ЯҢАЛЫКЛАР
9 нчы июньдә Җәлил бистәсе мәйданында милли Сабантуй бәйрәме узды. Бәйрәмдә Сарман муниципаль районы башлыгы гранты белән Бөтенроссия укучылар олимпиадасының республика һәм төбәк этаплары призерларын әзерләгән укытучылар бүләкләнде. Моннан тыш, "Җәлил гимназиясе"нең рус теле һәм әдәбияты укытучысы Гафарова Әлфия Тәлгат кызы Сарман муниципаль районы Башлыгының Рәхмәт хаты белән бүләкләнде. Барыгызны да котлыйбыз һәм алга таба да уңышлар телибез!
Сабантуй - халыкны бергә җыя торган, мәдәни традицияләрне чагылдыручы, көчле спортчыларны ачыклаучы аз санлы бәйрәмнәрнең берсе. Шундый бәйрәм бүген Җәлил поселогы мәйданында да узды.
Бәйрәмне ачу тантанасы ел саен үзләренең чыгышлары белән сокландырган һәвәскәр артистларның матур музыкаль номерларыннан башланды.
Җәлилдә яшәүчеләрне һәм кунакларны Сарман муниципаль районы башлыгы Ф.М. Хөснуллин, «Җәлил шәһәр тибындагы поселогы» муниципаль берәмлеге башлыгы Кәримов Р.А. сәламләде. Хезмәттә аерылып торган хезмәткәрләр мактау грамоталары, рәхмәт хатлары белән бүләкләнделәр. Шулай ук бәйрәмгә Татарстан Республикасы Cарман муниципаль районы башлыгы урынбасары Г.Р. Гәрәева, социаль мәсьәләләр буенча башкарма комитет җитәкчесе урынбасары И.Р. Сәхипова, Совет аппараты җитәкчесе Ю.Р. Исмәгыйлева, Җәлил поселогының мактаулы гражданы һәм НГДУ «Джалильнефть» СП «Татнефть-Добыча» башлыгы Р.А. Әхмәтшин, ЦОБ ПАО «Татнефть» ЦССП җитәкчесенең Сарман районы буенча урынбасары Т.Н. Афзалтдинов, поселокның элеккеге җитәкчеләре, нефть сәнәгате һәм бюджет оешмалары ветераннары чакырылган иде.
Бәйрәмдә спорт ярышлары һәм халык уеннары уздырылды. Концерт мәйданчыгында бер-бер артлы поселок кунаклары да чыгыш ясады.
Иң тамашалы чара, әлбәттә, мәйданның үзәгендә күпләрне берләштергән милли көрәш иде. Тамашачылар һәм җанатарлар төрле яктан чолгап алдылар.
Шулай ук аерым мәйданчык балалар Сабантуе өчен җиһазландырылган, анда нәни кунакларга төрле конкурслар һәм ярышлар тәкъдим ителде.
Мондый күркәм татар милли бәйрәмен оештыручыларга, барлык иганәчеләргә ихлас рәхмәтебезне җиткерәбез, аларга ныклы сәламәтлек, гаилә иминлеге теләп калабыз.
Җәлил поселогы башкарма комитеты
Саклаубаш авыл җирлегендә Сабан туйлары гөрләп узды
Кичә Петровский Завод авылында милли Сабантуй бәйрәме узды
Бүген Әлмәттә "Сабантуй"милли бәйрәме узды. Бәйрәмдә район Башлыгы Фәрит Хөснуллин, ТР Суд департаменты идарәсе башлыгы Җәүдәт Салихов һәм башка хөрмәтле кунаклар катнашты.
Мототарин Мотокультурасын үстерүгә ярдәм итү оешмасы вәкилләренең милли Сабантуй бәйрәмендә мотоузыш традиционга әверелде инде. Шулай ук Бөек Ватан сугышы сугышчылары һәйкәленә таҗлар һәм чәчәкләр салынды.
Татар халкының иң яраткан бәйрәме-язгы кыр эшләре тәмамланганнан соң үткәрелә торган Сабантуй быел зур һәм күңелле үтте.
