ЯҢАЛЫКЛАР
Бүген Сарман районында Украинада махсус хәрби операциядә катнашучы якташларына чираттагы гуманитар ярдәм җибәрү оештырылды.
Сарайлы авылында яшәүче хезмәт ветераны Бикмиева Хәдичә Сахипзадиновна үзенең 90 яшьлек юбилеен билгеләп утте. Ветеранны район башкарма комитеты рәисе урынбасары Р.Р.Хуснимарданова тәбрикләде. Район башлыгы Фарит Хуснуллинның рәхмәт хатын һәм истәлекле бүләк тапшырды. Ләшәү Тамак авыл җирлеге башлыгы Илфат Хабибуллин котлап, юбилярга сәламәт булып якыннарының кадер-хөрмәтендә яшәвен теләде.
Бүген район башлыгы Фәрит Хөснуллин гражданнарны кабул итте. Алдан кабул итүгә язылучы үзләрен кызыксындырган сорауларга җавап ала алды.
Кабул итү атна саен сишәмбе көнне 14.00 сәгатьтә алып барыла, алдан язылу телефон аша: 2-42-75.
23 февраль Россия Почтасының республикадагы барлык бүлекчәләре өчен ял көне булачак. 22 февральдә почта бүлекчәләренең эш көне бер сәгатькә кыскартылачак.
9 нчы сыйныф укучысы, география буенча региональ этап призеры Галимов Мусаны, шулай ук 8 нче сыйныф укучысы,татар теле буенча республика олимпиадасы призеры Мамедов Рамалны котлыйбыз! Балалар Казан шәһәрендәге "Җәлил гимназиясе"нең намусын якладылар. Сыйныфташлары, укытучылары һәм гимназия администрациясе призерларны хөрмәт белән каршы алалар һәм медальләр белән бүләклиләр.
МБГББУ «Зур Нөркәй урта гомуми белем бирү мәктәбе» укучылары «Ватанны саклаучыга хат» бөтенроссия яшьләр акциясендә актив катнаштылар
17 февральдә әфган-сугышчыларны искә алу көненә багышланган патриотик эчтәлекле волейбол буенча 4 районара турнир узды. Төрле елларда Карашай Саклау мәктәбендә белем алган ветераннар чараның мәртәбәле кунаклары булды. Дурт команда катнашында Карашай-Саклау, Чураш авылы, Минзәлә районының Кадрәк авылы егетләре көч сынашты. Алар менә дигән уен күрсәттеләр. Спортны яраткан барлык авылдашлары исеменнән уенчыларга авыл данын якларга килгәннәре өчен рәхмәт. Матур, намуслы уен күрсәттеләр. Барыбызга да нык сәламәтлек һәм иминлек телибез.
МБББУ "Ләшәү-Тамак төп гомуми белем бирү мәктәбендә " Муса Җәлилнең тууына 118 ел тулуга багышланган чара узды. Укучылар герой шагыйрьнең тормышы һәм иҗат юлы турында күп яңалыклар белделәр. Традиция буенча, 15 февраль – шагыйрьнең, Советлар Союзы Герое Муса Җәлилнең туган көнендә безнең мәктәптә төрле чаралар, дәресләр уза. Шагыйрьнең тууына 118 ел тулу уңаеннан әдәби-музыкаль кичә уздырылды, балаларга шагыйрьнең иҗаты, шулай ук аның фаҗигале язмышы, Җәлилчеләр концлагерьларда үткәргән куркыныч вакыты турында сөйләделәр. Шуңа да карамастан, Муса Җәлил фашистларга каршы көрәшне үзенең шигырьләре ярдәмендә дәвам итте. Балалар үзләре дә Муса Җәлилнең рухи һәм патриотик шигырьләрен яратып укыдылар.
Парламент дәресе – 2024" без киләчәкне сайлыйбыз " Парламент дәресе Татарстан Республикасында күптәннән традиционга әверелде. Аны әзерләү һәм үткәрү укучыларның сәяси-хокукый мәдәниятен формалаштыруга, гражданнарның җәмгыятьнең социаль-сәяси тормышында ролен һәм аларның сайлау активлыгын аңлауга, гражданлык, җәмгыять, ил алдында җаваплылык кебек сыйфатларны тәрбияләүгә карашны формалаштыруга ярдәм итә. Парламент дәресенең гомуми темасы - 2024 " киләчәкне сайлыйбыз!». 19 февральдә МББУ «Мортыш-Тамак төп гомуми белем бирү мәктәбе» тарих һәм җәмгыять белеме укытучысы Салихова Рәмзия Равил кызы Парламент дәресе оештырды һәм үткәрде. Анда мактаулы кунаклар катнашты: Мортыштамак авыл советы сайлау комиссиясе рәисе Гавасетдинова Гүзәлия Наилевна, сайлау комиссиясе әгъзалары: Мортыштамак авыл советы секретаре Илдарханова Алсу Раиф кызы, Хәмидуллина Алия Әхияретдин кызы, Зялилова Миләүшә Таһриф кызы. Дәрес викторина һәм эшлекле уен формасында үтте. Парламент дәресе барышында төп сораулар каралды: "сайлау участогы ничек эшли?, Сайлаучы нәрсә белергә тиеш. Балаларга сайлаулар үткәрү тәртибе, участок сайлау комиссиясе эше турында сөйләделәр, норматив-хокукый документлар белән таныштырдылар. Дәреснең беренче өлешендә алган барлык төшенчәләрне һәм белемнәрне карап чыгып, уен катнашучылары билгеле бер сайлау системасы буенча РФ Президентын сайларга тырыштылар. Укучылар сайлау бюллетеньнәре алдылар, үз сайлауларын ясадылар, бюллетеньнәрен урнага ташладылар. Барысы да тавыш биргәннән соң, сайлау комиссиясе сайлаулар узды дип игълан итә. Барлык тавышларны санап чыгып, сайлау нәтиҗәләре игълан ителә. Чараның өченче өлешендә укучылар «сәясәт турында барысын да беләсеңме?»викторинасында катнаштылар. 2 команда «патриотлар» һәм "Ватанны саклаучылар" илнең иҗтимагый-сәяси тормышына никадәр әзер булулары турында ярыштылар. "Ватанны саклаучылар" үзен әзерлекле һәм оешкан итеп күрсәтә һәм викторинада җиңү яулый. Соңгы өлештә укучылар кызыксынучы сорауларга җаваплар алдылар. Дәрес кызыклы һәм белемле иде.
2024 елның 14 февралендә Әлмәт районының "Юность" ял базасында «Татнефть» хәйрия фондының «Җырлы сандугач иле» XXVII региональ балалар һәм яшүсмерләр иҗаты фестивале «Тынлы һәм ударлы уен коралларында башкаручылар" номинациясендә узды.