ЯҢАЛЫКЛАР
Венера Мөдәрис кызын 60 яшьлек юбилее белән котлыйбыз! Балалар бакчасында 40 ел эшләү-ул вакыт кына түгел,ул кайгыртучанлык , хезмәт һәм эшкә тугрылык белән тулы бер чор.Аңа сәламәтлек,бәхет һәм озын гомер телибез! Һәр яңа көн аңа сөенеч һәм яраткан эшеннән канәгатьлек китерсен.
Татарстан Республикасы Мөслим һәм Сарман муниципаль районнары буенча НД һәм ПР районара бүлегенең өлкән инспекторы Гарипов Рөстәм Габделхан улы учреждение хезмәткәрләре белән янгынга каршы инструктажлар һәм янгын куркынычсызлыгы буенча җаваплы вазыйфаи затлар белән әңгәмәләр үткәрде. Мәктәптә янгын куркынычсызлыгын тәэмин итү чаралары: автоматик янгын сигнализациясе системасының төзеклеге,янгын вакытында кешеләрне эвакуацияләү белән идарә итү системасы,дистанцион мониторинг системасы,эвакуация юлларының һәм беренчел янгын сүндерү чараларының карап торышы тикшерелде. Янгын һәм гадәттән тыш хәл килеп чыкканда хезмәткәрләрнең гамәлләре тикшерелде.
4 нче февраль көнне МББУ "Җәлил 2 нче урта мәктәбе"ндә 8 Б сыйныф җитәкчесе Р.И.Фәсхетдинова гаилә кыйммәтләрен формалаштыруга һәм пропагандалауга юнәлдерелгән мавыктыргыч класстан тыш чара оештырды. Гаилә-җәмгыятьнең теләсә кайсы кешесе өчен беренче һәм иң төп ячейкасы.
Өлкән тәрбияче Зиннәтуллина Татьяна Николаевна «Россия — минем тарихым» паркында көндезге семинарда, 160 балалар бакчасы - «беренчеләр хәрәкәте»Россия балалар һәм яшьләр хәрәкәтенең пилот мәйданчыклары җитәкчеләре һәм тәрбиячеләре өчен квалификация күтәрү курсларында катнашты. Укулар балачакны, гаиләне һәм тәрбияне өйрәнү институты белгечләре тарафыннан үткәрелә.
"Лилия" балалар бакчасында балалар йомшак уен модульләре белән рәхәтләнеп уйныйлар.
Сишәмбе көнне, 2025 елның 11 февралендә, Татарстан Республикасы прокуроры Альберт Суяргулов һәм Татарстан Республикасында Кеше хокуклары буенча вәкаләтле вәкил Сәрия Сабурская Зәй, Мөслим, Сарман һәм Яңа Чишмә муниципаль районнарында гражданнарны кабул итәчәкләр.
30 нчы гыйнварда Җәлил бистәсенең 3 нче санлы “Алёнушка” балалар бакчасында “Мәктәпкәчә яшьтәге балаларны татар теленә өйрәтү буенча уен технологияләре һәм алымнары” дигән региональ семинар-практикумы узды. Семинар педагогика фәннәре кандидаты, доцент, “Татарча сөйләшәбез”, “Туган телдә сөйләшәбез”, «Балалар бакчасында рус балаларына татар теле өйрәтү» программалары авторы Зарипова З.М. катнашында үтте. Чарада Азнакай, Мөслим, Сарман, Яңа Чишмә районнары, Яр Чаллы шәһәре педагоглары актив катнашты. Кунакларны балалар бакчасында тәрбияләнүчеләр сәламләде. Семинарда катнашучылар татар теле буенча шөгыль фрагментларын карадылар, шулай ук семинар темасы буенча эш тәҗрибәләре белән уртаклаштылар, мастер-класслар күрсәттеләр, УМК буенча үзләренең авторлык уеннарын тәкъдим иттеләр. Семинар җылы, эшлекле шартларда узды.
Сарман 1 нче санлы «Кояшкай» балалар бакчасының 1 нче төркем балалары традицион булмаган "Файларт" техникасында ( файлда рәсем ясау ысулы) рәсем ясап карадылар.
3 нче февраль көнне "Җәлил гимназиясе" ндә беренче сыйныф укучылары өчен күңелле зарядка оештырылды.