ЯҢАЛЫКЛАР
Хөрмәтле райондашлар! Барыгызны да чын йөрәктән Татарстанның төп бәйрәме – Республика көне белән тәбрик итәм!
1990 елның 30 август көне республикабыз үсешенең яңа юнәлешен билгеләгән мөһим вакыйга булып тарихка керде. Татарстан Республикасында Дәүләт суверенитеты турында декларация кабул ителүенә 35 ел вакыт узды.
Шушы вакыт эчендә Татарстан Республикасы киләчәккә омтылучы алдынгы республика буларак дөньяга танылды. Шунысы аеруча кадерле: республикада яшәүче халыкларның бер-берсенә карата толерантлы булуы саклап калынды. Сәяси һәм иҗтимагый стабильлек, төрле милләт һәм конфессияләр арасында тынычлык һәм дуслык – Татарстанның суверенитет юлында иң зур казанышы дип әйтер идем. Шуңа күрә Республика көне аның барлык күпмилләтле халкының уртак бәйрәме.
Республика уңышлары безнең район тормышында да чагылыш таба.
Республикабыз җитәкчелеге ярдәме белән торак йортлар, балалар бакчалары, мәктәпләр, авыл клублары, спорт һәм сәламәтлек саклау объектлары төзелә һәм ремонтлана, иҗтимагый киңлекләр төзекләндерелә, юллар салына. Бүгенге көндә районда урып-җыю эшләре тулы куәтенә бара.
Авыл җирлекләрендә социаль әһәмияткә ия программаларны тормышка ашырып, тыныч һәм имин республикада яшәү мөмкинлеген тәэмин иткән Татарстан Республикасы Рәисе Рөстәм Нургалиевич Миңнехановка, Дәүләт Советы, Министрлар Кабинетына барлык райондашлар исеменнән рәхмәт сүзләремне җиткерәм.
Хөрмәтле райондашлар, сезгә районыбыз, республикабызны үстерүгә-ныгытуга керткән лаеклы өлешегез, фидакарь хезмәтегез өчен олы рәхмәтемне белдерәм.
Бәйрәм белән котлап, Татарстаныбызга, районыбызга яңа уңышлар, халкыбызга матур киләчәк телим. Үзебез сау-сәламәт, дөньялар тыныч булсын.
Бүген "Казан Экспо" халыкара күргәзмә үзәгендә Татарстан Республикасы муниципаль берәмлекләре арасында республика смотр-конкурсында җиңүчеләрне бүләкләү тантанасы булды.
Тантанада Сарман муниципаль районы Башлыгы Фәрит Мөнәвир улы Хөснуллин җитәкчелегендәге район делегациясе катнашты.
Татарстан Республикасы Рәисе Рөстәм Нургали улы Миңнеханов конкурста җиңүчеләргә - Янурыс авыл җирлеге башлыгы Азия Әсхәдулла кызы Мөхәммәдиевага, Иске Минзәләбаш авыл җирлеге башлыгы Айдар Наил улы Габдрахмановка җиңел автомобиль ачкычлары тапшырды.
Районның балалар бакчалары мөдирләре белән саклау, тәртипкә китерү һәм экспертиза ясау, шулай ук даими саклау срогының гамәли, тарихи әһәмияткә ия булган документларын муниципаль архивка тапшыру мәсьәләләре буенча семинар үткәрелде.
Мәгариф учреждениеләре документларын архивта саклауны оештыру һәм камилләштерү, документаль мирасны саклау максатларында 2024 елда архив эше өлкәсендә Сарман районы мәгариф учреждениеләре белән хезмәттәшлек итү турында шартнамәләр төзелде.
Район мәктәпләре 1953-2023 елларга 745 эш күләмендә идарә документларын (төп эшчәнлек буенча боерыклар, педагогик Советлар беркетмәләре, гомуми җыелышлар беркетмәләре һ.б.) муниципаль саклауга тапшырганнар инде.
Александровка авыл җирлегендә булачак сайлаулар мәсьәләләре буенча гражданнар җыелышы узды
«Авыл яшьләре» төбәк проектын гамәлгә ашыру кысаларында 2025 елның 2-30 сентябрендә Татарстан Республикасы муниципаль районнарында авыл яшьләре өчен Россиянең һәм республиканың танылган экспертларыннан түләүсез семинарлар сериясе узачак.
Проектны Татарстан Республикасы Авыл хуҗалыгы һәм азык-төлек министрлыгы, Татарстан Республикасы Яшьләр эшләре министрлыгы һәм «Татарстан Республикасы Аграр яшьләр берләшмәсе»төбәк иҗтимагый оешмасы оештыра.
Чараларга теркәлү мобиль кушымтада мөмкин ТР Аграр яшьләр берләшмәсе (AppStore - https://clck.ru/3NGCVM, Play Market – https://clck.ru/3NGCU4).
Иске Имән авыл җирлегенең Иске Имән авыл Советында Сарман муниципаль районы прокуроры Алексей Николаевич Панишев гражданнарны кабул итте
Ләке авыл җирлегендә гражданнар җыелышы булды.
Конкурс Россия Федерациясе Хөкүмәтенең 2020 елның 15 сентябрендәге 1436 номерлы карары нигезендә үткәрелә һәм «Россия — мөмкинлекләр иле» федераль проекты кысаларында «Яшьләр һәм балалар»милли проекты кысаларында уза.
Граждан җәмгыяте институтларын үстерүгә керткән өлеше өчен Татарстан Республикасы Рәисе премиясен бирү комитеты 2025 елның 26 августында Татарстан Республикасында граждан җәмгыяте институтларын үстерүгә керткән өлеше өчен Татарстан Республикасы Рәисе премиясен алуга документлар кабул итә башлау турында хәбәр итә.
Киңәшмә эшендә Сарман муниципаль районы Башкарма комитеты җитәкчесе Фәндәс Әнәс улы Вәлиев, ТР Төзелеш, архитектура һәм торак-коммуналь хуҗалык министрының беренче урынбасары Дамир Фәрит улы Шәйдуллин, ТР ГИСУ директоры урынбасары Руслан Айрат улы Ямалтдинов һәм подряд оешмалары катнашты.