлар көне белән котлап, чәчәк бәйләме тапшырдык

Әниләр өчен баланын куллары белән көч куеп, җылысын биреп ясалган бүләктән дә кадерле бүләк юктыр ул. 

Халыкара хатын-кызлар бәйрәме алдыннан алдыннан МБГББУ «А.Тимергалин исемендәге Иске Минзәләбаш төп гомуми белем бирү мәктәбе» укучылары «Ягез әле, кызлар, ягез әле, егетләр!» уенында катнаштылар.
Бу тапкырлык, юмор һәм яхшы кәеф белән тулы кызыклы кичә булды.
Уенда матур кызлар һәм тапкыр малайлар командалары катнашты.
Катнашучыларга конкурслар ошады, алар биремнәрне кызыксынып үтәделәр һәм үзләренең зирәклекләрен, җитезлекләрен, тапкырлыкларын күрсәттеләр.