Хөрмәтле райондашлар!
Ерак араларны якын итеп, Сабан туена кайткан кадерле кунаклар!
Сезне чын күңелдән иң затлы милли бәйрәмебез – Сабан туе белән котлыйм.
Сабантуй – халкыбызның иҗат хәзинәсе. Ул татарларның рухи байлыгын, тапкырлыгын, күп гасырлы тарихын, бүгенгесен һәм киләчәген, халыкның хезмәт сөючәнлеген, кунакчыллыгын, күңел киңлеген һәм игенче хезмәтенә хөрмәтен чагылдыра.
Сабантуй республика чикләрен үтеп, Россиядә һәм башка илләрдә дә даими уздырыла. Ул төрле милләт халкын берләштерә, дуслык-туганлык җепләрен ныгыта.
Сарманлылар - язгы кыр эшләре буенча республикада алдынгылар сафында. Башка тармакларда да нәтиҗәле эшләребез, уңышларыбыз бар. Республика программаларында, милли проектларда актив катнашабыз. Торак төзү, социаль объектларны, парклар, күпкатлы йортлар һәм ишегалларын реконструкцияләү, юллар төзү, чиста су, торак-коммуналь хуҗалыгы сорауларын чишү – барысы да дәүләт программаларына нигезләнгән. Традициягә әверелгән санитар чистарту, яшелләндерү, төзекләндерү икеайлыгында катнаштык. Район халкының активлыгы белән җирлекләрнең территорияләре дә тәртипкә кертелде. Районның һәм республикабызның социаль-икътисади үсешендәге тырыш һәм намуслы хезмәтегез өчен зур рәхмәт сезгә.
Хөрмәтле сарманлылар, районыбыз кунаклары!
Гөрләсен, җырласын, мәңге яшәсен Сабан туе!
Хөрмәтле социаль хезмәткәрләр, тармак ветераннары! Сезне чын күңелдән һөнәри бәйрәм - Социаль хезмәткәр көне белән котлыйм. Бу истәлекле көннең мөһимлеге шуның белән билгеләнә: сез көн саен өлкән буынга, аз керемле гаиләләргә, инвалидларга, теге яки бу сәбәпләр аркасында авыр тормыш хәлендә калган һәм ярдәмгә мохтаҗ булганнарга ярдәм күрсәтәсез. Алар турында кайгырту өчен җан җылысына да, игътибарлылык һәм игелек кебек сыйфатларга да ия булырга кирәк. Башкаларның кайгысын йөрәгегез аша үткәргәнегез, аларга яшәү көче биргәнегез өчен Сезгә бик зур рәхмәт. Заманча технологияләр кулланып, сез районда социаль ярдәмнең яңа төрләрен ачасыз. Россия, Республика ярдәм чараларында яңалыклар кертеп, сез төрле грантларда катнашасыз, конкурсларда җиңәсез, һөнәри осталыгыгызны арттырасыз. Район халкының тормыш һәм көнкүреш шартлары яхшырган саен социаль өлкә белгечләренә таләпләр арта, сезгә мөрәҗәгать итүчеләр саны арта бара. Сезнең лаеклы хезмәтегез аркасында районда ветераннар, инвалидлар, өлкәннәр, ялгыз кешеләр, ятим балалар, аз керемле гаиләләр - барысы да даими игътибар үзәгендә. Сезгә бу җаваплы эштә зур уңышлар, нык сәламәтлек, Тормышта иминлек, гаилә бәхете телим.
Бүген Сарман районына эш визиты белән Татарстан Республикасында Суд департаменты идарәсе башлыгы Җәүдәт Миргазям улы Салихов килде. Аны Сарман муниципаль районы Башлыгы Фәрит Мөнәвир улы Хөснуллин озатып йөрде. Сәфәр барышында Җәүдәт Миргазямович Сарман район суды бинасын капиталь ремонтлау белән танышты. Бүгенге көндә бинада җылыту, видеокүзәтү, сигнализация системасын алыштыру буенча эшләр башкарылган.