ЯҢАЛЫКЛАР
26 нчы ноябрь көнне, Әниләр көне алдыннан, МБГББУ "Җәлил гимназиясе" ндә 8 нче Б сыйныфында яраткан әниләр өчен брошка ясау буенча җылы һәм иҗади мастер-класс узды.
МБГББУ "Җәлил гимназиясе" нең 7 нче В сыйныфы укучылары махсус кичә - Әниләр көне үткәрделәр.
Болытлы, төнлә аязучан.
Төнлә урыны белән бераз кар, юеш кар.
Көндез юеш кар һәм яңгыр ява.
Кайбер районнарда томан, бозлавык.
Җил көньяк-көнбатыштан 7-12 м/с, көндез урыны белән 15-17 м/с тизлектә.
Төнлә һаваның минималь температурасы 0..-3˚.
Көндез максималь температура 0..+2˚.
Юлларда урыны белән бозлавык.
Бүген 1 нче санлы «Кояшкай» балалар бакчасында "Экологик уеннар аша мәктәпкәчә яшьтәге балаларның шәхси үсешен формалаштыру" темасына районкүләм семинар-практикум узды.
Сарман муниципаль районы башлыгы Фәрит Мөнәвир улы Хөснуллин «Бердәм РОССИЯ» партиясенең Татарстан төбәк бүлегенең контроль-ревизия комиссиясе белән очрашты, партиянең Сарман җирле бүлеген тикшерү нәтиҗәләре турында фикер алыштылар.
Бүген зурлар һәм мәктәпкә әзерлек төркеме балалары кадерле кешеләрен якынлашып килүче Әниләр көне белән чын күңелдән котладылар. Бәләкәй йөрәкләр өчен бу бәйрәм үзенчәлекле һәм дулкынлану белән тулы. Бәйрәм балаларга яхшы таныш булган персонажлар – шаян Белмәмеш һәм акыллы Убырлы карчык чыгышлары белән үрелеп барды. Чара шатлык белән тулы җылы атмосферада узды. Кечкенә артистлар әниләренә бик күп сюрпризлар әзерләгән иделәр: алар күңел кылларын тибрәтердәй шигырьләр укыдылар, матур җырлар башкардылар, үзләренең дәртле биюләрен тәкъдим иттеләр. Бәйрәмне тагын да тулыландырып, балаларыбыз якыннары өчен нәни куллары белән ясаган бүләкләрен тапшырдылр. Әниләр дә активлык күрсәтте: балалар белән бергә алар рәхәтләнеп җырладылар, биеделәр, күңел ачтылар.
Бүген, 2025 елның 27 ноябрендә, Сарман муниципаль районы Советында «Татарстан – Яңа гасыр» депутатлар төркеме әгъзалары Татарстан Республикасы Дәүләт Советында «Татарстан – яңа гасыр» депутатлар төркеме җыелышында катнаштылар.
Җәлил бистәсенең Хезмәт даны музеенда фронтовик, «Җәлилнефть» нефть һәм газ эшкәртү идарәсенең беренче башлыгы, Җәлил бистәсенә беренче нигез салучы Галимҗан Әхмәдиевнең тууына 100 елга багышланган чара узды. “Аленушка” балалар бакчасында тәрбияләнүчеләр иҗади номерлар белән тантаналы чарада катнаштылар: нефтьчеләр турында шигырьләр укыдылар, җырладылар һәм нефть чыгару процессын чагылдыручы бию композициясен күрсәттеләр. Мондый кичәләрдә катнашу балаларыбызда бистәбез тарихына карата ватанпәрвәрлек хисләре уята һәм хөрмәт тәрбияли.
Җәлил бистәсенең 3 нче санлы “Аленушка” балалар бакчасында тәрбияләнүчеләр «Д.И. Менделеев эзләре буенча» бөтенроссия конкурсында II дәрәҗә җиңүче булдылар! Алар бөек галим эзе буйлап хәтта нәни кешеләр дә бара алуын ышаныч белән исбат иттеләр! Оештыручы - "Беренчеләр хәрәкәте" ярдәме белән "НАХИМИЧИМ" балалар химик лабораториясе" проекты. Габидуллин Адель һәм Җәмилова Сафияне чын күңелдән котлыйбыз! Алга таба да якты тәҗрибәләр, кыю экспериментлар үткәререп иҗади җиңүләргә ирешүләрен телибез!
Җәлил шәһәр тибындагы поселогы Мәдәният сараенда Әниләр көненә багышланган тантаналы чара узды. Оештыручы - Татарстан Республикасы Сарман районы Җәлил шәһәр тибындагы поселогы «Ак калфак» татар хатын-кызлары иҗтимагый оешмасы җитәкчесе.
Чарага хәрби бурычларын үтәгәндә һәлак булган хәрбиләрнең, шулай ук хәзерге вакытта хезмәт итүче хәрбиләрнең әниләре чакырылды. Кунаклар өчен үзешчән сәнгать коллективлары һәм яшь артистлар катнашында концерт әзерләнде. Чара бәйрәмчә чәй эчү белән тәмамланды.