ЯҢАЛЫКЛАР

8 Март-язның иң гаҗәп, иң назлы бәйрәме! Бәйрәм алдыннан безнең мәктәптә хатын-кызлар көненә багышланган күп төрле бәйрәм чаралары узды.

💐Мәктәбебездә "Ягез әле Әниләр һәм Кызлар!" бәйгесе үтте. Бәйрәмне директор Гайнутдинов Ф.М. ачып җибәрде. Ул барлык хатын-кызларны бәйрәм белән тәбрикләде, җылы, матур теләкләрен җиткерде. Бәйрәмне укучылар чыгышлары бизәде. Укучылар әниләренә чәчәкләр бүләк иттеләр. Барлык төр ярышларда югары нәтиҗәләргә ирешеп Әниләр командасы җиңү яулады💐Котлыйбыз👏💐 Бәйрәмне оештырган класс җитәкчесе Шафигуллина Г.Ф.га, 8 класс укучыларына, бәйрәмне алып барган егетләргә, гадел жюрига, бәйрәмдә катнашкан Әниләргә һәм Кызларга зур рәхмәтебезне белдерәбез!

Бүген 7 март көнне Ләке төп гомуми белем бирү мәктәбендә махсус операциядә катнашучыларының әниләре, тормыш иптәшләре белән очрашу оештырылды.

«Татарстан Республикасында дәүләт һәм муниципаль хезмәтләр күрсәтүнең күп функцияле үзәге» дәүләт бюджет учреждениесе түбәндәгеләрне хәбәр итә:    Бәйрәм алды, ял һәм бәйрәм көннәрендә КФҮ ДБУ бүлекчәләре/филиалларының эш графигы :разд 7 март бәйрәм алды эш көне, эш дәвамлылыгы 1 сәгатькә кыскартылган; ▪ 8 март ял көне; ▪ 9 март челтәр һәм сервис җиһазларын сүндерү һәм үзгәртеп кору белән бәйле рәвештә мөрәҗәгать итүчеләрне кабул итү гамәлгә ашырылмаячак; ▪ 10 март ял көне; ▪ 11 марттан эш көннәре, гадәти режимда.

Бәйрәм алдыннан МБГББУ “А.Тимергалин исемендәге Иске Минзәләбаш төп гомуми белем бирү мәктәбе» укучылары « Әйдәгез, кызлар һәм малайлар!» уенында катнаштылар.
Бу акыллылык, юмор һәм яхшы кәеф белән тулы кызыклы кичә булды.
Уенда матур кызлар һәм тапкыр малайлар командасы катнашты.
Катнашучыларга конкурслар ошады, алар биремнәрне кызыксынып үтәделәр һәм үзләренең зирәклекләрен, җитезлекләрен һәм тапкырлыкларын күрсәттеләр.

Халыкара хатын-кызлар көнен бәйрәм итү кысаларында мәктәптә «Әниемнең яраткан рецептлары» акциясе узды. Акциядә катнашу өчен әни яки әбинең яраткан ризыгы рецептын тәкъдим итәргә һәм әзерләү процессын күрсәтергә кирәк иде. Укучылар бу акциядә рәхәтләнеп катнаштылар һәм төрле техникада башкарылган иҗади эшләрен тәкъдим иттеләр.

Әниләре белән бергә, шулай ук үз куллары белән әзерләнгән ризык, әлбәттә, дөньяда иң тәмле ризыкларның берсе. Әнигә аш-су әзерләргә ярдәм итү һәм үзеңне хуҗалыкта ярдәмче икәнеңне аңлау, балада үз-үзен хөрмәт итү хисе тәрбияли һәм, тагын да мөһимрәге, аны җаваплы булырга өйрәтә. Шуңа күрә дә безнең кызлар яраткан ризыкларын әзерләүдә актив катнаштылар, эшләү процессын фотога, видеога төшерделәр.

Яз белән бергә безгә искиткеч бәйрәм – 8 Март Халыкара хатын-кызлар көне килә. Бу көн кояш нурлары, чәчәкләр белән бизәлгән хатын-кыз елмаюлары белән җылытыла.
7 март көнне МБББУ "Ләшәү-Тамак төп гомумбелем бирү мәктәбе"ндә «Ягез әле, кызлар!» дип исемләнгән чара үткәрелде . Чарада кызлар командалары төрле конкурсларда катнашты.. Кызлар безне үзләренең артистлыклары, тапкырлыклары белән сөендерделәр, тамашачыларның кәефен күтәрделәр.

6 нчы март көнне «Сарман» кинотеатрында Гаилә елы кысаларында, Бөек җиңүнең 79 еллыгын каршылап район балалар бакчалары коллективларына оештырылган чара узды. Аларга «823-й километр» исемле яңа төшерелгән татарстан фильмы күрсәтелде.

Бүген Сарман авылы мәдәният йортында "гаилә-бәхетле Йолдызлык"фестиваль - конкурсының йомгаклау концерты булды.

Сарман муниципаль районы башлыгы Фәрит Мөнәвир улы Хөснуллин чарада катнашучыларны сәламләде, 8 Март бәйрәме белән котлады.

Районның талантлы гаиләләре үзләренең иҗади номерларын, кулинария сәнгатен күрсәттеләр. Фойеда күргәзмә оештырылган.

Чара район сәнгать мәктәбе укучыларының чыгышлары белән үрелеп барды.

Бүген утырышлар залында "Гаилә кыйммәтләрен саклау һәм абортларны профилактикалау"темасына түгәрәк өстәл узды. Абортларны комплекслы профилактикалау проекты Плюс один һәм бөтен йөклеләргә.РФ проекты кысаларында үз эшчәнлеген автоном коммерцияле булмаган оешма гаиләне, аналыкны һәм балалыкны яклау үзәге Умиление гамәлгә ашыра.